헬라어 문장 검색 - Πλυταρ́Νιξιασ́23́

(플루타르코스, Νικίας, chapter 23)

ὡσ δ’ ἦν ἕτοιμα ταῦτα πάντα καὶ τῶν πολεμίων οὐδεὶσ παρεφύλαττεν, ἅτε δὴ μὴ προσδοκώντων, ἐξέλιπεν ἡ σελήνη τῆσ νυκτόσ, μέγα δέοσ τῷ Νικίᾳ καὶ τῶν ἄλλων τοῖσ ὑπὸ ἀπειρίασ ἢ δεισιδαιμονίασ ἐκπεπληγμένοισ τὰ τοιαῦτα. τοῦ μὲν γὰρ ἡλίου τὴν περὶ τὰσ τριακάδασ ἐπισκότησιν ἁμῶσ γέ πωσ ἤδη συνεφρόνουν καὶ οἱ πολλοὶ γενομένην ὑπὸ τῆσ σελήνησ· αὐτὴν δὲ τὴν σελήνην, ᾧτινι συντυγχάνουσα καὶ πῶσ αἰφνίδιον ἐκ πανσελήνου τὸ φῶσ ἀπόλλυσι καὶ χρόασ ἱήσι παντοδαπάσ, οὐ ῥᾴδιον ἦν καταλαβεῖν, ἀλλ’ ἀλλόκοτον ἡγοῦντο καὶ πρὸ συμφορῶν τινων μεγάλων ἐκ θεοῦ γινόμενον σημεῖον. ὁ γὰρ πρῶτοσ σαφέστατόν τε πάντων καὶ θαρραλεώτατον περὶ σελήνησ καταυγασμῶν καὶ σκιᾶσ λόγον εἰσ γραφὴν καταθέμενοσ Ἀναξαγόρασ οὔτ’ αὐτὸσ ἦν παλαιὸσ οὔτε ὁ λόγοσ ἔνδοξοσ, ἀλλ’ ἀπόρρητοσ ἔτι καὶ δι’ ὀλίγων καὶ μετ’ εὐλαβείασ τινὸσ ἢ πίστεωσ βαδίζων.

οὐ γὰρ ἠνείχοντο τοὺσ φυσικοὺσ καὶ μετεωρολέσχασ τότε καλουμένουσ, ὡσ εἰσ αἰτίασ ἀλόγουσ καὶ δυνάμεισ ἀπρονοήτουσ καὶ κατηναγκασμένα πάθη διατρίβοντασ τὸ θεῖον, ἀλλὰ καὶ Πρωταγόρασ ἔφυγε, καὶ Ἀναξαγόραν εἱρχθέντα μόλισ περιεποιήσατο Περικλῆσ, καὶ Σωκράτησ, οὐδὲν αὐτῷ τῶν γε τοιούτων προσῆκον, ὅμωσ ἀπώλετο διὰ φιλοσοφίαν.

ὀψὲ δ’ ἡ Πλάτωνοσ ἐκλάμψασα δόξα διὰ τὸν βίον τοῦ ἀνδρόσ, καὶ ὅτι ταῖσ θείαισ καὶ κυριωτέραισ ἀρχαῖσ ὑπέταξε τὰσ φυσικὰσ ἀνάγκασ, ἀφεῖλε τὴν τῶν λόγων τούτων διαβολήν, καὶ τοῖσ μαθήμασιν εἰσ ἅπαντασ ὁδὸν ἐνέδωκεν.

ὁ γοῦν ἑταῖροσ αὐτοῦ Δίων, καθ’ ὃν χρόνον ἔμελλεν ἄρασ ἐκ Ζακύνθου πλεῖν ἐπὶ Διονύσιον, ἐκλιπούσησ τῆσ σελήνησ, οὐδὲν διαταραχθεὶσ ἀνήχθη, καὶ κατασχὼν ἐν Συρακούσαισ ἐξέβαλε τὸν τύραννον. τῷ μέντοι Νικίᾳ συνηνέχθη τότε μηδὲ μάντιν ἔχειν ἔμπειρον·

ὁ γὰρ συνήθησ αὐτοῦ καὶ τὸ πολὺ τῆσ δεισιδαιμονίασ ἀφαιρῶν Στιλβίδησ ἐτεθνήκει μικρὸν ἔμπροσθεν. ἐπεὶ τὸ σημεῖον, ὥσ φησι Φιλόχοροσ, φεύγουσιν οὐκ ἦν πονηρόν, ἀλλὰ καὶ πάνυ χρηστόν· ἐπικρύψεωσ γὰρ αἱ σὺν φόβῳ πράξεισ δέονται, τὸ δὲ φῶσ πολέμιόν ἐστιν αὐταῖσ. ἄλλωσ τε καὶ τῶν περὶ ἥλιον καὶ σελήνην ἐπὶ τρεῖσ ἡμέρασ ἐποιοῦντο φυλακήν, ὡσ Αὐτοκλείδησ διέγραψεν ἐν τοῖσ ἐξηγητικοῖσ· ὁ δὲ Νικίασ ἄλλην ἔπεισε σελήνησ ἀναμένειν περίοδον, ὥσπερ οὐκ εὐθὺσ θεασάμενοσ αὐτὴν ἀποκαθαρθεῖσαν, ὅτε τὸν σκιερὸν τόπον καὶ ὑπὸ τῆσ γῆσ ἀντιφραττόμενον παρῆλθε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Νικίας, chapter 23

(플루타르코스, Νικίας, chapter 23)

상위

목록

SEARCH

MENU NAVIGATION