헬라어 텍스트

Athenaeus, The Deipnosophists, Book 6, book 6, chapter 30

(아테나이오스, The Deipnosophists, Book 6, book 6, chapter 30)

οἱ δ’ ἀρχαῖοι ποιηταὶ τοὺσ παρασίτουσ κόλακασ ἐκάλουν, ἀφ’ ὧν καὶ Εὔπολισ τῷ δράματι τὴν ἐπιγραφὴν ἐποιήσατο, τὸν χορὸν τῶν Κολάκων ποιήσασ τάδε λέγοντα· ἀλλὰ δίαιταν ἣν ἔχουσ1’ οἱ κόλακεσ πρὸσ ὑμᾶσ λέξομεν ἀλλ’ ἀκούσαθ’, ὡσ ἐσμὲν ἅπαντα κομψοὶ ἄνδρεσ· ὅτοισι πρῶτα μὲν παῖσ ἀκόλουθόσ ἐστιν ἀλλότριοσ τὰ πολλά, μικρὸν δέ τι κἀμὸσ αὐτοῦ. ἱματίω δέ μοι δύ’ ἐστὸν χαρίεντε τούτω, οἷν μεταλαμβάνων ἀεὶ θάτερον ἐξελαύνω εἰσ ἀγοράν. ἐκεῖ δ’ ἐπειδὰν κατίδω τιν’ ἄνδρα ἠλίθιον, πλουτοῦντα δ’, εὐθὺσ περὶ τοῦτον εἰμί. κἄν τι τύχῃ λέγων ὁ πλούταξ, πάνυ τοῦτ’ ἐπαινῶ καὶ καταπλήττομαι δοκῶν τοῖσι λόγοισι χαίρειν. εἶτ’ ἐπὶ δεῖπνον ἐρχόμεσθ’ ἄλλυδισ ἄλλοσ ἡμῶν μᾶζαν ἐπ’ ἀλλόφυλον, οὗ δεῖ χαρίεντα πολλὰ τὸν κόλακ’ εὐθέωσ λέγειν ἢ ’ κφέρεται θύραζε. οἶδα δ’ Ἀκέστορ’ αὐτὸ τὸν στιγματίαν παθόντα·

σκῶμμα γὰρ εἶπ’ ἀσελγέσ, εἶτ’ αὐτὸν ὁ παῖσ θύραζε ἐξαγαγὼν ἔχοντα κλοιὸν παρέδωκεν Οἰνεῖ.