헬라어 문장 검색 - Πλυταρ́Δεφρατέ16́

(플루타르코스, De fraterno amore, section 16)

"ὁ ἀδελφὸσ ἄγει καὶ φέρει πάντα καὶ θαυμάζεται καὶ θεραπεύεται, σοὶ δ’ οὐδεὶσ πρόσεισιν οὐδ’ ἔχεισ σεμνὸν οὐδέν. "ἀδελφὸν εὐδοκιμοῦντα καὶ μέτεστί μοι τῆσ ἐκείνου δυνάμεωσ τὸ πλεῖστον. ὁ μὲν γὰρ Σωκράτησ ἔλεγε βούλεσθαι Δαρεῖον ἔχειν μᾶλλον φίλον ἢ δαρεικόν, ἀδελφῷ δὲ νοῦν ἔχοντι καὶ πλούτου καὶ ἀρχῆσ καὶ λογιότητοσ οὐκ ἔλαττον ἀγαθόν ἐστιν ἄρχων ἀδελφὸσ ἢ πλουτῶν ἢ λόγου δυνάμει προήκων εἰσ δόξαν. ἀλλὰ ταύτασ μὲν οὕτω μάλιστα τὰσ ἀνωμαλίασ παρηγορητέον· ἕτεραι δ’ εὐθὺσ ἐγγίνονται διαφοραὶ περὶ τὰσ ἡλικίασ ἀπαιδεύτοισ ἀδελφοῖσ.

ἐπιεικῶσ γὰρ οἵ τε πρεσβύτεροι τῶν νεωτέρων ἄρχειν ἀξιοῦντεσ ἀεὶ καὶ προΐστασθαι καὶ πλέον ἔχειν ἐν παντὶ δόξησ καὶ δυνάμεωσ βαρεῖσ εἰσι καὶ ἀηδεῖσ, · οἵ τε νεώτεροι πάλιν ἀφηνιάζοντεσ καὶ θρασυνόμενοι καταφρονεῖν καὶ ὀλιγωρεῖν ἀσκοῦσιν. ἐκ δὲ τούτων οἱ μὲν ὡσ φθονούμενοι καὶ κολουόμενοι φεύγουσι καὶ δυσχεραίνουσι τὰσ νουθεσίασ, οἱ δ’ ἀεὶ τῆσ ὑπεροχῆσ γλιχόμενοι φοβοῦνται τὴν ἐκείνων αὔξησιν ὡσ αὑτῶν κατάλυσιν. ὥσπερ οὖν ἐπὶ τῆσ χάριτοσ ἀξιοῦσι μείζονα τοὺσ λαμβάνοντασ ἡγεῖσθαι μικροτέραν δὲ τοὺσ διδόντασ, οὕτωσ ἄν τισ, τὸν χρόνον παραινῶν τῷ μὲν πρεσβυτέρῳ μὴ μέγαν νομίζειν τῷ δὲ νεωτέρῳ μὴ μικρόν, ὑπεροψίασ καὶ ἀμελείασ καὶ τοῦ καταφρονεῖσθαι καὶ καταφρονεῖν ἀμφοτέρουσ ἀπαλλάξειεν.

ἐπεὶ δὲ τῷ μὲν πρεσβυτέρῳ τὸ κήδεσθαι καὶ καθηγεῖσθαι καὶ νουθετεῖν προσῆκόν ἐστι, τῷ δὲ νεωτέρῳ τὸ τιμᾶν καὶ ζηλοῦν καὶ ἀκολουθεῖν, ἡ μὲν ἐκείνου κηδεμονία τὸ ἑταιρικὸν μᾶλλον ἢ τὸ πατρικὸν ἐχέτω καὶ τὸ πεῖθον ἢ τὸ ἐπιτάττον καὶ τὸ χαῖρον ἐπὶ τοῖσ κατορθώμασι καὶ κατευφημοῦν τοῦ ψέγοντοσ ἂν ἁμάρτῃ καὶ κολούοντοσ, μὴ μόνον προθυμότερον ὂν ἀλλὰ καὶ φιλανθρωπότερον, τῷ δὲ τοῦ νεωτέρου ζήλῳ τὸ μιμούμενον ἐνέστω μὴ τὸ ἁμιλλώμενον θαυμάζοντοσ γὰρ ἡ μίμησισ, ἡ δ’ ἅμιλλα φθονοῦντόσ ἐστι. διὸ τοὺσ μὲν ἐξομοιοῦσθαι βουλομένουσ ἀγαπῶσι τοὺσ δ’ ἐξισοῦσθαι πιέζουσι καὶ χαλέπτουσιν.

