헬라어 문장 검색 - Πλυταρ́Νιξιασ́21́

(플루타르코스, Νικίας, chapter 21)

ἐν τούτῳ δὲ Δημοσθένησ ὑπὲρ τῶν λιμένων ἐπεφαίνετο λαμπρότατοσ τῇ παρασκευῇ καὶ δεινότατοσ τοῖσ πολεμίοισ, ἐπὶ νεῶν ἑβδομήκοντα καὶ τριῶν ἄγων ὁπλίτασ πεντακισχιλίουσ, ἀκοντιστὰσ δὲ καὶ τοξότασ καὶ σφενδονήτασ τρισχιλίων οὐκ ἐλάττουσ, ὅπλων δὲ κόσμῳ καὶ παρασήμοισ τριήρων καὶ πλήθει κελευστῶν καὶ αὐλητῶν θεατρικῶσ καὶ πρὸσ ἔκπληξιν πολεμίων ἐξησκημένοσ. ἦν οὖν, ὡσ εἰκόσ, αὖθισ ἐν φόβῳ μεγάλῳ τὰ Συρακουσίων εἰσ οὐδὲν πέρασ οὐδὲ ἀπαλλαγήν, ἀλλὰ πονοῦντασ ἄλλωσ καὶ φθειρομένουσ αὑτοὺσ μάτην ὁρώντων.

τὸν δὲ Νικίαν οὐ πολὺν χρόνον εὔφρανεν ἡ παρουσία τῆσ δυνάμεωσ, ἀλλ’ ἅμα τῷ πρῶτον ἐν λόγοισ γενέσθαι, τοῦ Δημοσθένουσ εὐθὺσ ἐπιχειρεῖν τοῖσ πολεμίοισ κελεύοντοσ καὶ τῷ ταχίστῳ τῶν κινδύνων περὶ τοῦ παντὸσ διαγωνισαμένουσ ἑλεῖν Συρακούσασ ἢ ἀποπλεῖν οἴκαδε, δείσασ καὶ θαυμάσασ τὴν ὀξύτητα καὶ τόλμαν ἐδεῖτο μηδὲν ἀπεγνωσμένωσ πράττειν μηδὲ ἀνοήτωσ. τὴν γὰρ τριβὴν εἶναι κατὰ τῶν πολεμίων οὔτε χρήματα κεκτημένων ἔτι, μήτε τῶν συμμάχων αὐτοῖσ πολὺν χρόνον παραμενούντων, εἰ δὲ θλίβοιντο ταῖσ ἀπορίαισ, ταχὺ πάλιν ἐπ’ αὐτὸν ἐπὶ συμβάσεισ τραπησομένων, ὡσ πρότερον.

καὶ γὰρ ἦσαν ἄνδρεσ οὐκ ὀλίγοι τῶν ἐν Συρακούσαισ διαλεγόμενοι τῷ Νικίᾳ κρύφα καὶ μένειν κελεύοντεσ, ὡσ καὶ νῦν ὑπερπονούντων τῷ πολέμῳ καὶ τὸν Γύλιππον βαρυνομένων, ἐὰν δὲ μικρὸν ἐπιτείνωσιν αἱ ἀνάγκαι, παντάπασιν ἀπαγορευσόντων. τούτων ὁ Νικίασ τὰ μὲν αἰνιττόμενοσ, τὰ δ’ οὐ θέλων ἐν φανερῷ λέγειν, ἀτολμίασ παρέσχε τοῖσ στρατηγοῖσ δόξαν, καὶ ταῦτ’ ἐκεῖνα πάλιν ἥκειν φάσκοντεσ αὐτοῦ, μελλήματα καὶ διατριβὰσ καὶ ἀκριβολογίασ, αἷσ ἀπώλεσε τὴν ἀκμὴν οὐκ εὐθὺσ ἐπιχειρῶν τοῖσ πολεμίοισ, ἀλλ’ ἑώλοσ καὶ καταφρονούμενοσ, τῷ Δημοσθένει προσετίθεντο. καὶ ὁ Νικίασ μόλισ συνεχώρησεν ἐκβιασθείσ.

