헬라어 문장 검색 - Πλυταρ́Πελοπιδ́06́

(플루타르코스, Pelopidas, chapter 6)

ἐπεὶ δὲ Λακεδαιμόνιοι Φοιβίδαν μὲν ἀφείλοντο τῆσ ἀρχῆσ καὶ δέκα δραχμῶν μυριάσιν ἐζημίωσαν, τὴν δὲ Καδμείαν οὐδὲν ἧττον φρουρᾷ κατέσχον, οἱ μὲν ἄλλοι πάντεσ Ἕλληνεσ ἐθαύμαζον τὴν ἀτοπίαν, εἰ τὸν μὲν πράξαντα κολάζουσι, τὴν δὲ πρᾶξιν δοκιμάζουσι, τοῖσ δὲ Θηβαίοισ τὴν πάτριον ἀποβεβληκόσι πολιτείαν καὶ καταδεδουλωμένοισ ὑπὸ τῶν περὶ Ἀρχίαν καὶ Λεοντίδαν οὐδὲ ἐλπίσαι περιῆν ἀπαλλαγήν τινα τῆσ τυραννίδοσ, ἣν ἑώρων τῇ Σπαρτιατῶν δορυφορουμένην ἡγεμονίᾳ καὶ καταλυθῆναι μὴ δυναμένην, εἰ μή τισ ἄρα παύσειε κἀκείνουσ γῆσ καὶ θαλάττησ ἄρχοντασ, οὐ μὴν ἀλλ’ οἱ περὶ Λεοντίδαν πυνθανόμενοι τοὺσ φυγάδασ Ἀθήνησι διατρίβειν τῷ τε πλήθει προσφιλεῖσ ὄντασ καὶ τιμὴν ἔχοντασ ὑπὸ τῶν καλῶν καὶ ἀγαθῶν, ἐπεβούλευον αὐτοῖσ κρύφα· καὶ πέμψαντεσ ἀνθρώπουσ ἀγνῶτασ Ἀνδροκλείδαν μὲν ἀποκτιννύουσι δόλῳ, τῶν δὲ ἄλλων διαμαρτάνουσιν.

πρὸσ τῷ πάτριον αὐτοῖσ καὶ σύμφυτον εἶναι τὸ φιλάνθρωπον, ἀμειβόμενοι τοὺσ Θηβαίουσ μάλιστα συναιτίουσ γενομένουσ τῷ δήμῳ τοῦ κατελθεῖν, καὶ ψηφισαμένουσ, ἐάν τισ Ἀθηναίων ἐπὶ τοὺσ τυράννουσ ὅπλα διὰ τῆσ Βοιωτίασ κομίζῃ, μηδένα Βοιωτὸν ἀκούειν μηδὲ ὁρᾶν, οὐδὲν ἠδίκησαν τοὺσ Θηβαίουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pelopidas, chapter 6

(플루타르코스, Pelopidas, chapter 6)

상위

목록

SEARCH

MENU NAVIGATION