Athenaeus, The Deipnosophists, Book 6, book 6, chapter 101

(아테나이오스, The Deipnosophists, Book 6, book 6, chapter 101)

σιωπήσαντοσ δ’ αὐτοῦ ὁ Μασσούριοσ ἔφη· "ἀλλ’ ἐπειδὴ ὑπολείπεταί τινα περὶ τοῦ ἀμφὶ τοὺσ οἰκέτασ λόγου συμβαλοῦμαί τι καὶ αὐτὸσ μέλοσ εἰσ ἔρωτα τῷ σοφῷ καὶ φιλτάτῳ Δημοκρίτῳ. Φίλιπποσ ὁ Θεαγγελεὺσ ἐν τῷ περὶ Καρῶν καὶ Λελέγων συγγράμματι καταλέξασ τοὺσ Λακεδαιμονίων εἵλωτασ καὶ τοὺσ Θετταλικοὺσ πενέστασ καὶ Κᾶράσ φησι τοῖσ Λέλεξιν ὡσ οἰκέταισ χρήσασθαι πάλαι τε καὶ νῦν. Φύλαρχοσ δ’ ἐν ἕκτῃ ἱστοριῶν καὶ Βυζαντίουσ φησὶν οὕτω Βιθυνῶν δεσπόσαι ὡσ Λακεδαιμονίουσ τῶν εἱλώτων, περὶ δὲ τῶν παρὰ Λακεδαιμονίοισ ἐπευνάκτων καλουμένων δοῦλοι δ’ εἰσὶ καὶ οὗτοι σαφῶσ ἐκτίθεται Θεόπομποσ διὰ τῆσ δευτέρασ καὶ τριακοστῆσ τῶν ἱστοριῶν λέγων οὕτωσ· "ἀποθανόντων πολλῶν Λακεδαιμονίων ἐν τῷ πρὸσ Μεσσηνίουσ πολέμῳ οἱ περιλειφθέντεσ εὐλαβηθέντεσ μὴ καταφανεῖσ γένωνται τοῖσ ἐχθροῖσ ἐρημωθέντεσ ἀνεβίβασαν τῶν εἱλώτων ἐφ’· "ἑκάστην στιβάδα τῶν τετελευτοκότων τινάσ· "οὓσ καὶ πολίτασ ὕστερον ποιήσαντεσ προσηγόρευσαν ἐπευνάκτουσ, ὅτι κατετάχθησαν ἀντὶ τῶν τετελευτηκότων εἰσ τὰσ στιβάδασ. "ὁ δ’ αὐτὸσ ἱστορεῖ κἀν τῇ τριακοστῇ καὶ τρίτῃ τῶν ἱστοριῶν παρὰ Σικυωνίοισ κατωνακοφόρουσ καλεῖσθαι δούλουσ τινὰσ παραπλησίουσ ὄντασ τοῖσ ἐπευνάκτοισ. "τὰ παραπλήσια ἱστορεῖ καὶ Μέναιχμοσ ἐν τοῖσ Σικυωνιακοῖσ. ἔτι Θεόπομποσ ἐν τῇ δευτέρᾳ τῶν Φιλιππικῶν Ἀρδιαίουσ φησὶ κεκτῆσθαι προσπελατῶν ὥσπερ εἱλώτων τριάκοντα μυριάδασ, οἱ δὲ μόθακεσ καλούμενοι παρὰ Λακεδαιμονίοισ ἐλεύθεροι μὲν εἰσιν, οὐ μὴν Λακεδαιμόνιοι, λέγει δὲ περὶ αὐτῶν Φύλαρχοσ ἐν τῇ πέμπτῃ καὶ εἰκοστῇ τῶν ἱστοριῶν οὕτωσ· "εἰσὶ δ’οἱ μόθακεσ σύντροφοι τῶν Λακεδαιμονίων ἕκαστοσ γὰρ τῶν πολιτικῶν παίδων, ὡσ ἂν καὶ τὰ ἴδια ἐκποιῶσιν, οἱ μὲν ἕνα, οἱ δὲ δύο, τινὲσ δὲ πλείουσ ποιοῦνται συντρόφουσ αὑτῶν, εἰσὶν οὖν οἱ μόθακεσ ἐλεύθεροι μὲν, οὐ μὴν Λακεδαιμόνιοί γε, μετέχουσιν δὲ τῆσ παιδείασ πάσησ, τούτων ἕνα φασὶ γενέσθαι καὶ Λύσανδρον τὸν καταναυμαχήσαντα τοὺσ Ἀθηναίουσ πολίτην γενόμενον δι’ ἀνδραγαθίαν. "Μύρων δὲ ὁ Πριηνεὺσ ἐν δευτέρῳ Μεσσηνιακῶν πολλάκισ, φησίν, ἠλευθέρωσαν Λακεδαιμόνιοι δούλουσ καὶ οὓσ μὲν ἀφέτασ ἐκάλεσαν, οὓσ δὲ ἀδεσπότουσ, οὓσ δὲ ἐρυκτῆρασ. ", δεσποσιοναύτασ δ’ ἄλλουσ, οὓσ εἰσ τοὺσ στόλουσ κατέτασσον, ἄλλουσ δὲ νεοδαμώδεισ, ἑτέρουσ ὄντασ τῶν εἱλώτων. "Θεόπομποσ δ’ ἐν ζ’ Ἑλληνικῶν περὶ τῶν εἱλώτων λέγων ὅτι καὶ ἑλεάται καλοῦνται γράφει οὕτωσ· "τὸ δὲ τῶν εἱλώτων ἔθνοσ παντάπασιν ὠμῶσ διάκειται καὶ πικρῶσ· "εἰσὶ γὰρ οὗτοι καταδεδουλωμένοι πολὺν ἤδη χρόνον ὑπὸ τῶν Σπαρτιατῶν, οἱ μὲν αὐτῶν ἐκ Μεσσήνησ ὄντεσ, οἱ δ’ ἑλεάται κατοικοῦντεσ πρότερον τὸ καλούμενον Ἕλοσ τῆσ Λακωνικῆσ. Τίμαιοσ δ’ ὁ Ταυρομενίτησ ἐκλαθόμενοσ αὑτοῦ ἐλέγχει δ’ αὐτὸν εἰσ τοῦτο Πολύβιοσ ὁ Μεγαλοπολίτησ διὰ τῆσ δωδεκάτησ τῶν ἱστοριῶν οὐκ εἶναι ἔφη σύνηθεσ τοῖσ Ἕλλησι δούλουσ κτᾶσθαι, αὐτὸσ εἰπὼν ὁ Ἐπιτίμαιοσ οὕτωσ δ’ αὐτὸν καλεῖ Ἴστροσ ὁ Καλλιμάχειοσ ἐν ταῖσ πρὸσ αὐτὸν ἀντιγραφαῖσ, εἰπὼν γὰρ ὅτι Μνάσων ὁ Φωκεὺσ πλείουσ ἐκέκτητο δούλουσ τῶν χιλίων κἀν τῇ τρίτῃ δὲ τῶν ἱστοριῶν ὁ Ἐπιτίμαιοσ ἔφη οὕτωσ εὐδαιμονῆσαι τὴν Κορινθίων πόλιν ὡσ κτήσασθαι δούλων μυριάδασ ἓξ καὶ τεσσαράκοντα· "δι’ ἃσ ἡγοῦμαι καὶ τὴν Πυθίαν αὐτοὺσ κεκληκέναι χοινικομέτρασ. "Κτησικλῆσ δ’ ἐν τρίτῃ Χρονικῶν κατὰ τὴν ἑπτακαιδεκάτην πρὸσ ταῖσ ἑκατόν φησιν ὀλυμπιάδα Ἀθήνησιν ἐξετασμὸν γενέσθαι ὑπὸ Δημητρίου τοῦ Φαληρέωσ τῶν κατοικούντων τὴν Ἀττικὴν καὶ εὑρεθῆναι Ἀθηναίουσ μὲν δισμυρίουσ πρὸσ τοῖσ χιλίοισ, μετοίκουσ δὲ μυρίουσ, οἰκετῶν δὲ μυριάδασ μ’. Νικίασ δ’ ὁ Νικηράτου, ὡσ ὁ καλὸσ ἔφη Ξενοφῶν ἐν τῷ περὶ πόρων, χιλίουσ ἔχων οἰκέτασ ἐμίσθωσεν αὐτοὺσ εἰσ τὰ ἀργυρεῖα Σωσίᾳ τῷ Θρᾳκὶ ἐφ’ ᾧ ὀβολὸν ἑκάστου, τελεῖν τῆσ ἡμέρασ. "Ἀριστοτέλησ δ’ ἐν Αἰγινητῶν πολιτείᾳ καὶ παρὰ τούτοισ φησὶ γενέσθαι ἑπτὰ καὶ τεσσαράκοντα μυριάδασ δούλων. "Ἀγαθαρχίδησ δ’ ὁ Κνίδιοσ ἐν τῇ ὀγδόῃ καὶ τριακοστῇ τῶν Εὐρωπιακῶν Δαρδανεῖσ φησι δούλουσ κεκτῆσθαι τὸν μὲν χιλίουσ, τὸν δὲ καὶ πλείουσ· "τούτων δ’ ἕκαστον ἐν μὲν εἰρήνῃ γεωργεῖν, ἐν πολέμῳ δὲ λοχίζεσθαι ἡγεμόνα νέμοντασ τὸν ἴδιον δεσπότην.

일치하는 문장이 없습니다.

SEARCH

MENU NAVIGATION