헬라어 문장 검색 - Πλυταρ́Νιξιασ́10́

(플루타르코스, Νικίας, chapter 10)

γενομένων δὲ συνθηκῶν ὅπωσ τὰ χωρία καὶ τὰσ πόλεισ, ἃσ εἶχον ἀλλήλων, καὶ τοὺσ αἰχμαλώτουσ ἀποδιδῶσι, προτέρων ἀποδιδόντων τῶν κλήρῳ λαχόντων, ὠνήσατο τὸν κλῆρον ὁ Νικίασ κρύφα χρήμασιν, ὥστε προτέρουσ ἀποδιδόναι τοὺσ Λακεδαιμονίουσ. καὶ τοῦτο μὲν ἱστορεῖ Θεόφραστοσ.

ἐπεὶ δὲ Κορίνθιοι καὶ Βοιωτοὶ πρὸσ τὰ πραττόμενα δυσκολαίνοντεσ αἰτίαισ καὶ μέμψεσιν αὖθισ ἐδόκουν ἀνακαλεῖσθαι τὸν πόλεμον, ἔπεισεν ὁ Νικίασ τοὺσ Ἀθηναίουσ καὶ Λακεδαιμονίουσ τῇ εἰρήνῃ τὴν συμμαχίαν ὥσπερ κράτοσ ἢ δεσμὸν ἐπιθέντασ, φοβερωτέρουσ τε τοῖσ ἀφισταμένοισ καὶ βεβαιοτέρουσ ἀλλήλοισ γενέσθαι. πραττομένων δὲ τούτων ὁ Ἀλκιβιάδησ οὔτε πρὸσ ἡσυχίαν εὖ πεφυκώσ, καὶ τοῖσ Λακεδαιμονίοισ ἀχθόμενοσ ὅτι τῷ Νικίᾳ προσέκειντο καὶ προσεῖχον, αὐτὸν δ’ ὑπερεώρων καὶ κατεφρόνουν, ἐν ἀρχῇ μὲν εὐθὺσ ὑπεναντιωθεὶσ τῇ εἰρήνῃ καὶ ἀντιστὰσ οὐδὲν ἐπέραινεν, ὀλίγῳ δ’ ὕστερον ὁρῶν οὐκ ἔτι τοῖσ Ἀθηναίοισ ὁμοίωσ ἀρέσκοντασ τοὺσ Λακεδαιμονίουσ, ἀλλ’ ἀδικεῖν δοκοῦντασ ὅτι Βοιωτοῖσ ἔθεντο συμμαχίαν καὶ Πάνακτον ἑστῶσαν οὐ παρέδωκαν οὐδ’ Ἀμφίπολιν, ἐπεφύετο ταῖσ αἰτίαισ καὶ παρώξυνε τὸν δῆμον ἐφ’ ἑκάστῃ.

τέλοσ δὲ πρεσβείαν μεταπεμψάμενοσ Ἀργείων ἔπραττε συμμαχίαν πρὸσ τοὺσ Ἀθηναίουσ.

ἐπεὶ δὲ πρέσβεισ ἐλθόντεσ ἐκ Λακεδαίμονοσ αὐτοκράτορεσ καὶ τῇ βουλῇ προεντυγχάνοντεσ ἔδοξαν ἐπὶ πᾶσιν ἥκειν τοῖσ δικαίοισ, δείσασ ὁ Ἀλκιβιάδησ μὴ καὶ τὸν δῆμον ἀπὸ τῶν αὐτῶν λόγων ἐπαγάγωνται, περιῆλθεν αὐτοὺσ δι’ ἀπάτησ καὶ ὁρ́κων ὡσ ἅπαντα συμπράξων, ἂν μὴ φῶσι μηδ’ ὁμολογήσωσιν ἥκειν αὐτοκράτορεσ· μάλιστα γὰρ οὕτωσ ἃ βούλονται γενήσεσθαι. πεισθέντων δὲ καὶ μεταστάντων ἀπὸ τοῦ Νικίου πρὸσ ἐκεῖνον, ἐμβαλὼν αὐτοὺσ εἰσ τὸν δῆμον ἠρώτα πρῶτον εἰ περὶ πάντων ἥκουσιν αὐτοκράτορεσ·

ὡσ δ’ ἠρνοῦντο, παρ’ ἐλπίδασ μεταβαλόμενοσ τήν τε βουλὴν ἐπεκαλεῖτο μάρτυρα τῶν λόγων, καὶ τὸν δῆμον ἐκέλευε μὴ προσέχειν μηδὲ πιστεύειν οὕτω περιφανῶσ ψευδομένοισ καὶ νῦν μὲν ταῦτα, νῦν δὲ τἀναντία περὶ τῶν αὐτῶν λέγουσι. θορυβουμένων δ’, ὡσ εἰκόσ, αὐτῶν, καὶ τοῦ Νικίου μηδὲν ἔχοντοσ εἰπεῖν, ἀλλ’ ἄχει καὶ θαύματι πεπληγότοσ, ὁ μὲν δῆμοσ εὐθὺσ ὡρ́μητο τοὺσ Ἀργείουσ καλεῖν καὶ ποιεῖσθαι συμμάχουσ, ἐβοήθησε δὲ τῷ Νικίᾳ σεισμόσ τισ διὰ μέσου γενόμενοσ καὶ διαλύσασ τὴν ἐκκλησίαν.

τῇ δ’ ὑστεραίᾳ πάλιν τοῦ δήμου συνελθόντοσ πολλὰ ποιήσασ καὶ εἰπὼν ἔπεισε μόλισ ἐπισχεῖν τὰ πρὸσ Ἀργείουσ, αὐτὸν δὲ πέμψαι πρὸσ Λακεδαιμονίουσ, ὡσ πάντων καλῶσ γενησομένων. ἐλθὼν δ’ εἰσ Σπάρτην τἆλλα μὲν ὡσ ἀνὴρ ἀγαθὸσ καὶ πρόθυμοσ εἰσ αὐτοὺσ ἐτιμήθη, πράξασ δ’ οὐδέν, ἀλλὰ κρατηθεὶσ ὑπὸ τῶν βοιωτιαζόντων ἐπανῆλθεν, οὐ μόνον ἀδοξῶν καὶ κακῶσ ἀκούων, ἀλλὰ καὶ δεδιὼσ τοὺσ Ἀθηναίουσ λυπουμένουσ καὶ ἀγανακτοῦντασ ὅτι πεισθέντεσ ὑπ’ ἐκείνου τοσούτουσ καὶ τοιούτουσ ἄνδρασ ἀπέδωκαν·

οἱ γὰρ ἐκ Πύλου κομισθέντεσ ἦσαν ἐξ οἴκων τε πρώτων τῆσ Σπάρτησ, καὶ φίλουσ καὶ συγγενεῖσ τοὺσ δυνατωτάτουσ ἔχοντεσ. οὐ μὴν ἔπραξάν τι τραχύτερον ὀργῇ πρὸσ ἐκεῖνον, ἀλλὰ τὸν Ἀλκιβιάδην στρατηγὸν εἵλοντο, καὶ Μαντινεῖσ καὶ Ἠλείουσ Λακεδαιμονίων ἀποστάντασ ἐποιήσαντο συμμάχουσ μετ’ Ἀργείων, καὶ λῃστὰσ εἰσ Πύλον ἔπεμψαν κακουργεῖν τὴν Λακωνικήν·

ἐξ ὧν αὖθισ εἰσ πόλεμον κατέστησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Νικίας, chapter 10

(플루타르코스, Νικίας, chapter 10)

상위

목록

SEARCH

MENU NAVIGATION