Athenaeus, The Deipnosophists, Book 6, book 6, chapter 63

(아테나이오스, The Deipnosophists, Book 6, book 6, chapter 63)

ὁ μὲν οὖν Δημοχάρησ τοσαῦτα εἴρηκε περὶ τῆσ Ἀθηναίων κολακείασ· Δοῦρισ δ’ ὁ Σάμιοσ ἐν τῇ δευτέρᾳ καὶ εἰκοστῇ τῶν ἱστοριῶν καὶ αὐτὸν τὸν ἰθύφαλλον· ὡσ οἱ μέγιστοι τῶν θεῶν καὶ φίλτατοι τῇ πόλει πάρεισιν ἐνταῦθα γὰρ Δήμητρα καὶ Δημήτριον ἅμα παρῆγ’ ὁ καιρόσ, χἠ μὲν τὰ σεμνὰ τῆσ Κόρησ μυστήρια ἔρχεθ’ ἵνα ποιήσῃ, ὁ δ’ ἱλαρόσ, ὥσπερ τὸν θεὸν δεῖ, καὶ καλὸσ καὶ γελῶν πάρεστι. σεμνόν τι φαίνεθ’, οἱ φίλοι πάντεσ κύκλῳ, ἐν μέσοισι δ’ αὐτόσ, ὅμοιον ὥσπερ οἱ φίλοι μὲν ἀστέρεσ, ἥλιοσ δ’ ἐκεῖνοσ, ὦ τοῦ κρατίστου παῖ Ποσειδῶνοσ θεοῦ, χαῖρε, κἀφροδίτησ. ἄλλοι μὲν ἢ μακρὰν γὰρ ἀπέχουσιν θεοὶ ἢ οὐκ ἔχουσιν ὦτα ἢ οὐκ εἰσὶν ἢ οὐ προσέχουσιν ἡμῖν οὐδὲ ἕν, σὲ δὲ παρόνθ’ ὁρῶμεν, οὐ ξύλινον οὐδὲ λίθινον, ἀλλ’ ἀληθινόν. εὐχόμεσθα δή σοι· πρῶτον μὲν εἰρήνην ποίησον, φίλτατε· κύριοσ γὰρ εἶ σύ. τὴν δ’ οὐχὶ Θηβῶν, ἀλλ’ ὅλησ τῆσ Ἑλλάδοσ Σφίγγα περικρατοῦσαν, ὁ Αἰτωλὸσ ὅστισ ἐπὶ πέτρασ καθήμενοσ, ὥσπερ ἡ παλαιά, τὰ σώμαθ’ ἡμῶν πάντ’ ἀναρπάσασ φέρει, κοὐκ ἔχω μάχεσθαι Αἰτωλικὸν γὰρ ἁρπάσαι τὰ τῶν πέλασ, νῦν δὲ καὶ τὰ πόρρω· μάλιστα μὲν δὴ κόλασον αὐτόσ·

εἰ δὲ μή, τὴν Σφίγγα ταύτην ὅστισ ἢ κατακρημνιεῖ ἢ σπίλον ποιήσει.

일치하는 문장이 없습니다.

SEARCH

MENU NAVIGATION