헬라어 문장 검색 - Πλυταρ́Πελοπιδ́01́

(플루타르코스, Pelopidas, chapter 1)

Κάτων ὁ πρεσβύτεροσ πρόσ τινασ ἐπαινοῦντασ ἄνθρωπον ἀλογίστωσ παράβολον καὶ τολμηρὸν ἐν τοῖσ πολεμικοῖσ διαφέρειν ἔφη τὸ πολλοῦ τινα τὴν ἀρετὴν ἀξίαν καὶ τὸ μὴ πολλοῦ ἄξιον τὸ ζῆν νομίζειν ὀρθῶσ ἀποφαινόμενοσ. ὁ γοῦν παρ’ Ἀντιγόνῳ στρατευόμενοσ ἰταμόσ, φαῦλοσ δὲ τὴν ἕξιν καὶ τὸ σῶμα διεφθορώσ, ἐρομένου τοῦ βασιλέωσ τὴν αἰτίαν τῆσ ὠχρότητοσ ὡμολόγησέ τινα νόσον τῶν ἀπορρήτων ἐπεὶ δὲ φιλοτιμηθεὶσ ὁ βασιλεὺσ προσέταξε τοῖσ ἰατροῖσ, ἐάν τισ ᾖ βοήθεια, μηδὲν ἐλλιπεῖν τῆσ ἄκρασ ἐπιμελείασ, οὕτω θεραπευθεὶσ ὁ γενναῖοσ ἐκεῖνοσ οὐκέτ’ ἦν φιλοκίνδυνοσ οὐδὲ ῥαγδαῖοσ ἐν τοῖσ ἀγῶσιν, ὥστε καὶ τὸν Ἀντίγονον ἐγκαλεῖν καὶ θαυμάζειν τὴν μεταβολήν. "ὦ βασιλεῦ, σύ με πεποίηκασ ἀτολμότερον, ἀπαλλάξασ ἐκείνων τῶν κακῶν δι’ ἃ τοῦ ζῆν ὠλιγώρουν.

πρὸσ τοῦτο δὲ φαίνεται καὶ Συβαρίτησ ἀνὴρ εἰπεῖν περὶ τῶν Σπαρτιατῶν ὡσ οὐ μέγα ποιοῦσι θανατῶντεσ ἐν τοῖσ πολέμοισ ὑπὲρ τοῦ τοσούτουσ πόνουσ καὶ τοιαύτην ἀποφυγεῖν δίαιταν.

ἀλλὰ Συβαρίταισ μέν ἐκτετηκόσιν ὑπὸ τρυφῆσ καὶ μαλακίασ διὰ τὴν πρόσ τὸ καλὸν ὁρμὴν καὶ φιλοτιμίαν εἰκότωσ ἐφαίνοντο μισεῖν τὸν βίον οἱ μὴ φοβούμενοι τὸν θάνατον, Λακεδαιμονίοισ δὲ καὶ ζῆν ἡδέωσ καὶ θνῄσκειν ἀμφότερα ἀρετὴ παρεῖχεν, ὡσ δηλοῖ τὸ ἐπικήδειον· οἵδε γάρ φησιν ἔθανον οὐ τὸ ζῇν θέμενοι καλὸν οὐδὲ τὸ θνῄσκειν, αλλὰ τὸ ταῦτα καλῶσ ἀμφότερ’ ἐκτελέσαι.

οὔτε γὰρ φυγὴ θανάτου μεμπτόν, ἂν ὀρέγηταί τισ τοῦ βίου μὴ αἰσχρῶσ, οὔτε ὑπομονὴ καλόν, εἰ μετ’ ὀλιγωρίασ γίνοιτο τοῦ ζῆν. ὅθεν Ὅμηροσ μέν ἀεὶ τοὺσ θαρραλεωτάτουσ καὶ μαχιμωτάτουσ ἄνδρασ εὖ καὶ καλῶσ ὡπλισμένουσ ἐξάγει πρόσ τοὺσ ἀγῶνασ, οἱ δὲ τῶν Ἑλλήνων νομοθέται τὸν ῥίψασπιν κολάζουσιν, οὐ τὸν ξίφοσ οὐδὲ λόγχην προέμενον, διδάσκοντεσ ὅτι τοῦ μὴ παθεῖν κακῶσ πρότερον ἢ τοῦ ποιῆσαι τοὺσ πολεμίουσ ἑκάστῳ μέλειν προσήκει, μάλιστα δὲ ἄρχοντι πόλεωσ ἢ στρατεύματοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pelopidas, chapter 1

(플루타르코스, Pelopidas, chapter 1)

상위

목록

SEARCH

MENU NAVIGATION