Lysias, Speeches, Κατ’ Ἀνδοκίδου ἀσεβείας 56:

οὔκουν ἐξουσίαν χρὴ ποιεῖν τοῖσ μηνυταῖσ ἀδικεῖν ἀρκεῖ γὰρ τὰ πεποιημένα, ἀλλὰ παραβαίνοντασ κολάζειν. καὶ οἱ μὲν ἄλλοι μηνυταί, ὁπόσοι ἐπ’ αἰσχραῖσ αἰτίαισ ἐξεληλεγμένοι σφᾶσ αὐτοὺσ ἐμήνυσαν, ἓν γοῦν ἐπίστανται, μὴ ἐνοχλεῖν τοῖσ ἠδικημένοισ, ἡγούμενοι ἀποδημοῦντεσ μὲν Ἀθηναῖοι καὶ ἐπίτιμοι δόξειν εἶναι, ἐπιδημοῦντεσ δὲ παρὰ τοῖσ πολίταισ τοῖσ ἠδικημένοισ πονηροὶ δόξειν καὶ ἀσεβεῖσ εἶναι.