헬라어 문장 검색 - Πλυταρ́Δεφρατέ05́

(플루타르코스, De fraterno amore, section 5)

καὶ τοῦτό γε ῥᾴδιόν ἐστιν ἀπὸ τῶν ἐναντίων καταμαθεῖν. ὅπου γὰρ οἰκότριβα τιμώμενον ὑπὸ μητρὸσ ἢ πατρὸσ υἱοὶ προπηλακίζοντεσ καὶ φυτῶν καὶ χωρίων οἷσ ἔχαιρον ἀμελοῦντεσ ἀνιῶσιν αὐτούσ, καὶ κύων τισ οἰκογενὴσ παρορώμενοσ καὶ ἵπποσ ἅπτεται φιλοστόργων καὶ φιλοτίμων γερόντων, ἄχθονται δὲ τοῖσ παισὶν ἀκροάματα καὶ θεάματα καὶ ἀθλητὰσ οὓσ ἐθαύμαζον αὐτοὶ διασύρουσι καὶ καταφρονοῦσιν ἦπου μετρίωσ ἔχουσιν υἱοῖσ δια φερομένοισ καὶ μισοῦσιν ἀλλήλουσ καὶ κακῶσ λέγουσι καὶ πρὸσ ἔργα καὶ πράξεισ ἀντιταττομένοισ ἀεὶ καὶ καταλυομένοισ ὑπ’ ἀλλήλων; οὐκ ἂν εἴποι τισ. οὐκοῦν τοὐναντίον ἐρῶντεσ ἀλλήλων καὶ φιλοῦντεσ ἀδελφοί, καὶ ὅσον ἡ φύσισ τοῖσ σώμασι διέστησεν, ἐπὶ ταὐτὸ τοῖσ πάθεσι καὶ τοῖσ πράγμασιν ἀποδιδόντεσ, καὶ λόγουσ κοινοὺσ καὶ διατριβὰσ ἅμα καὶ παιδιὰσ μετ’ ἀλλήλων ἔχοντεσ, ἡδεῖαν καὶ μακαρίαν παρεσκευάκασι γηροτρόφον τοῖσ γονεῦσι τὴν φιλαδελφίαν. οὔτε γὰρ φιλόλογοσ πατὴρ οὕτωσ οὔτε φιλότιμοσ οὔτε φιλοχρήματοσ γέγονεν ὡσ φιλότεκνοσ·

διὸ τοὺσ υἱοὺσ οὔτε λέγοντασ οὔτε πλουτοῦντασ οὔτ’ ἄρχοντασ ἡδέωσ οὕτωσ ὡσ φιλοῦντασ ἀλλήλουσ ὁρῶσιν. Ἀπολλωνίδα γοῦν τὴν Κυζικηνήν, Εὐμένουσ δὲ τοῦ βασιλέωσ μητέρα καὶ τριῶν ἄλλων, Ἀττάλου καὶ Φιλεταίρου καὶ Ἀθηναίου, λέγουσι μακαρίζειν ἑαυτὴν ἀεὶ καὶ τοῖσ θεοῖσ χάριν ἔχειν οὐ διὰ τὸν πλοῦτον οὐδὲ διὰ τὴν ἡγεμονίαν, ἀλλ’ ὅτι τοὺσ τρεῖσ υἱοὺσ ἑώρα τὸν πρεσβύτατον δορυφοροῦντασ κἀκεῖνον ἐν μέσοισ αὐτοῖσ δόρατα καὶ ξίφη φοροῦσιν ἀδεῶσ διαιτώμενον. ὥσπερ αὖ τοὐναντίον, Ἀρταξέρξησ αἰσθόμενοσ Ὦχον τὸν υἱὸν ἐπιβεβουλευκότα τοῖσ ἀδελφοῖσ ἀθυμήσασ ἀπέθανε.

χαλεποὶ πόλεμοι γὰρ ἀδελφῶν, ὡσ Εὐριπίδησ εἴρηκεν, ὄντεσ χαλεπώτατοι τοῖσ γονεῦσιν αὐτοῖσ εἰσιν ὁ γὰρ μισῶν τὸν ἀδελφὸν αὑτοῦ καὶ βαρυνόμενοσ οὐ δύναται μὴ τὸν γεννήσαντα μέμφεσθαι καὶ τὴν τεκοῦσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De fraterno amore, section 5

(플루타르코스, De fraterno amore, section 5)

상위

목록

SEARCH

MENU NAVIGATION