헬라어 문장 검색 - Πλυταρ́Δεφρατέ17́

(플루타르코스, De fraterno amore, section 17)

ἕτερα τοίνυν ταῖσ παραλλήλοισ καὶ σύνεγγυσ ἡλικίαισ ἀδελφῶν φυλακτέον ἐστὶ πάθη, μικρὰ μὲν συνεχῆ δὲ καὶ πολλὰ καὶ πονηρὰν ποιοῦντα τοῦ λυπεῖν καὶ παροξύνειν ἑαυτοὺσ ἐπὶ πᾶσι μελέτην, τελευτῶσαν εἰσ ἀνήκεστα μίση καὶ κακοθυμίασ. ἀρξάμενοι γὰρ ἐπὶ παιδιαῖσ διαφέρεσθαι, περὶ τροφὰσ ζῴων καὶ ἀγῶνασ οἱο͂ν ὀρτύγων ἢ ἀλεκτρυόνων, εἶτα παίδων ἐν παλαίστραισ καὶ κυνῶν ἐν θήραισ καὶ ἵππων ἐν ἁμίλλαισ, οὐκέτι κρατεῖν ἐν τοῖσ μείζοσιν οὐδὲ καταπαύειν τὸ φιλόνεικον δύνανται καὶ φιλότιμον. ὥσπερ Ἑλλήνων οἱ καθ’ ἡμᾶσ δυνατώτατοι περὶ σπουδὰσ ὀρχηστῶν εἶτα κιθαρῳδῶν διαστάντεσ, ἐκ τούτου τὰσ ἐν Αἰδηψῷ κολυμβήθρασ καὶ παστάδασ καὶ ἀνδρῶνασ ἀντιπαραβάλλοντεσ ἀεὶ καὶ τοπομαχοῦντεσ καὶ ἀποκόπτοντεσ ὀχετοὺσ καὶ ἀποστρέφοντεσ, οὕτωσ ἐξηγριώθησαν καὶ διεφθάρησαν, ὥστε πάντων ἀφαιρεθέντεσ ὑπὸ τοῦ τυράννου καὶ φυγάδεσ καὶ πένητεσ καὶ ὀλίγου δέω λέγειν ἕτεροι τῶν πρότερον γενόμ ενοι μόνῳ διέμειναν οἱ αὐτοὶ τῷ μισεῖν ἀλλήλουσ. ὅθεν οὐχ ἥκιστα δεῖ περὶ τὰ μικρὰ καὶ πρῶτα παραδυομένῃ τῇ πρὸσ τοὺσ ἀδελφοὺσ φιλονεικίᾳ καὶ ζηλοτυπίᾳ διαμάχεσθαι, μελετῶντασ ἀνθυπείκειν καὶ ἡττᾶσθαι καὶ χαίρειν τῷ χαρίζεσθαι μᾶλλον αὐτοῖσ ἢ τῷ νικᾶν.

οὐ γὰρ ἑτέραν οἱ παλαιοὶ Καδμείαν νίκην ἀλλὰ τὴν περὶ Θήβασ τῶν ἀδελφῶν ὡσ αἰσχίστην καὶ κακίστην προσηγόρευσαν. τί οὖν; οὐχὶ πολλὰσ τὰ πράγματα καὶ τοῖσ ἐπιεικῶσ ἔχειν δοκοῦσι καὶ πράωσ φέρει προφάσεισ ἀντιλογιῶν καὶ διαφορῶν; καὶ μάλα·

ἀλλὰ κἀκεῖ φυλακτέον, ὅπωσ τὰ πράγματα μάχηται καθ’ αὑτά, μηδὲν ἐκ φιλονεικίασ μηδ’ ὀργῆσ πάθοσ οἱο͂ν ἄγκιστρον προσθέντασ, ἀλλ’ ὥσπερ ἐπὶ ζυγοῦ τοῦ δικαίου τὴν ῥοπὴν κοινῶσ ἀποθεωροῦντασ καὶ τάχιστα ταῖσ κρίσεσι καὶ ταῖσ διαίταισ τὴν ἀμφιλογίαν παραδιδόντασ ἀποκαθῆραι, πρὶν ἐνδῦσαν ὥσπερ βαφὴν ἢ κηλῖδα δευσοποιὸν γενέσθαι καὶ δυσέκπλυτον εἶτα μιμεῖσθαι τοὺσ Πυθαγορικούσ, οἳ γένει μηθὲν προσήκοντεσ ἀλλὰ κοινοῦ λόγου μετέχοντεσ, εἴ ποτε προαχθεῖεν εἰσ λοιδορίαν ὑπ’ ὀργῆσ, πρὶν ἢ τὸν ἥλιον δῦναι τὰσ δεξιὰσ ἐμβαλόντεσ ἀλλήλοισ καὶ ἀσπασάμενοι διελύοντο. καθάπερ γάρ ἐπὶ βουβῶνι πυρετοῦ γενομένου δεινὸν οὐθέν ἐστιν, ἂν δὲ παυσαμένου παραμένῃ, νόσοσ εἶναι δοκεῖ καὶ βαθυτέραν ἔχειν ἀρχήν, οὕτωσ ἀδελφῶν ἡ μετὰ τὸ πρᾶγμα παυομένη διαφορὰ τοῦ πράγματόσ ἐστι, τῆσ δ’ ἐπιμενούσησ πρόφασισ ἦν τὸ πρᾶγμα μοχθηράν τινα καὶ ὕπουλον αἰτίαν ἔχον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De fraterno amore, section 17

(플루타르코스, De fraterno amore, section 17)

상위

목록

SEARCH

MENU NAVIGATION