Athenaeus, The Deipnosophists, Book 6, book 6, chapter 7

ὅτι δὲ καὶ νεκροὺσ πωλοῦσι τοὺσ ἰχθῦσ καὶ σεσηπότασ ἐπισημαίνεται ὁ Ἀντιφάνησ ἐν Μοιχοῖσ διὰ τούτων οὐκ ἔστιν οὐδὲν θηρίον τῶν ἰχθύων ἀτυχέστερον. τὸ μὴ γὰρ ἀποχρῆν ἀποθανεῖν αὐτοῖσ ἁλοῦσιν, εἶτα κατεδηδεσμένοισ εὐθὺσ ταφῆναι, παραδοθέντεσ ἄθλιοι τοῖσ ἰχθυοπώλαισ τοῖσ κακῶσ ἀπολουμένοισ σήπονθ’, ἑώλοι κείμενοι δύ’ ἡμέρασ ἢ τρεῖσ, μόλισ δ’ ἐὰν ποτ’ ὠνητὴν τυφλὸν λάβωσ1’, ἔδωκαν τῶν νεκρῶν ἀναίρεσιν τούτῳ· κομίσασ δ’ ἐξέβαλεν οἴκαδε, τὴν πεῖραν ἐν τῇ ῥινὶ τῆσ ὀδμῆσ λαβών. ἐν δὲ Φιλοθηβαίῳ φησὶν οὐ δεινὸν ἐστι, προσφάτουσ μὲν ἂν τύχῃ πωλῶν τισ ἰχθῦσ, συναγαγόντα τὰσ ὀφρῦσ τοῦτον σκυθρωπάζοντὰ θ’ ἡμῖν προσλαλεῖν, ἐὰν σαπροὺσ κομιδῇ δέ, παίζειν καὶ γελᾶν;

τοὐναντίον γὰρ πᾶν ἔδει τούτουσ ποιεῖν· τὸν μὲν γελᾶν, τὸν δ’ ἕτερον οἰμώζειν μακρά. ὅτι δὲ καὶ παμπόλλου πιπράσκουσιν Ἄλεξισ ἐν Πυλαίαισ φησὶν ι νὴ τὴν Ἀθηνᾶν, ἀλλ’ ἐγὼ τεθαύμακα τοὺσ ἰχθυοπώλασ, πῶσ ποτ’ οὐχὶ πλούσιοι ἅπαντέσ εἰσι λαμβάνοντεσ βασιλικοὺσ φόρουσ· β.

φόρουσ μόνον; οὐχὶ δεκατεύουσι γὰρ τὰσ οὐσίασ ἐν ταῖσ πόλεσι καθήμενοι, ὅλασ δ’ ἀφαιροῦνται καθ’ ἑκάστην ἡμέραν;