헬라어 문장 검색 - Πλυταρ́Δεφρατέ21́

(플루타르코스, De fraterno amore, section 21)

ἐπιμέλεια δὲ καλὴ μὲν αὐτῶν τῶν ἀδελφῶν, ἔτι δὲ καλλίων πενθεροῖσ καὶ γαμβροῖσ τοῖσ ἐκείνων εὔνουν ἀεὶ παρέχειν εἰσ ἅπαντα καὶ πρόθυμον ἑαυτόν, οἰκέτασ τε φιλοδεσπότουσ ἀσπάζεσθαι καὶ φιλοφρονεῖσθαι, καὶ χάριν ἔχειν ἰατροῖσ θεραπεύσασιν αὐτοὺσ καὶ φίλοισ πιστοῖσ καὶ προθύμωσ συνδιενεγκοῦσιν ἀποδημίαν ἢ στρατείαν· γυναῖκα δ’ ἀδελφοῦ γαμετὴν ὡσ ἁπάντων ἱερῶν ἁγιώτατον προσορῶντα καὶ σεβόμενον, τιμῶντα μὲν τὸν ἄνδρα κατευφημεῖν, ἀμελουμένῃ δὲ συναγανακτεῖν, χαλεπαίνουσαν δὲ πραΰνειν· ἂν δ’ ἁμάρτῃ τι τῶν μετρίων, συνδιαλλάττειν καὶ συμπαρακαλεῖν τὸν ἄνδρα· κἂν αὐτῷ τισ ἰδίᾳ γένηται διαφορὰ πρὸσ τὸν ἀδελφόν, αἰτιᾶσθαι παρ’ ἐκείνῃ καὶ διαλύεσθαι τὴν μέμψιν. ἀγαμίαν δ’ ἀδελφοῦ καὶ ἀπαιδίαν μάλιστα δυσχεραίνειν καὶ παρακαλοῦντα καὶ λοιδοροῦντα συνελαύνειν πανταχόθεν εἰσ γάμον καὶ συνειργνύναι νομίμοισ κηδεύμασι· κτησαμένου δὲ παῖδασ ἐμφανέστερον χρῆσθαι τῇ τε πρὸσ αὐτὸν εὐνοίᾳ καὶ τῇ πρὸσ τὴν γυναῖκα τιμῇ· τοῖσ δὲ παισὶν εὔνουν μὲν ὥσπερ ἰδίοισ, ἤπιον δὲ μᾶλλον εἶναι καὶ μειλίχιον, ὅπωσ ἁμαρτάνοντεσ οἱᾶ νέοι μὴ δραπετεύωσι μηδὲ καταδύωνται διὰ φόβον πατρὸσ ἢ μητρὸσ εἰσ ὁμιλίασ φαύλασ καὶ ὀλιγώρουσ, ἀλλ’ ἀποστροφὴν καὶ καταφυγὴν ἅμα νουθετοῦσαν εὐνοίᾳ καὶ παραιτουμένην ἔχωσιν. οὕτω καὶ Πλάτων ἀδελφιδοῦν ὄντα Σπεύσιππον ἐκ πολλῆσ ἀνέσεωσ καὶ ἀκολασίασ ἐπέστρεψεν, οὐδὲν οὔτ’ εἰπὼν ἀνιαρὸν οὔτε ποιήσασ πρὸσ αὐτόν, ἀλλὰ φεύγοντι τοὺσ γονεῖσ ἐλέγχοντασ ἀεὶ καὶ λοιδοροῦντασ ἐνδιδοὺσ ἑαυτὸν εὐμενῆ καὶ ἀμήνιτον, αἰδῶ τε πολλὴν ἐνειργάσατο καὶ ζῆλον ἑαυτοῦ καὶ φιλοσοφίασ.

καίτοι πολλοὶ τῶν φίλων ἐνεκάλουν ὡσ μὴ νουθετοῦντι τὸ μειράκιον ὁ δὲ καὶ πάνυ νουθετεῖν ἔλεγε, τῷ βίῳ καὶ τῇ διαίτῃ τῆσ πρὸσ τὰ αἰσχρὰ τῶν καλῶν διαφορᾶσ παρέχων κατανόησιν.

