헬라어 문장 검색 - Πλυταρ́Νιξιασ́29́

(플루타르코스, Νικίας, chapter 29)

τῶν δ’ Ἀθηναίων οἱ μὲν πλεῖστοι διεφθάρησαν ἐν ταῖσ λατομίαισ ὑπὸ νόσου καὶ διαίτησ πονηρᾶσ, εἰσ ἡμέραν ἑκάστην κοτύλασ δύο κριθῶν λαμβάνοντεσ καὶ μίαν ὕδατοσ, οὐκ ὀλίγοι δ’ ἐπράθησαν διακλαπέντεσ ἢ καὶ διαλαθόντεσ ὡσ οἰκέται. καὶ τούτουσ ὡσ οἰκέτασ ἐπώλουν, στίζοντεσ ἵππον εἰσ τὸ μέτωπον· ἀλλ’ ἦσαν οἱ καὶ τοῦτο πρὸσ τῷ δουλεύειν ὑπομένοντεσ. ἐβοήθει δὲ καὶ τούτοισ ἥ τ’ αἰδὼσ καὶ τὸ κόσμιον·

ἢ γὰρ ἠλευθεροῦντο ταχέωσ ἢ τιμώμενοι παρέμενον τοῖσ κεκτημένοισ. ἔνιοι δὲ καὶ δι’ Εὐριπίδην ἐσώθησαν. μάλιστα γάρ, ὡσ ἐοίκε, τῶν ἐκτὸσ Ἑλλήνων ἐπόθησαν αὐτοῦ τὴν μοῦσαν οἱ περὶ Σικελίαν· καὶ μικρὰ τῶν ἀφικνουμένων ἑκάστοτε δείγματα καὶ γεύματα κομιζόντων ἐκμανθάνοντεσ ἀγαπητῶσ μετεδίδοσαν ἀλλήλοισ. τότε γοῦν φασι τῶν σωθέντων οἴκαδε συχνοὺσ ἀσπάσασθαι τὸν Εὐριπίδην φιλοφρόνωσ, καὶ διηγεῖσθαι τοὺσ μέν, ὅτι δουλεύοντεσ ἀφείθησαν ἐκδιδάξαντεσ ὅσα τῶν ἐκείνου ποιημάτων ἐμέμνηντο, τοὺσ δ’, ὅτι πλανώμενοι μετὰ τὴν μάχην τροφῆσ καὶ ὕδατοσ μετέλαβον τῶν μελῶν ᾄσαντεσ.

οὐ δεῖ δὴ θαυμάζειν ὅτι τοὺσ Καυνίουσ φασὶ πλοίου προσφερομένου τοῖσ λιμέσιν ὑπὸ λῃστρίδων διωκομένου μὴ δέχεσθαι τὸ πρῶτον, ἀλλ’ ἀπείργειν, εἶτα μέντοι διαπυνθανομένουσ εἰ γινώσκουσιν ᾄσματα τῶν Εὐριπίδου, φησάντων ἐκείνων, οὕτω παρεῖναι καὶ καταγαγεῖν τὸ πλοῖον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Νικίας, chapter 29

(플루타르코스, Νικίας, chapter 29)

상위

목록

SEARCH

MENU NAVIGATION