Athenaeus, The Deipnosophists, Book 6, book 6, chapter 28

(아테나이오스, The Deipnosophists, Book 6, book 6, chapter 28)

τὸν δὲ νῦν λεγόμενον παράσιτον Καρύστιοσ ὁ Περγαμηνὸσ ἐν τῷ περὶ διδασκαλιῶν εὑρεθῆναί φησιν ὑπὸ πρώτου Ἀλέξιδοσ, ἐκλαθόμενοσ ὅτι Ἐπίχαρμοσ ἐν Ἐλπίδι ἢ Πλούτῳ παρὰ πότον αὐτὸν εἰσήγαγεν οὑτωσὶ λέγων ἀλλ’ ἄλλοσ ἔστειχ’ ὧδε τοῦδε κατὰ πόδασ, τὸν ῥᾳδίωσ λαψῇ τὺ κὰτ τὸ νῦν γά θην εὐώνον ἀείσιτον. ἀλλ’ ἔμπασ ὅδε ἄμυστιν ὥσπερ κύλικα πίνει τὸν βίον. καὶ αὐτὸν ποιεῖ τὸν παράσιτον λέγοντα τοιάδε πρὸσ τὸν πυνθανόμενον συνδειπνέων τῷ λῶντι, καλέσαι δεῖ μόνον, καὶ τῷ γα μὴ λεῶντι, κοὐδὲν δεῖ καλεῖν τηνεὶ δὲ χαρίησ τ’ εἰμὶ καὶ ποιέω πολὺν γέλωτα καὶ τὸν ἱστιῶντ’ ἐπαινέω. καἴ κά τισ ἀντίον τι λῇ τήνῳ λέγειν, τήνῳ κυδάζομαί τε κἀπ’ ὦν ἠχθόμαν. κἤπειτα πολλὰ καταφαγών, πόλλ’ ἐμπιὼν ἄπειμι·

λύχνον δ’ οὐχ ὁ παῖσ μοι συμφέρει· ἑρ́πω δ’ ὀλισθράζων τε καὶ κατὰ σκότοσ ἔρημοσ· αἴ κα δ’ ἐντύχω τοῖσ περιπόλοισ, τοῦθ’ οἱο͂ν ἀγαθὸν ἐπιλέγω τοῖσ θεοῖσ ὅτι οὐ λῶντι πλεῖον, ἀλλὰ μαστιγῶντί με. ἐπεὶ δὲ χ’ εἵκω οἴκαδισ καταφθαρείσ, ἄστρωτοσ εὕδω, καὶ τὰ μὲν πρᾶτ’ οὐ κοῶ, ἇσ κά μ’ ἔχων ὥκρατοσ ἀμφέπῃ φρένασ.

일치하는 문장이 없습니다.

SEARCH

MENU NAVIGATION