ἐν πολλαῖσ δὲ τιμαῖσ ἃσ πρέπει παρὰ τῶν νέων ἀποδίδοσθαι τοῖσ πρεσβυτέροισ τὸ πειθαρχεῖν εὐδοκιμεῖ μάλιστα καὶ κατεργάζεται μετ’ αἰδοῦσ εὔνοιαν ἰσχυρὰν καὶ χάριν ἀνθυπείκουσαν. ᾗ καὶ Κάτων, τὸν Καιπίωνα πρεσβύτερον ὄντα θεραπεύων εὐθὺσ ἐκ παίδων εὐπειθείᾳ καὶ πραότητι καὶ σιωπῇ, τέλοσ οὕτωσ ἐπ’ ἀνδράσιν ἐχειρώσατο καὶ τοσαύτησ ἐνέπλησεν αἰδοῦσ πρὸσ ἑαυτόν, ὡσ μήτε πρᾶξαί τι μήτ’ εἰπεῖν ἀγνοοῦντοσ ἐκείνου.

μνημονεύεται γοῦν, ὅτι μαρτυρίασ ποτὲ γραμματεῖον ἐπισφραγισαμένου τοῦ Καιπίωνοσ ὁ Κάτων ὕστεροσ ἐπελθὼν οὐκ ἠθέλησεν ἐπισφραγίσασθαι, καὶ ὁ Καιπίων ἀπαιτήσασ τὸ γραμματεῖον ἀφεῖλε τὴν αὑτοῦ σφραγῖδα πρὶν ἢ πυθέσθαι τί παθὼν ὁ ἀδελφὸσ οὐκ ἐπίστευσεν ἀλλ’ ὑπείδετο τὴν μαρτυρίαν. φαίνεται δὲ πολλὴ καὶ πρὸσ Ἐπίκουρον αἰδὼσ τῶν ἀδελφῶν δι’ εὔνοιαν αὐτοῦ καὶ κηδεμονίαν εἴσ τε τἄλλα καὶ φιλοσοφίαν τὴν ἐκείνου συνενθουσιώντων·

καὶ γὰρ εἰ διημάρτανον δόξησ εὐθὺσ ἐκ παίδων πεπεισμένοι καὶ λέγοντεσ ὡσ οὐδεὶσ γέγονεν Ἐπικούρου σοφώτεροσ, ἄξιόν ἐστι θαυμάζειν καὶ τοῦ διαθέντοσ οὕτωσ καὶ τῶν διατεθέντων. οὐ μὴν ἀλλὰ καὶ τῶν νεωτέρων φιλοσόφων Ἀπολλώνιοσ ὁ περιπατητικὸσ ἤλεγξε τὸν εἰπόντα δόξαν ἀκοινώνητον εἶναι, Σωτίωνα νεώτερον ἀδελφὸν αὑτοῦ ποιήσασ ἐνδοξότερον. γεγονότων, ἡ Τίμωνοσ εὔνοια τἀδελφοῦ πρὸσ ἅπαντα τἄλλα καὶ γέγονε καὶ ἔστιν, οὐδεὶσ ἀγνοεῖ τῶν ὁπωσοῦν ἐντετυχηκότων ἡμῖν, ἥκιστα δ’ ὑμεῖσ οἱ συνήθεισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De fraterno amore, section 16

(플루타르코스, De fraterno amore, section 16)

상위

목록

SEARCH

MENU NAVIGATION