Lysias, Speeches, Πρὸσ Σίμωνα ἀπολογία 9:

οὗτοσ τοίνυν εἰσ τοῦτο ἦλθεν ὕβρεωσ ὥστ’ οὐ πρότερον ἠθέλησεν ἀπελθεῖν, πρὶν αὐτὸν ἡγούμενοι δεινὰ ποιεῖν οἱ παραγενόμενοι καὶ οἱ μετ’ αὐτοῦ ἐλθόντεσ, ἐπὶ παῖδασ κόρασ καὶ ὀρφανὰσ εἰσιόντα, ἐξήλασαν βίᾳ. καὶ τοσούτου ἐδέησεν αὐτῷ μεταμελῆσαι τῶν ὑβρισμένων, ὥστε ἐξευρὼν οὗ ἐδειπνοῦμεν ἀτοπώτατον πρᾶγμα καὶ ἀπιστότατον ἐποίησεν, εἰ μή τισ εἰδείη τὴν τούτου μανίαν.