헬라어 문장 검색 - ΑτηενάΤηεΔειπ

(아테나이오스, The Deipnosophists, Book 6, book 6, chapter 77)

ἀλλὰ μὴν καὶ τοὺσ ἀποβάλλοντασ τὰσ οὐσίασ εἰσ μέθασ καὶ κύβουσ καὶ τὴν τοιαύτην ἀκολασίαν οὐ μόνον ὁ Διονύσιοσ ἀνελάμβανεν, ἀλλὰ καὶ ὁ Φίλιπποσ, ἱστορεῖ δὲ περὶ ἑκατέρου Θεόπομποσ ἐν μὲν τῇ ἐνάτῃ καὶ τεσσαρακοστῇ γράφων οὕτωσ · "καὶ τῶν μὲν ὑπαρχόντων ἠμέλουν, τῶν δὲ ἀπόντων ἐπεθύμουν, καὶ ταῦτα μέροσ τι τῆσ Εὐρώπησ ἔχοντεσ, οἰόμαι γὰρ τοὺσ ἑταίρουσ οὐ πλείονασ ὄντασ κατ’ ἐκεῖνον τὸν χρόνον ὀκτακοσίων οὐκ ἐλάττω καρπίζεσθαι γῆν ἢ μυρίουσ τῶν ̔ Ἑλλήνων τοὺσ τὴν ἀρίστην καὶ πλείστην χώραν κεκτημένουσ. "Φίλιπποσ τοὺσ μὲν κοσμίουσ τὰ ἤθη καὶ τοὺσ τῶν ἰδίων ἐπιμελουμένουσ ἀπεδοκίμαζε, τοὺσ δὲ πολυτελεῖσ καὶ ζῶντασ ἐν κύβοισ καὶ πότοισ ἐπαινῶν ἐτίμα. "τοιγαροῦν οὐ μόνον αὐτοὺσ τοιαῦτ’ ἔχειν παρεσκεύαζεν, ἀλλὰ καὶ τῆσ ἄλλησ ἀδικίασ καὶ βδελυρίασ ἀθλητὰσ ἐποίησεν. "τί γὰρ τῶν αἰσχρῶν ἢ δεινῶν αὐτοῖσ οὐ προσῆν ἢ τί τῶν καλῶν καὶ σπουδαίων οὐκ ἀπῆν; "οὐχ οἱ μὲν ξυρούμενοι καὶ λεαινόμενοι διετέλουν ἄνδρεσ ὄντεσ, οἱ δ’ ἀλλήλοισ ἐτόλμων ἐπανίστασθαι πώγωνασ ἔχουσι; "καὶ περιήγοντο μὲν δύο καὶ τρεῖσ ἑταιρουμένουσ, αὐτοὶ δὲ τὰσ αὐτὰσ ἐκείνοισ χρήσεισ ἑτέροισ παρεῖχον. "ὅθεν δικαίωσ ἄν τισ αὐτοὺσ οὐχ ἑταίρουσ ἀλλ’ ἑταίρασ ὑπέλαβεν οὐδὲ στρατιώτασ ἀλλὰ χαμαιτύπασ προσηγόρευσεν ἀνδροφόνοι γὰρ τὴν φύσιν ὄντεσ ἀνδρόπορνοι τὸν τρόπον ἦσαν. "πρὸσ δὲ τούτοισ ἀντὶ μὲν τοῦ νήφειν τὸ μεθύειν ἠγάπων, ἀντὶ δὲ τοῦ κοσμίωσ ζῆν ἁρπάζειν καὶ φονεύειν ἐζήτουν. "καὶ τὸ μὲν ἀληθεύειν καὶ ταῖσ ὁμολογίαισ ἐμμένειν οὐκ οἰκεῖον αὑτῶν ἐνόμιζον, τὸ δ’ ἐπιορκεῖν καὶ φενακίζειν ἐν τῷ σεμνοτάτῳ ὑπελάμβανον. καὶ περὶ Διονυσίου δὲ τὰ παραπλήσια ἱστορεῖ ἐν τῇ πρώτῃ πρὸσ ταῖσ εἴκοσι· "Διονύσιοσ ὁ Σικελίασ τύραννοσ τοὺσ ἀποβάλλοντασ τὰσ οὐσίασ εἰσ μέθασ καὶ κύβουσ καὶ τὴν τοιαύτην ἀκολασίαν, ἠβούλετο γάρ ἅπαντασ εἶναι διεφθαρμένουσ καὶ φαύλουσ· "οὓσ καὶ εὖ περιεῖπε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Athenaeus, The Deipnosophists, Book 6, book 6, chapter 77

(아테나이오스, The Deipnosophists, Book 6, book 6, chapter 77)

상위

목록

SEARCH

MENU NAVIGATION