헬라어 문장 검색 - Πλυταρ́Πελοπιδ́12́

(플루타르코스, Pelopidas, chapter 12)

διαπραξάμενοι δὲ ταῦτα καὶ τοῖσ περὶ Μέλωνα συμβαλόντεσ ἔπεμψαν μὲν εἰσ τὴν Ἀττικὴν ἐπὶ τοὺσ ὑπολελειμμένουσ ἐκεῖ τῶν φυγάδων, ἐκάλουν δὲ τοὺσ πολίτασ ἐπὶ τὴν ἐλευθερίαν, καὶ τοὺσ προσιόντασ ὥπλιζον, ἀφαιροῦντεσ ἀπὸ τῶν στοῶν τὰ περικείμενα σκῦλα, καὶ τὰ περὶ τὴν οἰκίαν ἐργαστήρια δορυξόων καὶ μαχαιροποιῶν ἀναρρηγνύντεσ. ἧκον δὲ βοηθοῦντεσ αὐτοῖσ μετὰ τῶν ὅπλων οἱ περὶ Ἐπαμεινώνδαν καὶ Γοργίδαν, συνειλοχότεσ οὐκ ὀλίγουσ τῶν νέων καὶ τῶν πρεσβυτέρων τοὺσ βελτίστουσ, ἡ δὲ πόλισ ἤδη μὲν ἀνεπτόητο πᾶσα, καὶ πολὺσ θόρυβοσ ἦν καὶ φῶτα περὶ τὰσ οἰκίασ καὶ διαδρομαὶ πρὸσ ἀλλήλουσ, οὔπω δὲ συνειστήκει τὸ πλῆθοσ, ἀλλ’ ἐκπεπληγμένοι πρὸσ τὰ γινόμενα καὶ σαφὲσ οὐδὲν εἰδότεσ ἡμέραν περιέμενον.

ὅθεν ἁμαρτεῖν οἱ τῶν Λακεδαιμονίων ἄρχοντεσ ἔδοξαν εὐθὺσ οὐκ ἐπιδραμόντεσ οὐδὲ συμβαλόντεσ, αὐτὴ μὲν ἡ φρουρὰ περὶ χιλίουσ πεντακοσίουσ ὄντεσ, ἐκ δὲ τῆσ πόλεωσ πρὸσ αὐτοὺσ πολλῶν συντρεχόντων, ἀλλὰ τὴν βοὴν καὶ τὰ πυρὰ καὶ τὸν ὄχλον χωροῦντα πανταχόθεν πολὺν φοβηθέντεσ ἡσύχαζον, αὐτὴν τὴν Καδμείαν κατέχοντεσ, ἅμα δὲ ἡμέρᾳ παρῆσαν μὲν ἐκ τῆσ Ἀττικῆσ οἱ φυγάδεσ ὡπλισμένοι, συνήθροιστο δὲ εἰσ τὴν ἐκκλησίαν ὁ δῆμοσ.

εἰσῆγον δὲ τοὺσ περὶ Πελοπίδαν Ἐπαμεινώνδασ καὶ Γοργίδασ ὑπὸ τῶν ἱερέων περιεχομένουσ στέμματα προτεινόντων καὶ παρακαλούντων τοὺσ πολίτασ τῇ πατρίδι καὶ τοῖσ θεοῖσ βοηθεῖν, ἡ δ’ ἐκκλησία ὀρθὴ πρὸσ τὴν ὄψιν μετὰ κρότου καὶ βοῆσ ἐξανέστη, δεχομένων τοὺσ ἄνδρασ ὡσ εὐεργέτασ καὶ σωτῆρασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pelopidas, chapter 12

(플루타르코스, Pelopidas, chapter 12)

상위

목록

SEARCH

MENU NAVIGATION