Lysias, Speeches, Ἐπιτάφιοσ τοῖσ Κορινθίων βοηθοῖς 14:

ταῦτα διανοηθέντεσ, καὶ τὰσ ἐν τῷ πολέμῳ τύχασ κοινὰσ ἁπάντων ἀνθρώπων νομίζοντεσ, πολλοὺσ μὲν πολεμίουσ κτώμενοι, τὸ δὲ δίκαιον ἔχοντεσ σύμμαχον ἐνίκων μαχόμενοι. καὶ οὐχ ὑπὸ τῆσ τύχησ ἐπαρθέντεσ μείζονοσ παρὰ Καδμείων τιμωρίασ ἐπεθύμησαν, ἀλλ’ ἐκείνοισ μὲν ἀντὶ τῆσ ἀσεβείασ τὴν ἑαυτῶν ἀρετὴν ἐπεδείξαντο, αὐτοὶ δὲ λαβόντεσ τὰ ἆθλα ὧνπερ ἕνεκα ἀφίκοντο, τοὺσ Ἀργείων νεκρούσ, ἔθαψαν ἐν τῇ αὑτῶν Ἐλευσῖνι. περὶ μὲν οὖν τοὺσ ἀποθανόντασ τῶν ἑπτὰ ἐπὶ Θήβασ τοιοῦτοι γεγόνασιν.