Lysias, Speeches, Πρὸσ τὴν εἰσαγγελίαν περὶ τοῦ μὴ δίδοσθαι τῷ ἀδυνάτῳ ἀργύριον 26:

ἕκαστοσ γὰρ ὑμῶν εἴθισται προσφοιτᾶν ὁ μὲν πρὸσ μυροπώλιον, ὁ δὲ πρὸσ κουρεῖον, ὁ δὲ πρὸσ σκυτοτομεῖον, ὁ δ’ ὅποι ἂν τύχῃ, καὶ πλεῖστοι μὲν ὡσ τοὺσ ἐγγυτάτω τῆσ ἀγορᾶσ κατεσκευασμένουσ, ἐλάχιστοι δὲ ὡσ τοὺσ πλεῖστον ἀπέχοντασ αὐτῆσ· ὥστ’ εἴ τισ ὑμῶν πονηρίαν καταγνώσεται τῶν ὡσ ἐμὲ εἰσιόντων, δῆλον ὅτι καὶ τῶν παρὰ τοῖσ ἄλλοισ διατριβόντων· εἰ δὲ κἀκείνων, ἁπάντων Ἀθηναίων· ἅπαντεσ γὰρ εἴθισθε προσφοιτᾶν καὶ διατρίβειν ἁμοῦ γέ που.