헬라어 문장 검색 - Πλυταρ́Δεφρατέ20́

(플루타르코스, De fraterno amore, section 20)

οὐχ ἥκιστα δ’ ἄν τισ ἀδελφοῖσ τοῦτο παραινέσειεν. αἱ γὰρ ἰδίᾳ καὶ χωρὶσ ὁμιλίαι καὶ συνήθειαι πρὸσ ἄλλουσ ἀποστρέφουσι καὶ ἀπάγουσιν ἀπ’ ἀλλήλων τῷ γάρ φιλεῖν ἑτέρουσ εὐθὺσ ἕπεται τὸ χαίρειν ἑτέροισ καὶ ζηλοῦν ἑτέρουσ καὶ ἄγεσθαι ὑφ’ ἑτέρων. ἠθοποιοῦσι γὰρ αἱ φιλίαι, καὶ μεῖζον οὐθέν ἐστιν ἠθῶν διαφορᾶσ σημεῖον ἢ φίλων αἱρέσεισ διαφερόντων . ὅθεν οὔτε τὸ συνεσθίειν ἀδελφῷ καὶ συμπίνειν οὔτε τὸ συμπαίζειν καὶ συνδιημερεύειν οὕτω συνεκτικόν ἐστιν ὁμονοίασ, ὡσ τὸ συμφιλεῖν καὶ συνεχθραίνειν ἥδεσθαι τε τοῖσ αὐτοῖσ συνόντα καὶ πάλιν βδελύττεσθαι καὶ φεύγειν. οὐδὲ γὰρ διαβολὰσ αἱ κοιναὶ φιλίαι φέρουσιν οὐδὲ συγκρούσεισ· ἀλλὰ κἂν γένηταί τισ ὀργὴ καὶ μέμψισ, ἐκλύεται διὰ μέσον τῶν φίλων ἐκδεχομένων καὶ διασκεδαννύντων ἄνπερ ἀμφοτέροισ οἰκείωσ ἔχωσι καὶ πρὸσ ἀμφοτέρουσ ὁμοῦ τῇ εὐνοίᾳ συννεύωσιν. ὡσ γὰρ ὁ κασσίτεροσ ῥαγέντα τὸν χαλκὸν συναρμόττει καὶ συγκεράννυσι τῷ ψαύειν ἑκατέρου πέρατοσ οἰκείωσ ὁμοπαθὴσ γινόμενοσ, οὕτω δεῖ τὸν φίλον εὐάρμοστον ὄντα καὶ κοινὸν ἀμφοτέροισ τοῖσ ἀδελφοῖσ προσκαταπυκνοῦν τὴν εὔνοιαν·

οἱ δ’ ἄνισοι καὶ ἄμικτοι καθάπερ ἐν διαγράμματι μουσικῷ φθόγγοι διάζευξιν οὐ συναφὴν ποιοῦσιν. ἔστιν οὖν διαπορῆσαι πότερον ὀρθῶσ ἢ τοὐναντίον ὁ Ἡσίοδοσ εἶπε μηδὲ κασιγνήτῳ ἶσον ποιεῖσθαι ἑταῖρον ὁ μὲν γάρ εὐγνώμων καὶ κοινόσ, ὥσπερ εἴρηται, μᾶλλον ἐγκραθεὶσ δι’ ἀμφοτέρων σύνδεσμοσ ἔσται τῆσ φιλαδελφίασ ὁ δ’ Ἡσίοδοσ, ὡσ ἐοίκεν, ἐφοβήθη τοὺσ πολλοὺσ καὶ φαύλουσ διὰ τὸ δύσζηλον καὶ φίλαυτον. ὅ δὴ καλῶσ ἔχει φυλαττομένουσ, κἂν εὔνοιαν ἴσην φίλῳ νέμῃ τισ, ἀεὶ τὰ πρωτεῖα τἀδελφῷ φυλάττειν ἐν ἀρχαῖσ καὶ πολιτείαισ ἔν τε κλήσεσι καὶ γνωρίσεσιν ἡγεμόνων καὶ ὅσα τοῖσ πολλοῖσ ἐπιφανῆ καὶ πρὸσ δόξαν ἐστί, τὸ προσῆκον ἀξίωμα τῇ φύσει καὶ γέρασ ἀποδιδόντασ.

οὐ γάρ οὕτωσ τῷ φίλῳ τὸ πλέον ἐν τούτοισ σεμνόν, ὡσ ἀδελφῷ τοὔλαττον αἰσχρὸν γίνεται καὶ ἄδοξον. ἀλλὰ περὶ ταύτησ μὲν ἑτέρωθι τῆσ γνώμησ γέγραπται τὰ δοκοῦντα διὰ πλειόνων τὸ δὲ Μενάνδρειον ὀρθῶσ ἔχον, ὡσ οὐδεὶσ ἀγαπῶν αὐτὸσ ἀμελεῖθ’ ἡδέωσ, ὑπομιμνήσκει καὶ διδάσκει τῶν ἀδελφῶν ἐπιμελεῖσθαι καὶ μὴ τῇ φύσει πιστεύοντασ ὀλιγωρεῖν. καὶ γὰρ ἵπποσ τῇ φύσει φιλάνθρωπον καὶ κύων φιλοδέσποτον, ἀλλὰ μὴ τυγχάνοντα θεραπείασ μηδ’ ἐπιμελείασ ἀπόστοργα γίνεται καὶ ἀλλότρια· καὶ τὸ σῶμα τῆσ ψυχῆσ συγγενέστατόν ἐστιν, ἀμελούμενον δὲ καὶ παρορώμενον ὑπ’ αὐτῆσ οὐκ ἐθέλει συνεργεῖν ἀλλὰ λυμαίνεται καὶ προλείπει τὰσ πράξεισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De fraterno amore, section 20

(플루타르코스, De fraterno amore, section 20)

상위

목록

SEARCH

MENU NAVIGATION