Athenaeus, The Deipnosophists, Book 6, book 6, chapter 36

(아테나이오스, The Deipnosophists, Book 6, book 6, chapter 36)

Διόδωροσ δὲ ὁ Σινωπεὺσ ἐν Ἐπικλήρῳ περὶ τοῦ παρασιτεῖν καὶ αὐτασ οὐκ ἀγλαφύρωσ τάδε φησὶν βούλομαι δεῖξαι σαφῶσ ὡσ σεμνὸν ἐστι τοῦτο καὶ νενομισμένον καὶ τῶν θεῶν εὑρ́ημα· τὰσ δ’ ἄλλασ τέχνασ οὐδεὶσ θεῶν κατέδειξεν, ἀλλ’ ἄνδρεσ σοφοί· τὸ γὰρ παρασιτεῖν εὑρ͂εν ὁ Ζεὺσ ὁ φίλιοσ, ὁ τῶν θεῶν μέγιστοσ ὁμολογουμένωσ. οὗτοσ γὰρ εἰσ τὰσ οἰκίασ εἰσέρχεται οὐχὶ διακρίνασ τὴν πενιχρὰν ἢ πλουσίαν. ἔχουσαν, ἤδη συγκατακλιθεὶσ κοσμίωσ ἀριστίσασ ἑαυτόν, ἐντραγών, πιών, ἀπέρχετ’ οἴκαδ’ οὐ καταβαλών συμβολάσ.

κἀγὼ ποῶ νῦν τοῦτ’. ἀπέρχομ’ οἴκαδ’ ὥσπερ ὁ Ζεὺσ ὁ φίλιοσ, ὅτι δ’ ἦν τὸ πρᾶγμ’ ἔνδοξον ἀεὶ καὶ καλόν, ἐκεῖθεν ἂν γνοίη τισ ἔτι σαφέστερον τὸν Ἡρακλέα τιμῶσα λαμπρῶσ ἡ πόλισ ἐν ἅπασι τοῖσ δήμοισ θυσίασ ποιουμένη εἰσ τὰσ θυσίασ ταύτασ παρασίτουσ τῷ θεῷ οὐ πώποτ’ ἀπεκλήρωσεν οὐδὲ παρέλαβεν εἰσ ταῦτα τοὺσ τυχόντασ, ἀλλὰ κατέλεγεν ἐκ τῶν πολιτῶν δώδεκ’ ἄνδρασ ἐπιμελῶσ ἐκλεξαμένη τοὺσ ἐκ δύ’ ἀστῶν γεγονότασ, ἔχοντασ οὐσίασ, καλῶσ βεβιωκότασ.

εἶθ’ ὕστερον τὸν Ἡρακλέα μιμούμενοι τῶν εὐπόρων τινὲσ παρασίτουσ ἑλόμενοι τρέφειν παρεκάλουν οὐχὶ τοὺσ χαριεστάτουσ ἐκλεγόμενοι, τοὺσ δὲ κολακεύειν δυναμένουσ καὶ πάντ’ ἐπαινεῖν οἷσ ἐπειδὰν προσερύγῃ ῥαφανῖδασ ἢ σαπρὸν σίλουρον καταφαγών, ἰά καὶ ῥόδα φασὶν αὐτὸν ἠριστηκέναι.

ἐπὰν δ’ ἀποπάρδῃ μετά τινοσ κατακείμενοσ τούτων, ὁ προσάγων τὴν ῥῖνα δεῖθ’ αὑτῷ φράσαι, πόθεν τὸ θυμίαμα τοῦτο λαμβάνεισ; διὰ τοὺσ τοιούτουσ τοὺσ ἀσελγῶσ χρωμένουσ τὸ τίμιον καὶ τὸ καλὸν αἰσχρόν ἐστι νῦν.

일치하는 문장이 없습니다.

SEARCH

MENU NAVIGATION