헬라어 문장 검색 - Πλυταρ́Δεφρατέ15́

(플루타르코스, De fraterno amore, section 15)

αὐτόν, ἀλλ’, ὥσπερ τῶν ἀριθμῶν οἱ ἐλάττονεσ τοὺσ μείζονασ πολλαπλασιάζοντεσ καὶ πολλαπλασιαζόμενοι, συναύξειν ἅμα καὶ συναύξεσθαι τοῖσ ἀγαθοῖσ. οὐδὲ γὰρ τῶν δακτύλων ἔλαττον ἔχει τοῦ γράφοντοσ ἢ ψάλλοντοσ ὁ μὴ δυνάμενοσ τοῦτο ποιεῖν μηδὲ πεφυκώσ, ἀλλὰ συγκινοῦνται καὶ συνεργοῦσιν ἅπαντεσ ἁμωσγέπωσ ἀλλήλοισ, ὥσπερ ἐπίτηδεσ ἄνισοι γεγονότεσ καὶ τὸ συλληπτικὸν ἐξ ἀντιθέσεωσ πρὸσ τὸν μέγιστον καὶ ῥωμαλεώτατον ἔχοντεσ. οὕτω καὶ Κρατερὸσ Ἀντιγόνου βασιλεύοντοσ ἀδελφὸσ ὢν καὶ Κασάνδρου Περίλαοσ ἐπὶ τὸ στρατηγεῖν καὶ οἰκουρεῖν ἔταττον αὑτούσ·

Ἀντίοχοι δὲ καὶ Σέλευκοι καὶ πάλιν Γρυποὶ καὶ Κυζικηνοὶ τὰ δεύτερα λέγειν οὐ μαθόντεσ ἀδελφοῖσ ἀλλὰ πορφύρασ καὶ διαδήματοσ ὀρεγόμενοι, πολλῶν μὲν αὑτοὺσ κακῶν καὶ ἀλλήλουσ, πολλῶν δὲ τὴν Ἀσίαν ἐνέπλησαν. ἐπεὶ δὲ τοῖσ φιλοτίμοισ μάλιστα τῶν ἠθῶν ἐμφύονται φθόνοι καὶ ζηλοτυπίαι πρὸσ τοὺσ πλέον ἔχοντασ ἐν δόξῃ καὶ τιμῇ, χρησιμώτατόν ἐστι πρὸσ τοῦτο τοῖσ ἀδελφοῖσ τὸ μὴ κτᾶσθαι μήτε τὰσ τιμὰσ μήτε τὰσ δυνάμεισ ἀπὸ τῶν αὐτῶν, ἀλλ’ ἕτερον ἀφ’ ἑτέρου. καὶ γὰρ τῶν θηρίων πόλεμόσ ἐστι πρὸσ ἄλληλα τοῖσ ἀπὸ τῶν αὐτῶν τρεφομένοισ, καὶ τῶν ἀθλητῶν οἱ πρὸσ ἓν ἄθλημα κάμνοντεσ ἀνταγωνισταί, πύκται δὲ παγκρατιασταῖσ φίλιοι καὶ δολιχοδρόμοι παλαισταῖσ εὐμενεῖσ εἰσι καὶ συναγωνιῶσι καὶ σπουδάζουσιν ὑπὲρ ἀλλήλων.

διὸ καὶ τῶν Τυνδαριδῶν πὺξ μὲν ὁ Πολυδεύκησ ἐνίκα δρόμον δ’ ὁ Κάστωρ. εὖ δὲ καὶ τὸν Τεῦκρον Ὅμηροσ πεποίηκεν ἀπὸ τοξικῆσ εὐδοκιμοῦντα τἀδελφοῦ πρωτεύοντοσ ἐν τοῖσ ὁπλίταισ· ὁ δέ μιν σάκεϊ κρύπτασκε φαεινῷ.

καὶ τῶν πολιτευομένων οἱ στρατηγοῦντεσ τοῖσ δημαγωγοῦσιν οὐ πάνυ φθονοῦσιν, οὐδέ γε τῶν ῥητόρων οἱ δικολόγοι τοῖσ σοφιστεύουσιν οὐδὲ τῶν ἰατρῶν οἱ περὶ δίαιταν τοῖσ χειρουργοῖσ, ἀλλὰ καὶ συμπαραλαμβάνουσι καὶ συνεπιμαρτυροῦσι. τὸ δ’ ἀπὸ τῆσ αὐτῆσ τέχνησ ἢ δυνάμεωσ ζητεῖν ἔνδοξον εἶναι καὶ περίβλεπτον οὐδὲν ἐν ἀδελφοῖσ διαφέρει τοῦ μιᾶσ ἐρῶντασ ἀμφοτέρουσ βούλεσθαι πλέον ἔχειν καὶ μᾶλλον εὐδοκιμεῖν τοῦ ἑτέρου τὸν ἕτερον. οἱ μὲν οὖν καθ’ ἑτέρασ ὁδοὺσ βαδίζοντεσ οὐθὲν ἀλλήλουσ ὠφελοῦσιν, οἱ δὲ βίοισ χρώμενοι διαφόροισ τόν τε φθόνον ἐκτρέπονται καὶ συνεργοῦσιν ἀλλήλοισ μᾶλλον, ὡσ Δημοσθένησ καὶ Χάρησ καὶ πάλιν Αἰσχίνησ καὶ Εὔβουλοσ καὶ Ὑπερείδησ καὶ Λεωσθένησ, οἱ μὲν λέγοντεσ ἐν τῷ δήμῳ καὶ γράφοντεσ, οἱ δὲ στρατηγοῦντεσ καὶ πράττοντεσ. ὅθεν ἀπωτάτω δεῖ ταῖσ ἐπιθυμίαισ τρέπεσθαι καὶ ταῖσ φιλοτιμίαισ τῶν ἀδελφῶν τοὺσ ἀφθόνωσ δόξησ καὶ δυνάμεωσ κοινωνεῖν μὴ πεφυκότασ, ὅπωσ εὐφραίνωσιν εὐημεροῦντεσ ἀλλήλουσ ἀλλὰ μὴ λυπῶσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De fraterno amore, section 15

(플루타르코스, De fraterno amore, section 15)

상위

목록

SEARCH

MENU NAVIGATION