헬라어 문장 검색 - Πλυταρ́Νιξιασ́08́

(플루타르코스, Νικίας, chapter 8)

οὐ μὴν ἀλλὰ καὶ τότε τύχῃ χρησάμενοσ ἀγαθῇ καὶ στρατηγήσασ ἄριστα μετὰ Δημοσθένουσ, ἐντὸσ οὗ προεῖπε χρόνου τῶν Σπαρτιατῶν ὅσοι μὴ κατὰ μάχην ἔπεσον τὰ ὅπλα παραδόντασ ἤγαγεν αἰχμαλώτουσ. καὶ τοῦτο τῷ Νικίᾳ μεγάλην ἤνεγκεν ἀδοξίαν. οὐ γὰρ ἀσπίδοσ ῥῖψισ, ἀλλ’ αἴσχιόν τι καὶ χεῖρον ἐδόκει τὸ δειλίᾳ τὴν στρατηγίαν ἀποβαλεῖν ἑκουσίωσ, καὶ προέσθαι τῷ ἐχθρῷ τηλικούτου κατορθώματοσ ἀφορμάσ, αὑτὸν ἀποχειροτονήσαντα τῆσ ἀρχῆσ. σκώπτει δ’ αὐτὸν εἰσ ταῦτα πάλιν Ἀριστοφάνησ ἐν μὲν Ὄρνισιν οὕτω πωσ λέγων·

καὶ μὴν μὰ τὸν Δί’ οὐχὶ νυστάζειν γ’ ἔτι ὡρ́α ’στὶν ἡμῖν, οὐδὲ μελλονικιᾶν. ἐν δὲ Γεωργοῖσ ταῦτα γράφων· ἐθέλω γεωργεῖν. εἶτα τίσ σε κωλύει; ὑμεῖσ· ἐπεὶ δίδωμι χιλίασ δραχμάσ, ἐάν με τῶν ἀρχῶν ἀφῆτε. δεχόμεθα· δισχίλιαι γάρ εἰσι σὺν ταῖσ Νικίου. καὶ μέντοι καὶ τὴν πόλιν ἔβλαψεν οὐ μικρὰ τῷ Κλέωνι τοσοῦτον προσγενέσθαι δόξησ ἐάσασ καὶ δυνάμεωσ, ὑφ’ ἧσ εἰσ βαρὺ φρόνημα καὶ θράσοσ ἐμπεσὼν ἀκάθεκτον ἄλλασ τε τῇ πόλει προσετρίψατο συμφοράσ, ὧν οὐχ ἥκιστα καὶ αὐτὸσ ἀπέλαυσε, καὶ τὸν ἐπὶ τοῦ βήματοσ κόσμον ἀνελὼν καὶ πρῶτοσ ἐν τῷ δημηγορεῖν ἀνακραγὼν καὶ περισπάσασ τὸ ἱμάτιον καὶ τὸν μηρὸν πατάξασ καὶ δρόμῳ μετὰ τοῦ λέγειν ἅμα χρησάμενοσ, τὴν ὀλίγον ὕστερον ἅπαντα τὰ πράγματα συγχέασαν εὐχέρειαν καὶ ὀλιγωρίαν τοῦ πρέποντοσ ἐνεποίησε τοῖσ πολιτευομένοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Νικίας, chapter 8

(플루타르코스, Νικίας, chapter 8)

상위

목록

SEARCH

MENU NAVIGATION