헬라어 문장 검색 - Πλυταρ́Νιξιασ́19́

(플루타르코스, Νικίας, chapter 19)

ἐν τούτῳ δὲ καιροῦ παρόντοσ τοῦ κινδύνου ἀφικνεῖται Γογγύλοσ ἐκ Κορίνθου μιᾷ τριήρει· καὶ συνδραμόντων πρὸσ αὐτόν, ὡσ εἰκόσ, πάντων ἔφραζεν ὅτι Γύλιπποσ ἀφίξεται διὰ ταχέων καὶ νῆεσ ἄλλαι βοηθοὶ προσπλέουσιν. οὔπω δὲ τῷ Γογγύλῳ πιστευόντων βεβαίωσ, ἧκεν ἄγγελοσ παρὰ τοῦ Γυλίππου κελεύοντοσ ἀπαντᾶν. οἱ δὲ θαρρήσαντεσ ἐξωπλίζοντο· καὶ προσῆγεν εὐθὺσ ὁ Γύλιπποσ ἐξ ὁδοῦ παρατεταγμένοσ ἐπὶ τοὺσ Ἀθηναίουσ.

ὡσ δὲ κἀκείνουσ ἀντέταξεν ὁ Νικίασ, θέμενοσ ἐπὶ τοὺσ Ἀθηναίουσ ὁ Γύλιπποσ τὰ ὅπλα καὶ κήρυκα πέμψασ ἔλεγε διδόναι τοῖσ Ἀθηναίοισ ἄδειαν ἀπιοῦσιν ἐκ Σικελίασ. ὁ μὲν οὖν Νικίασ οὐθὲν ἠξίωσεν ἀποκρίνασθαι·

τῶν δὲ στρατιωτῶν τινεσ καταγελῶντεσ ἠρώτων εἰ διὰ παρουσίαν ἑνὸσ τρίβωνοσ καὶ βακτηρίασ Λακωνικῆσ οὕτωσ ἰσχυρὰ τὰ Συρακουσίων ἐξαίφνησ γέγονεν ὥστ’ Ἀθηναίων καταφρονεῖν, οἳ πολὺ ῥωμαλεωτέρουσ Γυλίππου καὶ μᾶλλον κομῶντασ τριακοσίουσ ἔχοντεσ ἐν πέδαισ δεδεμένουσ ἀπέδωκαν Λακεδαιμονίοισ. Τίμαιοσ δὲ καὶ τοὺσ Σικελιώτασ φησὶν ἐν μηδενὶ λόγῳ ποιεῖσθαι τὸν Γύλιππον, ὕστερον μὲν αἰσχροκέρδειαν αὐτοῦ καὶ μικρολογίαν καταγνόντασ, ὡσ δὲ πρῶτον ὤφθη, σκώπτοντασ εἰσ τὸν τρίβωνα καὶ τὴν κόμην.

εἶτα μέντοι φησὶν αὐτὸσ ὅτι τῷ Γυλίππῳ φανέντι καθάπερ γλαυκὶ πολλοὶ προσέπτησαν ἑτοίμωσ στρατευόμενοι. καὶ ταῦτα τῶν πρώτων ἀληθέστερά εἰσιν· ἐν γὰρ τῇ βακτηρίᾳ καὶ τῷ τρίβωνι τὸ σύμβολον καὶ τὸ ἀξίωμα τῆσ Σπάρτησ καθορῶντεσ συνίσταντο. κἀκείνου τὸ πᾶν ἔργον γεγονέναι φησὶν οὐ Θουκυδίδησ μόνον, ἀλλὰ καὶ Φίλιστοσ, ἀνὴρ Συρακούσιοσ καὶ τῶν πραγμάτων ὁρατὴσ γενόμενοσ.

τῇ μὲν οὖν πρώτῃ μάχῃ κρατήσαντεσ οἱ Ἀθηναῖοι τῶν Συρακουσίων ὀλίγουσ τινὰσ ἀπέκτειναν καὶ Γογγύλον τὸν Κορίνθιον, εἰσ δὲ τὴν ἐπιοῦσαν ἡμέραν ἔδειξεν ὁ Γύλιπποσ οἱο͂́ν ἐστιν ἐμπειρία. τοῖσ γὰρ αὐτοῖσ ὅπλοισ καὶ ἵπποισ καὶ χωρίοισ χρησάμενοσ οὐχ ὡσαύτωσ, ἀλλὰ μεταθεὶσ τὴν τάξιν, ἐνίκησε τοὺσ Ἀθηναίουσ· καὶ φυγόντων εἰσ τὸ στρατόπεδον ἐπιστήσασ τοὺσ Συρακουσίουσ, τοῖσ λίθοισ οἷσ ἐκεῖνοι προσεκόμιζον καὶ τῇ ὕλῃ παροικοδομῶν εἰσ διαστολὰσ ἀπέκοψε τὸν ἐκείνων περιτειχισμόν, ὥστ’ αὐτοῖσ μηδὲν εἶναι πλέον κρατοῦσιν.

ἐκ τούτου δὲ θαρρήσαντεσ οἱ Συρακούσιοι τάσ τε ναῦσ ἐπλήρουν, καὶ τοῖσ ἱππεῦσι τοῖσ ἑαυτῶν καὶ ἀκολούθοισ περιελαύνοντεσ πολλοὺσ ᾕρουν. καὶ ὁ Γύλιπποσ ἐπιὼν ἐπὶ τὰσ πόλεισ αὐτὸσ ἐξώρμα καὶ συνίστη πάντασ ἐρρωμένωσ ὑπακούοντασ αὐτῷ καὶ συλλαμβανομένουσ, ὥστε τὸν Νικίαν αὖθισ εἰσ ἐκείνουσ ἀποτρεπόμενον τοὺσ πρώτουσ λογισμοὺσ καὶ συμφρονοῦντα τὴν τῶν πραγμάτων μεταβολὴν ἀθυμεῖν, καὶ γράφειν τοῖσ Ἀθηναίοισ κελεύοντα πέμπειν ἕτερον στρατὸν ἢ καὶ τοῦτον ἀπαγαγεῖν ἐκ Σικελίασ, αὑτῷ δὲ πάντωσ αἰτούμενον τῆσ στρατηγίασ ἄφεσιν διὰ τὴν νόσον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Νικίας, chapter 19

(플루타르코스, Νικίας, chapter 19)

상위

목록

SEARCH

MENU NAVIGATION