헬라어 문장 검색 - Πλυταρ́Νιξιασ́25́

(플루타르코스, Νικίας, chapter 25)

ἐπεὶ δ’ οἱ μάντεισ τοῖσ Συρακουσίοισ ἀπήγγειλαν ἐκ τῶν ἱερῶν λαμπρότητα καὶ νίκην μὴ καταρχομένοισ μάχησ, ἀλλ’ ἀμυνομένοισ καὶ γὰρ τὸν Ἡρακλέα πάντων κρατεῖν ἀμυνόμενον καὶ προεπιχειρούμενον, ἀνήχθησαν. ἡ δὲ ναυμαχία πολὺ μεγίστη καὶ καρτερωτάτη γενομένη, καὶ μηδὲν ἐλάττονα πάθη καὶ θορύβουσ παρασχοῦσα τοῖσ θεωμένοισ ἢ τοῖσ ἀγωνιζομένοισ διὰ τὴν παντὸσ ἐπίβλεψιν τοῦ ἔργου ποικίλασ μεταβολὰσ καὶ ἀπροσδοκήτουσ ἐν ὀλίγῳ λαμβάνοντοσ, ἔβλαπτε ταῖσ αὐτῶν παρασκευαῖσ οὐχ ἧττον τῶν πολεμίων τοὺσ Ἀθηναίουσ. ἀθρόαισ γὰρ ἐμάχοντο ταῖσ ναυσὶ καὶ βαρείαισ πρὸσ κούφασ ἀλλαχόθεν ἄλλασ ἐπιφερομένασ, καὶ βαλλόμενοι λίθοισ ὁμοίαν ἔχουσι τὴν πληγὴν πανταχόθεν ἀντέβαλλον ἀκοντίοισ καὶ τοξεύμασιν, ὧν ὁ σάλοσ τὴν εὐθυβολίαν διέστρεφεν, ὥστε μὴ πάντα κατ’ αἰχμὴν προσφέρεσθαι.

ταῦτα δ’ Ἀρίστων ὁ Κορίνθιοσ κυβερνήτησ ἐδίδαξε τοὺσ Συρακουσίουσ, καὶ παρὰ τὴν μάχην αὐτὴν ἀγωνιζόμενοσ προθύμωσ ἔπεσεν ἤδη κρατούντων τῶν Συρακουσίων. γενομένησ δὲ μεγάλησ τροπῆσ καὶ φθορᾶσ, ἡ μὲν κατὰ θάλασσαν φυγὴ τοῖσ Ἀθηναίοισ ἀποκέκοπτο·

χαλεπὴν δὲ καὶ διὰ γῆσ τὴν σωτηρίαν ὁρῶντεσ οὔτε ναῦσ ἀφέλκοντασ ἐγγύθεν ἔτι τοὺσ πολεμίουσ ἐκώλυον οὔτε νεκρῶν ᾔτησαν ἀναίρεσιν, ἅτε δὴ τῆσ ἐκείνων ἀταφίασ τὴν τῶν νοσούντων καὶ τετρωμένων ἀπόλειψιν οἰκτροτέραν οὖσαν ἤδη πρὸ ὀφθαλμῶν ἔχοντεσ, αὑτοὺσ δὲ κἀκείνων ἐπιπονωτέρουσ ἡγούμενοι, μετὰ πλειόνων κακῶν ἐπὶ ταὐτὸ πάντωσ ἀφιξομένουσ τέλοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Νικίας, chapter 25

(플루타르코스, Νικίας, chapter 25)

상위

목록

SEARCH

MENU NAVIGATION