헬라어 문장 검색 - Πλυταρ́Νιξιασ́11́

(플루타르코스, Νικίας, chapter 11)

ἀκμαζούσησ δὲ τῆσ πρὸσ τὸν Νικίαν τοῦ Ἀλκιβιάδου διαφορᾶσ, καὶ γιγνομένησ ὀστρακοφορίασ, ἣν εἰώθει διὰ χρόνου τινὸσ ὁ δῆμοσ ποιεῖσθαι, ἕνα τῶν ὑπόπτων ἢ διὰ δόξαν ἄλλωσ ἢ πλοῦτον ἐπιφθόνων ἀνδρῶν τῷ ὀστράκῳ μεθιστὰσ εἰσ δέκα ἔτη, πολὺσ θόρυβοσ ἀμφοτέρουσ περιί̈στατο καὶ κίνδυνοσ, ὡσ θατέρου πάντωσ ὑποπεσουμένου τῷ ἐξοστρακισμῷ. τοῦ μὲν γὰρ Ἀλκιβιάδου καὶ τὸν βίον ἐβδελύττοντο καὶ τὸ θράσοσ ὠρρώδουν, ὡσ μᾶλλον ἐν τοῖσ περὶ ἐκείνου γραφομένοισ δηλοῦται, τὸν δὲ Νικίαν ὅ τε πλοῦτοσ ἐπίφθονον ἐποίει καὶ μάλιστα τῆσ διαίτησ τὸ μὴ φιλάνθρωπον μηδὲ δημοτικόν, ἀλλ’ ἄμικτον καὶ ὀλιγαρχικὸν ἀλλόκοτον ἐδόκει, πολλὰ δ’ ἤδη ταῖσ ἐπιθυμίαισ αὐτῶν ἀντιτείνων, παρὰ γνώμην βιαζόμενοσ πρὸσ τὸ συμφέρον, ἐπαχθὴσ ἦν.

ὡσ δ’ ἁπλῶσ εἰπεῖν, νέων ἦν καὶ πολεμοποιῶν ἅμιλλα πρὸσ εἰρηνοποιοὺσ καὶ πρεσβυτέρουσ, τῶν μὲν εἰσ τοῦτον, τῶν δ’ εἰσ ἐκεῖνον τὸ ὄστρακον τρεπόντων. ἐν δὲ διχοστασίῃ καὶ ὁ πάγκακοσ ἔμμορε τιμῆσ·

ὥσ που καὶ τότε διαστὰσ ὁ δῆμοσ δίχα χώραν ἔδωκε τοῖσ ἰταμωτάτοισ καὶ πανουργοτάτοισ, ὧν ἦν καὶ Ὑπέρβολοσ ὁ Περιθοίδησ, ἄνθρωποσ ἀπ’ οὐδεμιᾶσ τολμῶν δυνάμεωσ, ἀλλ’ ἀπὸ τοῦ τολμᾶν εἰσ δύναμιν προελθών, καὶ γενόμενοσ δι’ ἣν εἶχεν ἐν τῇ πόλει δόξαν ἀδοξία τῆσ πόλεωσ. οὗτοσ ἐν τῷ τότε χρόνῳ τοῦ μὲν ὀστράκου πόρρω τιθέμενοσ ἑαυτόν, ἅτε δὴ τῷ κύφωνι μᾶλλον προσήκων, ἐλπίζων δὲ θατέρου τῶν ἀνδρῶν ἐκπεσόντοσ αὐτὸσ ἀντίπαλοσ τῷ λειπομένῳ γενέσθαι, καταφανὴσ ἦν ἡδόμενόσ τε τῇ διαφορᾷ καὶ παροξύνων τὸν δῆμον ἐπ’ ἀμφοτέρουσ.

συνιδόντεσ οὖν τὴν μοχθηρίαν οἱ περὶ τὸν Νικίαν καὶ τὸν Ἀλκιβιάδην, καὶ λόγον δόντεσ ἀλλήλοισ κρύφα, καὶ τὰσ στάσεισ συναγαγόντεσ εἰσ ἓν ἀμφοτέρασ καὶ ἀναμίξαντεσ, ἐκράτησαν ὥστε μηδέτερον αὐτῶν, ἀλλὰ τὸν Ὑπέρβολον ἐξοστρακισθῆναι. καὶ παραυτίκα μὲν ἡδονὴν τοῦτο καὶ γέλωτα τῷ δήμῳ παρέσχεν, ὕστερον δὲ ἠγανάκτουν ὡσ καθυβρισμένον τὸ πρᾶγμα τοῦτο πρὸσ ἄνθρωπον ἀνάξιον γεγονέναι νομίζοντεσ, εἶναι γάρ τι καὶ κολάσεωσ ἀξίωμα, μᾶλλον δὲ κόλασιν τὸν ἐξοστρακισμὸν ἡγούμενοι Θουκυδίδῃ καὶ Ἀριστείδῃ καὶ τοῖσ ὁμοίοισ, Ὑπερβόλῳ δὲ τιμὴν καὶ προσποίησιν ἀλαζονείασ, εἰ διὰ μοχθηρίαν ἔπαθε ταὐτὰ τοῖσ ἀρίστοισ, ὥσ που καὶ Πλάτων ὁ κωμικὸσ εἴρηκε περὶ αὐτοῦ·

καίτοι πέπραχε τῶν προτέρων μὲν ἄξια, αὑτοῦ δὲ καὶ τῶν στιγμάτων ἀνάξια·

οὐ γὰρ τοιούτων εἵνεκ’ ὄστραχ’ εὑρέθη. καὶ τὸ πέρασ οὐδεὶσ ἔτι τὸ παράπαν ἐξωστρακίσθη μετὰ Ὑπέρβολον, ἀλλ’ ἔσχατοσ ἐκεῖνοσ, πρῶτοσ δ’ Ἵππαρχοσ ὁ Χολαργεὺσ συγγενήσ τισ ὢν τοῦ τυράννου. ἄκριτον δ’ ἡ τύχη πρᾶγμα καὶ ἄληπτον λογισμῷ.

Νικίασ γάρ, εἰ τὸν περὶ ὀστράκου κίνδυνον ἀνέρριψε πρὸσ Ἀλκιβιάδην, ἢ κρατήσασ ἂν ἀσφαλῶσ ᾤκει τὴν πόλιν ἐκεῖνον ἐξελάσασ, ἢ κρατηθεὶσ αὐτὸσ ἐξῄει πρὸ τῶν ἐσχάτων ἀτυχιῶν, τὸ δοκεῖν ἄριστοσ εἶναι στρατηγὸσ διαφυλάξασ. οὐκ ἀγνοῶ δ’ ὅτι Θεόφραστοσ ἐξοστρακισθῆναί φησι τὸν Ὑπέρβολον Φαίακοσ, οὐ Νικίου, πρὸσ Ἀλκιβιάδην ἐρίσαντοσ. ἀλλ’ οἱ πλείονεσ οὕτω γεγράφασιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Νικίας, chapter 11

(플루타르코스, Νικίας, chapter 11)

상위

목록

SEARCH

MENU NAVIGATION