Athenaeus, The Deipnosophists, Book 6, book 6, chapter 43

(아테나이오스, The Deipnosophists, Book 6, book 6, chapter 43)

Ἀπολλόδωροσ δ’ ὁ Καρύστιοσ ἐν Ιἑρείᾳ· καινὸν γέ φασι Χαιρεφῶντ’ ἐν τοῖσ γάμοισ ὡσ τὸν Ὀφέλαν ἄκλητον εἰσδεδυκέναι. σπυρίδα λαβὼν γὰρ καὶ στέφανον ὡσ ἦν σκότοσ, φάσκων παρὰ τῆσ νύμφησ ὁ τὰσ ὄρνεισ φέρων ἥκειν, δεδείπνηχ’, ὡσ ἐοίκεν, εἰσπεσών. ἐν δὲ Σφαττομένῃ· καλῶ δ’ Ἄρη Νίκην τ’ ἐπ’ ἐξόδοισ ἐμαῖσ, καλῶ δὲ Χαιρεφῶντα· κἂν γὰρ μὴ καλῶ, ἄκλητοσ ἥξει. Μάχων δ’ ὁ κωμικόσ φησιν ὁδὸν μακρὰν ἐλθόντοσ ἐπὶ δεῖπνόν ποτε τοῦ Χαιρεφῶντοσ εἰσ γάμουσ ἐξ ἄστεοσ εἰπεῖν λέγουσι τὸν ποιητὴν Δίφιλον· εἰσ τὰσ ἑαυτοῦ, Χαιρεφῶν, σιαγόνασ ἔγκοψον ἥλουσ ἑκατέρᾳ γε τέτταρασ, ἵνα μὴ παρασείων καὶ μακρὰν ἑκάστοτε ὁδὸν βαδίζων τὰσ γνάθουσ διαστρέφῃσ. καὶ πάλιν ὁ Χαιρεφῶν κρεᾴδι’ ὠψώνει ποτέ, καὶ τοῦ μαγείρου, φασίν, ὀστῶδεσ σφόδρα αὐτῷ τι προσκόπτοντοσ ἀπὸ τύχησ κρέασ εἶπεν· "μάγειρε, μὴ προσίστα τοῦτό μοι τοὐστοῦν.

ὁ δ’ εἶπεν· "ἀλλὰ μήν ἐστιν γλυκύ. καὶ μὴν τὸ πρὸσ ὀστοῦν φασι κρέασ εἶναι γλυκύ. ἔφη, γλυκὺ μέν, προσιστάμενον δὲ λυπεῖ πανταχῇ.

τοῦ Χαιρεφῶντοσ καὶ σύγγραμμα ἀναγράφει Καλλίμαχοσ ἐν τῷ τῶν παντοδαπῶν πίνακι γράφων οὕτωσ · "δεῖπνα ὅσοι ἔγραψαν· "Χαιρεφῶν Κυρηβίωνι. "ἐπειδή μοι πολλάκισ ἐπέστειλασ. "στίχων τεο. καὶ ὁ Κυρηβίων δ’ ὅτι παράσιτοσ προείρηται.

일치하는 문장이 없습니다.

SEARCH

MENU NAVIGATION