Ἀλεύαν δὲ τὸν Θεσσαλὸν ὁ μὲν πατὴρ ἀγέρωχον ὄντα καὶ ὑβριστὴν ἐκόλουε καὶ χαλεπὸσ ἦν, ὁ δὲ θεῖοσ ἀνελάμβανε καὶ προσήγετο· πεμπόντων δὲ τῶν Θεσσαλῶν φρυκτοὺσ περὶ βασιλέωσ πρὸσ τὸν θεὸν εἰσ Δελφοὺσ ἐνέβαλε κρύφα τοῦ πατρὸσ ὁ θεῖοσ ὑπὲρ τοῦ Ἀλεύα· καὶ τῆσ Πυθίασ τοῦτον ἀνελούσησ ὅ τε πατὴρ ἀπέφησεν ἐμβεβληκέναι τὸν φρυκτὸν ὑπὲρ αὐτοῦ, καὶ πᾶσιν ἐδόκει πλάνη τισ ἐν ταῖσ καταγραφαῖσ τῶν ὀνομάτων γεγονέναι.

διὸ καὶ πέμψαντεσ αὖθισ ἐπανήροντο τὸν θεὸν ἡ δὲ Πυθία καθάπερ ἐκβεβαιουμένη τὴν προτέραν ἀναγόρευσιν εἶπε τὸν πυρρὸν τοί φημι, τὸν Ἀρχεδίκη τέκε παῖδα. καὶ τοῦτον τὸν τρόπον ὁ Ἀλεύασ ὑπὸ ’ τοῦ θεοῦ βασιλεὺσ διὰ τὸν τοῦ πατρὸσ ἀδελφὸν ἀποδειχθεὶσ αὐτόσ τε πολὺ πάντων ἐπρώτευσε τῶν πρὸ αὐτοῦ καὶ τὸ ἔθνοσ εἰσ δόξαν προήγαγε μεγάλην καὶ δύναμιν. ἀλλὰ μὴν εὐπραξίαισ τε καὶ τιμαῖσ καὶ ἀρχαῖσ παίδων ἀδελφοῦ χαίροντα καὶ σεμνυνόμενον αὔξειν προσήκει καὶ συνεξορμᾶν πρὸσ τὰ καλὰ καὶ κατορθοῦντασ ἀφειδῶσ ἐπαινεῖν·

αὑτοῦ γὰρ υἱὸν ἐπαχθὲσ ἴσωσ ἐγκωμιάζειν, ἀδελφοῦ δὲ σεμνὸν καὶ οὐ φίλαυτον ἀλλὰ φιλόκαλον καὶ θεῖον ὡσ ἀληθῶσ· δοκεῖ γάρ μοι καὶ τοὔνομα καλῶσ ὑφηγεῖσθαι πρὸσ εὔνοιαν ἀδελφιδῶν καὶ ἀγάπησιν. δεῖ δὲ καὶ τὰ τῶν κρειττόνων ζηλοῦν. Ἡρακλῆσ τε γὰρ δυεῖν δέοντασ ἑβδομήκοντα γεννήσασ παῖδασ, οὐδενὸσ ἧττον αὐτῶν τὸν ἀδελφιδοῦν ἠγάπησεν ἀλλὰ καὶ νῦν πολλαχοῦ σύμβωμόσ ἐστιν Ιὄλαοσ αὐτῷ, καὶ συγκατεύχονται παραστάτην Ἡρακλέουσ ὀνομάζοντεσ· ·

Ἰφικλέουσ δὲ τοῦ ἀδελφοῦ πεσόντοσ ἐν τῇ περὶ Λακεδαίμονα, μάχῃ, περίλυποσ γενόμενοσ πᾶσαν ἐξέλιπε Πελοπόννησον. ἥ τε Λευκοθέα τῆσ ἀδελφῆσ ἀποθανούσησ ἔθρεψε τὸ βρέφοσ καὶ συνεξεθείασεν ὅθεν αἱ Ῥωμαίων γυναῖκεσ ἐν ταῖσ τῆσ Λευκοθέασ ἑορταῖσ, ἣν Ματοῦταν ὀνομάζουσιν, οὐ τοὺσ ἑαυτῶν παῖδασ ἀλλὰ τοὺσ τῶν ἀδελφῶν ἐναγκαλίζονται καὶ τιμῶσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De fraterno amore, section 21

(플루타르코스, De fraterno amore, section 21)

상위

목록

SEARCH

MENU NAVIGATION