Lysias, Speeches, Κατὰ Παγκλέωνοσ ὅτι οὐκ ἦν Πλαταιεύς 5:

ὡσ γὰρ ἀδικῶν με πολὺν χρόνον οὐκ ἐπαύετο, ἐλθὼν ἐπὶ τὸ γναφεῖον, ἐν ᾧ εἰργάζετο, προσεκαλεσάμην αὐτὸν πρὸσ τὸν πολέμαρχον, νομίζων μέτοικον εἶναι. εἰπόντοσ δὲ τούτου ὅτι Πλαταιεὺσ εἰή, ἠρόμην ὁπόθεν δημοτεύοιτο, παραινέσαντόσ τινοσ τῶν παρόντων προσκαλέσασθαι καὶ πρὸσ τὴν φυλήν, ἧστινοσ εἶναι σκήπτοιτο. ἐπειδὴ δὲ ἀπεκρίνατο ὅτι Δεκελειόθεν, προσκαλεσάμενοσ αὐτὸν καὶ πρὸσ τοὺσ τῇ Ἱπποθωντίδι δικάζοντασ, ἐλθὼν ἐπὶ τὸ κουρεῖον τὸ παρὰ τοὺσ Ἑρμᾶσ, οἷ Δεκελειεῖσ προσφοιτῶσιν, ἠρώτων, οὕσ τε ἐξευρίσκοιμι Δεκελειέων ἐπυνθανόμην εἴ τινα γιγνώσκοιεν Δεκελειόθεν δημοτευόμενον Παγκλέωνα.