οὕτω δὴ τὴν πεζὴν στρατιὰν ἀναλαβὼν ὁ Δημοσθένησ νυκτὸσ ἐπεχείρει ταῖσ Ἐπιπολαῖσ·

καὶ τοὺσ μὲν φθάσασ πρὶν αἰσθέσθαι τῶν πολεμίων ἀπέκτεινε, τοὺσ δ’ ἀμυνομένουσ ἐτρέψατο. καὶ κρατῶν οὐκ ἔμενεν, ἀλλ’ ἐχώρει προσωτέρω, μέχρι οὗ τοῖσ Βοιωτοῖσ ἐνέτυχε. πρῶτοι γὰρ οὗτοι συστρέψαντεσ ἑαυτοὺσ καὶ συνδραμόντεσ εἰσ τοὺσ Ἀθηναίουσ ἐναντίοισ τοῖσ δόρασι μετὰ βοῆσ ἐώσαντο καὶ πολλοὺσ αὐτοῦ κατέβαλον. δι’ ὅλου δὲ τοῦ στρατεύματοσ εὐθὺσ ἦν πτοία καὶ ταραχή, καὶ τοῦ φεύγοντοσ ἤδη καταπιμπλάμενον τὸ ἔτι νικῶν, καὶ τὸ ἐπιβαῖνον καὶ προσφερόμενον ὑπὸ τῶν πεφοβημένων ἀνακοπτόμενον ἑαυτῷ περιέπιπτε, τοὺσ μὲν φεύγοντασ οἰόμενον διώκειν, τοῖσ δὲ φίλοισ ὡσ πολεμίοισ χρώμενον.

ἡ γὰρ ἄτακτοσ ἀνάμιξισ ἐν ταὐτῷ μετὰ φόβου καὶ ἀγνοίασ, καὶ τὸ τῆσ ὄψεωσ ἄπιστον ἐν νυκτὶ μήτε σκότοσ ἄκρατον μήτε φῶσ ἐχούσῃ βέβαιον, ἀλλ’ οἱάν εἰκὸσ ἤδη καταφερομένησ σελήνησ καὶ περισκιαζομένησ ὅπλοισ πολλοῖσ καὶ σώμασι κινουμένοισ διὰ τοῦ φωτὸσ μὴ διασαφοῦσαν τὰ εἴδη φόβῳ τοῦ πολεμίου.

καὶ τὸ οἰκεῖον ποιεῖν ὕποπτον, εἰσ δεινὰσ ἀπορίασ καὶ περιπετείασ καθίστη τοὺσ Ἀθηναίουσ. ἔτυχον δέ πωσ καὶ τὴν σελήνην ἔχοντεσ ὄπισθεν·

ὅθεν αὐτοὶ μὲν αὑτοῖσ τὰσ σκιὰσ ἐπιβάλλοντεσ ἀπέκρυπτον τὸ πλῆθοσ τῶν ὅπλων καὶ τὴν λαμπρότητα, τοὺσ δ’ ἐναντίουσ ὁ πρὸσ τὴν σελήνην τῶν ἀσπίδων ἀντιφωτισμὸσ πολὺ πλείονασ ὁρᾶσθαι καὶ λαμπροτέρουσ ἐποίει. τέλοσ δὲ πανταχόθεν αὐτοῖσ, ὡσ ἐνέδοσαν, προσκειμένων τῶν πολεμίων φεύγοντεσ οἱ μὲν ὑπ’ ἐκείνων, οἱ δ’ ὑπ’ ἀλλήλων ἀπέθνησκον, οἱ δὲ κατὰ τῶν κρημνῶν ὀλισθαίνοντεσ· τοὺσ δ’ ἀποσκεδασθέντασ καὶ πλανωμένουσ ἡμέρασ ἐπιγενομένησ οἱ ἱππεῖσ καταλαμβάνοντεσ διέφθειρον.

ἐγένοντο δὲ νεκροὶ δισχίλιοι, καὶ τῶν περιγενομένων ὀλίγοι μετὰ τῶν ὅπλων ἀπεσώθησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Νικίας, chapter 21

(플루타르코스, Νικίας, chapter 21)

상위

목록

SEARCH

MENU NAVIGATION