헬라어 문장 검색 - ΑτηενάΤηεΔειπ

(아테나이오스, The Deipnosophists, Book 6, book 6, chapter 55 3:)

"αὗται πολὺ κρατήσουσι τοῦ σοῦ γευσάμεναι αἵματοσ, ὁ δ’ αὐτόσ φησι καὶ Χειρίσοφον τὸν Διονυσίου κόλακα ἰδόντα Διονύσιον γελῶντα μετά τινων γνωρίμων ἀπεῖχεν δ’ ἀπ’ αὐτῶν πλείω τόπον, ὡσ μὴ συνακούειν συγγελᾶν. ἐπεὶ δ’ ὁ Διονύσιοσ ἠρώτησεν αὐτὸν διὰ τίνα αἰτίαν οὐ συνακούων τῶν λεγομένων γελᾷ, ὑμῖν, φησί, πιστεύω διότι τὸ ῥηθὲν γέλοιόν ἐστιν. "πλείστουσ δ’ εἶχεν καὶ ὁ υἱὸσ αὐτοῦ Διονύσιοσ τοὺσ κολακεύοντασ, οὓσ καὶ προσηγόρευον οἱ πολλοὶ Διονυσοκόλακασ. "οὗτοι δὲ προσεποιοῦντο μήτε ὀξὺ ὁρᾶν παρὰ τὸ δεῖπνον, ἐπεὶ ὁ Διονύσιοσ οὐκ ἦν ὀξυώπησ, ἔψαυόν τε τῶν παρακειμένων ὡσ οὐχ ὁρῶντεσ, ἑώσ ὁ Διονύσιοσ αὐτῶν τὰσ χεῖρασ πρὸσ τὰ λεκάνια προσῆγεν. "ἀποπτύοντοσ δὲ τοῦ Διονυσίου πολλάκισ παρεῖχον τὰ πρόσωπα καταπτύεσθαι καὶ ἀπολείχοντεσ τὸν σίαλον, ἔτι δὲ τὸν ἔμετον αὐτοῦ μέλιτοσ ἔλεγον εἶναι γλυκύτερον. "Τίμαιοσ δ’ ἐν τῇ δευτέρᾳ καὶ εἰκοστῇ τῶν ἱστοριῶν Δημοκλέα φησὶ τὸν Διονυσίου τοῦ νεωτέρου κόλακα, ἔθουσ ὄντοσ κατὰ Σικελίαν θυσίασ ποιεῖσθαι κατὰ τὰσ οἰκίασ ταῖσ Νύμφαισ καὶ περὶ τὰ ἀγάλματα παννυχίζειν μεθυσκομένουσ ὀρχεῖσθαί τε περὶ τὰσ θεάσ, ὁ Δημοκλῆσ ἐάσασ τὰσ Νύμφασ καὶ εἰπὼν οὐ δεῖν προσέχειν ἀψύχοισ θεοῖσ ἐλθὼν ὠρχεῖτο περὶ τὸν Διονύσιον. "ἔπειτα πρεσβεύσασ ποτὲ μεθ’ ἑτέρων, καὶ πάντων κομιζομένων ἐπὶ τριήρουσ κατηγορούμενοσ ὑπὸ τῶν ἄλλων ὅτι στασιάζοι κατὰ τὴν ἀποδημίαν καὶ βλάπτοι τοῦ Διονυσίου τὰσ κοινὰσ πράξεισ καὶ σφόδρα τοῦ Διονυσίου ὀργισθέντοσ ἔφησεν τὴν διαφορὰν γενέσθαι αὑτῷ πρὸσ τοὺσ συμπρέσβεισ ὅτι μετὰ τὸ δεῖπνον ἐκεῖνοι μὲν τῶν Φρυνίχου καὶ Στησιχόρου, ἔτι δὲ Πινδάρου παιάνων τῶν ναυτῶν τινασ ἀνειληφότεσ ᾖδον, αὐτὸσ δὲ μετὰ τῶν βουλομένων τοὺσ ὑπὸ τοῦ ὁ Διονυσίου πεποιημένουσ διεπεραίνετο. "καὶ τούτου σαφῆ τὸν ἔλεγχον παρέξειν ἐπηγγείλατο · "τοὺσ μὲν γὰρ αὑτοῦ κατηγόρουσ οὐδὲ τὸν ἀριθμὸν τῶν ᾀσμάτων κατέχειν, αὐτὸσ δ’ ἕτοιμοσ εἶναι πάντασ ἐφεξῆσ ᾄδειν. "λήξαντοσ δὲ τῆσ ὀργῆσ τοῦ Διονυσίου πάλιν ὁ Δημοκλῆσ ἔφη· "χαρίσαιο δ’ ἂν μοί τι, Διονύσιε, κελεύσασ τινὶ τῶν ἐπισταμένων διδάξαι με τὸν πεποιημένον εἰσ τὸν Ἀσκληπιὸν παιᾶνα· "ἀκούω γάρ σε πεπραγματεῦσθαι περὶ τοῦτον. "παρακεκλημένων δέ ποτε τῶν φίλων ὑπὸ τοῦ Διονυσίου ἐπὶ τὸ δεῖπνον εἰσιὼν ὁ Διονύσιοσ εἰσ τὸν οἶκον γράμματα ἡμῖν, ἔφη, ἄνδρεσ φίλοι, ἐπέμφθη παρὰ τῶν ἡγεμόνων τῶν εἰσ Νέαν πόλιν ἀποσταλέντων. "καὶ ὁ Δημοκλῆσ ὑπολαβὼν εὖ γε νὴ τοὺσ θεούσ, ἔφη, Διονύσιε. "κἀκεῖνοσ προσβλέψασ αὐτῷ τί δ’ οἶδασ, ἔφη, σύ, πότερα κατὰ γνώμην ἐστὶν ἢ τοὐναντίον ἃ γεγράφασι; "καὶ ὁ Δημοκλῆσ εὖ γε νὴ τοὺσ θεοὺσ ἐπιτετίμηκασ, ἔφη, Διονύσιε. "καὶ Σάτυρον δέ τινα ἀναγράφει ὁ Τίμαιοσ κόλακα ἀμφοτέρων τῶν Διονυσίων. "Ἡγήσανδροσ δ’ ἱστορεῖ καὶ Ιἕρωνα τὸν τύραννον ἀμβλύτερον κατὰ τὰσ ὄψεισ γενέσθαι καὶ τοὺσ συνδειπνοῦντασ τῶν φίλων ἔχειν ἐπίτηδεσ διαμαρτάνοντασ τῶν ἐδεσμάτων ἵν’ ὑπ’ αὐτοῦ χειραγωγῶνται καὶ δοκῇ τῶν ἄλλων ὀξυδερκέστεροσ εἶναι. "Εὐκλείδην δέ φησιν Ἡγήσανδροσ τὸν Σεῦτλον ἐπικαλούμενον παράσιτοσ δ’ ἦν καὶ οὗτοσ παραθέντοσ τινὸσ αὐτῷ πλείουσ σόγκουσ ἐν δείπνῳ, ὁ Καπανεύσ, ἔφη, ὁ ὑπὸ τοῦ Εὐριπίδου εἰσαγόμενοσ ἐν ταῖσ Ἱκέτισιν ὑπεραστεῖοσ ἦν μισῶν τραπέζαισ ὅστισ ἐξογκοῖτ’ ἄγαν. "οἱ δὲ δημαγωγοῦντεσ, φησίν, Ἀθήνησι κατὰ τὸν Χρεμωνίδειον πόλεμον κολακεύοντεσ τοὺσ Ἀθηναίουσ τἄλλα μὲν ἔφασκον πάντα εἶναι κοινὰ τῶν Ἑλλήνων, τὴν δ’ ἐπὶ τὸν οὐρανὸν ἀνθρώπουσ φέρουσαν ὁδὸν Ἀθηναίουσ εἰδέναι μόνουσ. "Σάτυροσ δ’ ἐν τοῖσ βίοισ Ἀνάξαρχόν φησι τὸν εὐδαιμονικὸν φιλόσοφον ἕνα τῶν Ἀλεξάνδρου γενέσθαι κολάκων καὶ συνοδεύοντα τῷ βασιλεῖ, ἐπεὶ ἐγένετό ποτε βροντὴ ἰσχυρὰ καὶ ἐξαίσιοσ ὡσ πάντασ πτῆξαι, εἰπεῖν μή τι σὺ τοιοῦτον ἐποίησασ, Ἀλέξανδρε, ὁ τοῦ Διόσ; "τὸν δὲ γελάσαντα εἰπεῖν οὐ γὰρ φοβερὸσ βούλομαι εἶναι, καθάπερ σύ με διδάσκεισ ὁ τὰσ τῶν σατραπῶν καὶ βασιλέων κελεύων με δειπνοῦντα προσφέρεσθαι κεφαλάσ. Ἀριστόβουλοσ δέ φησιν ὁ Κασσανδρεὺσ Διώξιππον τὸν Ἀθηναῖον παγκρατιαστὴν τρωθέντοσ ποτὲ τοῦ Ἀλεξάνδρου καὶ αἵματοσ ῥέοντοσ εἰπεῖν ἰχὼρ οἱο͂́σπερ τε ῥέει μακάρεσσι θεοῖσιν. "Ἐπικράτησ δ’ ὁ Ἀθηναῖοσ πρὸσ βασιλέα πρεσβεύσασ, ὥσ φησιν Ἡγήσανδροσ, καὶ πολλὰ δῶρα παρ’ ἐκείνου λαβὼν οὐκ ᾐσχύνετο κολακεύων οὕτωσ φανερῶσ καὶ τολμηρῶσ τὸν βασιλέα ὡσ καὶ εἰπεῖν δεῖν κατ’ ἐνιαυτὸν οὐκ ἐννέα ἄρχοντασ, ἀλλ’ ἐννέα πρέσβεισ αἱρεῖσθαι πρὸσ βασιλέα, θαυμάζω δὲ ἔγωγε τῶν Ἀθηναίων πῶσ τοῦτον μὲν ἄκριτον εἰάσαν, Δημάδην δὲ δέκα ταλάντοισ ἐζημίωσαν ὅτι θεὸν εἰσηγήσατο Ἀλέξανδρον, καὶ Τιμαγόραν δ’ ἀπέκτειναν ὅτι πρεσβεύων ὡσ βασιλέα προσεκύνησεν αὐτόν. Τίμων ὁ Φλιάσιοσ ἐν τῷ τρίτῳ τῶν σίλλων Ἀρίστωνά φησι τὸν Χῖον, Ζήνωνοσ δὲ τοῦ Κιτιέωσ γνώριμον, κόλακα γενέσθαι Περσαίου τοῦ φιλοσόφου, ὅτι ἦν ἑταῖροσ Ἀντιγόνου τοῦ βασιλέωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 6, book 6, chapter 55 3:

(아테나이오스, The Deipnosophists, Book 6, book 6, chapter 55 3:)

상위

목록

SEARCH

MENU NAVIGATION