Lysias, Speeches, Περὶ τῆσ δημεύσεωσ <τῶν tou= Niki/ou a)de/lfou e)pi/logos> 15:

οὕτω δ’ ἠλεούμεθα καὶ πᾶσι δεινὰ ἐδοκοῦμεν πεπονθέναι, ὥστε Παυσανίασ τὰ μὲν παρὰ τῶν τριάκοντα ξένια οὐκ ἠθέλησε λαβεῖν, τὰ δὲ παρ’ ἡμῶν ἐδέξατο. καίτοι δεινόν, ὦ ἄνδρεσ δικασταί, ὑπὸ μὲν τῶν πολεμίων παῖδασ ἡμᾶσ ὄντασ ἐλεεῖσθαι, οἳ τῇ ὀλιγαρχία βοηθήσοντεσ ἦλθον, ὑπὸ δ’ ὑμῶν, ὦ ἄνδρεσ δικασταί, τοιούτουσ γεγενημένουσ τῶν ὄντων ἀποστερεῖσθαι, ὧν οἱ πατέρεσ ὑπὲρ τῆσ δημοκρατίασ ἀπέθανον.