헬라어 문장 검색 - Πλυταρ́Πελοπιδ́30́

(플루타르코스, Pelopidas, chapter 30)

οἱ δὲ Θηβαῖοι παρὰ τῶν Λακεδαιμονίων καὶ τῶν Ἀθηναίων αἰσθόμενοι πρὸσ τὸν μέγαν βασιλέα πρέσβεισ ἀναβαίνοντασ ὑπὲρ συμμαχίασ, ἔπεμψαν καὶ αὐτοὶ Πελοπίδαν, ἄριστα βουλευσάμενοι πρὸσ τὴν δόξαν αὐτοῦ. πρῶτον μὲν γὰρ ἀνέβαινε διὰ τῶν βασιλέωσ ἐπαρχιῶν ὀνομαστὸσ ὢν καὶ περιβόητοσ· ὡσ πρῶτοσ περὶ τῆσ ἐν Λεύκτροισ μάχησ ἐξέδραμε λόγοσ, ἀεί τινοσ καινοῦ προστιθεμένου κατορθώματοσ αὐξανομένη καὶ ἀναβαίνουσα πορρωτάτω κατέσχεν ἔπειτα τοῖσ ἐπὶ θύραισ σατράπαισ καὶ στρατηγοῖσ καὶ ἡγεμόσιν ὀφθείσ θαῦμα καὶ λόγον παρέσχεν, ὡσ οὗτοσ ἀνήρ ἐστιν ὁ γῆσ καὶ θαλάττησ ἐκβαλὼν Λακεδαιμονίουσ καὶ συστείλασ ὑπὸ Ταΰγετον καὶ τὸν Εὐρώταν τὴν Σπάρτην τὴν ὀλίγον ἔμπροσθεν βασιλεῖ τῷ μεγάλῳ καὶ Πέρσαισ δι’ Ἀγησιλάου τὸν περὶ Σούσων καὶ Ἐκβατάνων ἐπαραμένην πόλεμον.

ταῦτ’ οὖν ὁ Ἀρταξέρξησ ἔχαιρε, καὶ τὸν Πελοπίδαν ἐθαύμαζε ἐπὶ τῇ δόξῃ καὶ μέγαν ἐποίει ταῖσ τιμαῖσ, ὑπὸ τῶν μεγίστων εὐδαιμονίζεσθαι καὶ θεραπεύεσθαι βουλόμενοσ δοκεῖν.

ἔτι μᾶλλον ἠγάπησε, καὶ πάθοσ βασιλικὸν παθὼν οὐκ ἀπεκρύψατο τὴν πρὸσ τὸν ἄνδρα τιμήν, οὐδ’ ἔλαθε τοὺσ ἄλλουσ πρέσβεισ πλεῖστον νέμων ἐκείνῳ.

καίτοι δοκεῖ μάλιστα τῶν Ἑλλήνων Ἀνταλκίδαν τιμῆσαι τὸν Λακεδαιμόνιον, ὅτι τὸν στέφανον, ὃν πίνων περιέκειτο, βάψασ εἰσ μύρον ἀπέστειλε. Πελοπίδᾳ δὲ οὕτω μὲν οὐκ ἐνετρύφησε, δῶρα δὲ λαμπρότατα καὶ μέγιστα τῶν νομιζομένων ἐξέπεμψε καὶ τὰσ ἀξιώσεισ ἐπεκύρωσεν, αὐτονόμουσ μὲν εἶναι τοὺσ Ἕλληνασ, οἰκεῖσθαι δὲ Μεσσήνην, Θηβαίουσ δὲ πατρικοὺσ φίλουσ νομίζεσθαι βασιλέωσ.

ταύτασ ἔχων τὰσ ἀποκρίσεισ, τῶν δὲ δώρων οὐδὲν ὅ τι μὴ χάριτοσ ἦν σύμβολον καὶ φιλοφροσύνησ δεξάμενοσ, ἀνέζευξεν· ὃ καὶ μάλιστα τοὺσ ἄλλουσ πρέσβεισ διέβαλε. Τιμαγόραν γοῦν Ἀθηναῖοι κρίναντεσ ἀπέκτειναν, εἰ μὲν ἐπὶ τῷ πλήθει τῶν δωρεῶν, ὀρθῶσ καὶ δικαίωσ·

οὐ γὰρ μόνον χρυσίον οὐδ’ ἀργύριον ἔλαβεν, ἀλλὰ καὶ κλίνην πολυτελῆ καὶ στρώτασ θεράποντασ, ὡσ τῶν Ἑλλήνων οὐκ ἐπισταμένων, ἔτι δὲ βοῦσ ὀγδοήκοντα καὶ βουκόλουσ, ὡσ δὴ πρὸσ ἀρρωστίαν τινὰ γάλακτοσ βοείου δεόμενοσ, τέλοσ δὲ κατέβαινεν ἐπὶ θάλασσαν ἐν φορείῳ κομιζόμενοσ, καὶ τέσσαρα τάλαντα τοῖσ κομίζουσι μισθὸσ ἐδόθη παρὰ βασιλέωσ· ἀλλ’ ἐοίκεν οὐχ ἡ δωροδοκία μάλιστα παροξῦναι τοὺσ Ἀθηναίουσ. Ἐπικράτουσ γοῦν ποτε τοῦ σακεσφόρου μήτε ἀρνουμένου δῶρα δέξασθαι παρὰ βασιλέωσ, ψήφισμά τε γράφειν φάσκοντοσ ἀντὶ τῶν ἐννέα ἀρχόντων χειροτονεῖσθαι κατ’ ἐνιαυτὸν ἐννέα πρέσβεισ πρὸσ βασιλέα τῶν δημοτικῶν καὶ πενήτων, ὅπωσ λαμβάνοντεσ εὐπορῶσιν, ἐγέλασεν ὁ δῆμοσ·

ἀλλ’ ὅτι Θηβαίοισ ἐγεγόνει πάντα χαλεπῶσ ἔφερον, οὐ λογιζόμενοι τὴν Πελοπίδου δόξαν, ὅσων ἦν ῥητορειῶν καὶ λόγων κρείττων παρ’ ἀνθρώπῳ θεραπεύοντι τοὺσ τῶν ὅπλων ἀεὶ κρατοῦντασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pelopidas, chapter 30

(플루타르코스, Pelopidas, chapter 30)

상위

목록

SEARCH

MENU NAVIGATION