헬라어 문장 검색 - ΑριστόΡηετορί2́26́

(아리스토텔레스, 수사학, Book 2, chapter 26)

τὸ δ’ αὔξειν καὶ μειοῦν οὐκ ἔστιν ἐνθυμήματοσ στοιχεῖον· τὸ γὰρ αὐτὸ λέγω στοιχεῖον καὶ τόπον· ἔστιν γὰρ στοιχεῖον καὶ τόποσ εἰσ ὃ πολλὰ ἐνθυμήματα ἐμπίπτει. τὸ δ’ αὔξειν καὶ μειοῦν ἐστὶν ἐνθυμήματα πρὸσ τὸ δεῖξαι ὅτι μέγα ἢ μικρόν, ὥσπερ καὶ ὅτι ἀγαθὸν ἢ κακόν, ἢ δίκαιον ἢ ἄδικον, καὶ τῶν ἄλλων ὁτιοῦν. ταῦτα δ’ ἐστὶν πάντα περὶ ἃ οἱ συλλογισμοὶ καὶ τὰ ἐνθυμήματα, ὥστ’ εἰ μηδὲ τούτων ἕκαστον ἐνθυμήματοσ τόποσ, οὐδὲ τὸ αὔξειν καὶ μειοῦν.

οὐδὲ τὰ λυτικὰ ἐνθυμήματοσ εἶδόσ τί ἐστιν ἄλλο τῶν κατασκευαστικῶν·

δῆλον γὰρ ὅτι λύει μὲν ἢ δείξασ ἢ ἔνστασιν ἐνεγκών, ἀνταποδείκνυσι δὲ τὸ ἀντικείμενον, οἱο͂ν εἰ ἔδειξε ὅτι γέγονεν, οὗτοσ ὅτι οὐ γέγονεν, εἰ δὲ ὅτι οὐ γέγονεν, οὗτοσ ὅτι γέγονεν· ὥστε αὕτη μὲν οὐκ ἂν εἰή ἡ διαφορά τοῖσ αὐτοῖσ γὰρ χρῶνται ἀμφότεροι· ὅτι γὰρ οὐκ ἔστιν ἢ ἔστιν, ἐνθυμήματα φέρουσιν· ἡ δ’ ἔνστασισ οὐκ ἔστιν ἐνθύμημα, ἀλλά, καθάπερ ἐν τοῖσ Τοπικοῖσ, τὸ εἰπεῖν δόξαν τινὰ ἐξ ἧσ ἔσται δῆλον ὅτι οὐ συλλελόγισται ἢ ὅτι ψεῦδόσ τι εἴληφεν.

ἐπεὶ δὲ τρία ἔστιν ἃ δεῖ πραγματευθῆναι περὶ τὸν λόγον, ὑπὲρ μὲν παραδειγμάτων καὶ γνωμῶν καὶ ἐνθυμημάτων καὶ ὅλωσ τῶν περὶ τὴν διάνοιαν, ὅθεν τε εὐπορήσομεν καὶ ὡσ αὐτὰ λύσομεν, εἰρήσθω ἡμῖν τοσαῦτα, λοιπὸν δὲ διελθεῖν περὶ λέξεωσ καὶ τάξεωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Rhetoric, Book 2, chapter 26

(아리스토텔레스, 수사학, Book 2, chapter 26)

상위

목록

SEARCH

MENU NAVIGATION