Athenaeus, The Deipnosophists, Book 6, book 6, chapter 99

(아테나이오스, The Deipnosophists, Book 6, book 6, chapter 99)

ταῦτα τοῦ Δημοκρίτου σαφῶσ καὶ τορῶσ διεξελθόντοσ ἐπῄνουν μὲν οἱ δαιταλεῖσ, ὁ δὲ Κύνουλκοσ ἔφη· ἄνδρεσ σύσσιτοι, σφόδρα με λιμώττοντα οὐκ ἀηδῶσ ὁ Δημόκριτοσ εἱστίασεν ποταμοὺσ διαπερανάμενοσ ἀμβροσίασ καὶ νέκταροσ, ὑφ’ ὧν ’ ἀρδευθεὶσ τὴν ψυχὴν πάνυ πειναλέοσ γεγένημαι ’ λόγουσ αὐτὸ μόνον καταβροχθίσασ· ὥστε ἤδη παυσάμενοί ποτε τῆσ τοσαύτησ ἀπεραντολογίασ κατὰ τὸν Παιανιέα ῥήτορα τοιούτων τινῶν μεταλάβωμεν ἃ μήτ’ ἰσχὺν ἐντίθησι μήτ’ ἀποθνῄσκειν ἐᾷ· ἐν κενῇ γὰρ γαστρὶ τῶν καλῶν ἔρωσ οὐκ ἔστι· πεινῶσιν γὰρ ἡ Κύπρισ πικρά, Ἀχαιόσ φησιν ἐν Αἴθωνι σατυρικῷ.

παρ’ οὗ ὁ σοφὸσ Εὐριπίδησ λαβὼν ἔφη· ἐν πλησμονῇ τοι Κύπρισ, ἐν πεινῶντι δ’ οὔ. "πλήρησ μὲν λαχάνων ἀγορή, πλήρησ δὲ καὶ ἄρτων, σὺ δέ, ὦ κύον, ἀεὶ λιμώττεισ καὶ οὐκ ἐᾷσ ἡμᾶσ λόγων καλῶν καὶ ἀφθόνων μεταλαμβάνειν, μᾶλλον δὲ σιτεῖσθαι· "τροφὴ γὰρ ψυχῆσ λόγοι καλοί. "Λεῦκε, ἔφη, κἂν ἐκφατνίσματά τινα ἄρτων ἔχῃσ, δὸσ τοῖσ κυσίν. "εἰ μὲν εἰσ ἀκροάσεισ λόγων, ἔφη, παρεκεκλήμην, ἠπιστάμην ἥκειν ἀγορᾶσ πληθυούσησ οὕτωσ γάρ τισ τῶν σοφῶν τὴν τῶν δείξεων ὡρ́αν ἐκάλει, καὶ αὐτὸν οἱ πολλοὶ διὰ τοῦτο Πληθαγόραν ὠνόμαζον εἰ δὲ λουσάμενοι λογάρια δειπνοῦμεν, μακρὰσ τίθημι συμβολὰσ ἀκροώμενοσ κατὰ τὸν Μένανδρον.

"διὸ παραχωρῶ σοι, ὦ γάστρων, τῆσ τοιαύτησ ἐμφορεῖσθαι σιτήσεωσ· "πεινῶντι γὰρ ἀνδρὶ μᾶζα τιμιωτέρα χρυσοῦ τε κἀλέφαντοσ, κατὰ τὸν τοῦ Ἐρετριέωσ Ἀχαιοῦ Κύκνον.

일치하는 문장이 없습니다.

SEARCH

MENU NAVIGATION