헬라어 문장 검색 - Πλυταρ́Νιξιασ́26́

(플루타르코스, Νικίας, chapter 26)

ὡρμημένων δ’ αὐτῶν ἀπαίρειν διὰ νυκτὸσ οἱ μὲν περὶ τὸν Γύλιππον, ὁρῶντεσ ἐν θυσίαισ καὶ πότοισ τοὺσ Συρακουσίουσ διά τε τὴν νίκην καὶ τὴν ἑορτὴν ὄντασ, οὔτε πείσειν οὔτε βιάσεσθαι προσεδόκων ἀναστάντασ ἤδη προσφέρεσθαι τοῖσ πολεμίοισ ἀπιοῦσιν, Ἑρμοκράτησ δ’ αὐτὸσ ἀφ’ ἑαυτοῦ συνθεὶσ ἐπὶ τὸν Νικίαν ἀπάτην, ἔπεμψέ τινασ τῶν ἑταίρων πρὸσ αὐτόν, ἀπ’ ἐκείνων μὲν ἥκειν τῶν ἀνδρῶν φάσκοντασ, οἳ καὶ πρότερον εἰώθεσαν κρύφα τῷ Νικίᾳ διαλέγεσθαι, παραινοῦντασ δὲ μὴ πορεύεσθαι διὰ τῆσ νυκτόσ, ὡσ τῶν Συρακουσίων ἐνέδρασ πεποιημένων αὐτοῖσ καὶ προκατεχόντων τὰσ παρόδουσ. τούτῳ δὲ καταστρατηγηθεὶσ ὁ Νικίασ ὑπέμενεν ἃ ψευδῶσ ἔδεισεν ὑπὸ τῶν πολεμίων ἀληθῶσ παθεῖν.

προελθόντεσ γὰρ ἅμ’ ἡμέρα τὰσ δυσχωρίασ τῶν ὁδῶν κατέλαβον καὶ τὰσ διαβάσεισ τῶν ποταμῶν ἀπετείχισαν τάσ τε γεφύρασ ἀπέκοψαν, ἐν δὲ τοῖσ ὁμαλοῖσ καὶ πεδινοῖσ τοὺσ ἱππεῖσ ἔταξαν, ὥστε μηδένα λελεῖφθαι τοῖσ Ἀθηναίοισ τόπον ἀμαχεὶ προελθεῖν.

οἱ δὲ καὶ τὴν ἡμέραν ἐκείνην καὶ τὴν νύκτα τὴν ἑτέραν ἐπιμείναντεσ ἐπορεύοντο κλαυθμῷ καὶ ὀλοφυρμῷ, καθάπερ ἐκ πατρίδοσ, οὐ πολεμίασ, ἀνιστάμενοι, διὰ τὰσ ἀπορίασ τῶν ἀναγκαίων καὶ τὰσ ἀπολείψεισ τῶν ἀδυνάτων φίλων καὶ συνήθων, ὅμωσ τὰ παρόντα κακὰ κουφότερα τῶν προσδοκωμένων νομίζοντεσ εἶναι. πολλῶν δὲ δεινῶν ἐν τῷ στρατοπέδῳ φαινομένων, οὐδὲν ἦν οἰκτρότερον αὐτοῦ Νικίου θέαμα, κεκακωμένου μὲν ὑπὸ τῆσ ἀσθενείασ, συνεσταλμένου δὲ παρ’ ἀξίαν εἰσ ἀναγκαίαν δίαιταν καὶ τὰ μικρότατα τῶν ἐφοδίων εἰσ τὸ σῶμα πολλῶν διὰ τὴν νόσον δεόμενον, πράττοντοσ δὲ μετ’ ἀρρωστίασ καὶ καρτεροῦντοσ ἃ πολλοὶ τῶν ἐρρωμένων μόλισ ὑπέμενον, καταφανοῦσ δὲ πᾶσιν ὄντοσ οὐ δι’ αὑτὸν οὐδὲ τῷ φιλοψυχεῖν τοῖσ πόνοισ ἐμμένοντοσ, ἀλλὰ δι’ ἐκείνουσ τὴν ἐλπίδα μὴ προϊεμένου.

καὶ γὰρ εἰσ δάκρυα καὶ ὀδυρμοὺσ τῶν ἄλλων ὑπὸ φόβου καὶ λύπησ τρεπομένων, ἐκεῖνοσ, εἴ ποτε βιασθείη τοῦτο ποιῆσαι, δῆλοσ ἦν τὸ αἰσχρὸν καὶ τὸ ἀκλεὲσ τῆσ στρατείασ ἀναλογιζόμενοσ πρὸσ τὸ μέγεθοσ καὶ τὴν δόξαν ὧν ἤλπιζε κατορθώσειν.

οὐ μόνον δ’ αὐτοῦ τὴν ὄψιν ὁρῶντεσ, ἀλλὰ καὶ τῶν λόγων μνημονεύοντεσ καὶ τῶν παραινέσεων ἃσ ἐποιήσατο κωλύων τὸν ἔκπλουν, ἔτι μᾶλλον ἐνόμιζον ἀναξίωσ ταλαιπωρεῖν· καὶ πρὸσ τὰσ ἐκ θεῶν ἐλπίδασ ἀθύμωσ εἶχον, ἐννοοῦντεσ ὡσ ἀνὴρ θεοφιλὴσ καὶ πολλὰ καὶ μεγάλα λαμπρυνάμενοσ πρὸσ τὸ θεῖον οὐδενὸσ ἐπιεικεστέρᾳ τύχῃ χρῆται τῶν κακίστων ἐν τῷ στρατεύματι καὶ ταπεινοτάτων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Νικίας, chapter 26

(플루타르코스, Νικίας, chapter 26)

상위

목록

SEARCH

MENU NAVIGATION