Plutarch, De fraterno amore, section 18 6:

ἢ γὰρ μάτην καὶ πρὸσ οὐθὲν ἡ φύσισ ἡμῖν ἔδωκε πραότητα καὶ μετριοπαθείασ ἔκγονον ἀνεξικακίαν, ἢ μάλιστα χρηστέον τούτοισ πρὸσ συγγενεῖσ καὶ οἰκείουσ. οὐχ ἧττον δὲ τοῦ διδόναι συγγνώμην ἁμαρτοῦσι τὸ αἰτεῖσθαι καὶ λαμβάνειν αὐτοὺσ ἁμαρτόντασ εὔνοιαν ἐμφαίνει καὶ φιλοστοργίαν. ὅθεν ὀργιζομένων τε δεῖ μὴ ἀμελεῖν καὶ παραιτουμένοισ μὴ ἀντιτείνειν, ἀλλὰ καὶ φθάνειν πολλάκισ ἁμαρτόντασ αὐτοὺσ τῇ παραιτήσει τὴν ὀργὴν ἀδικηθέντασ τε πάλιν αὖ τῇ συγγνώμῃ τὴν παραίτησιν.