헬라어 문장 검색 - Πλυταρ́Δεφρατέ14́

(플루타르코스, De fraterno amore, section 14)

τῷ μὲν οὖν ὑπερέχοντι τοιαῦτά τισ ἂν παραινέσειε· ’ τῷ δὲ λειπομένῳ πάλιν ἐνθυμητέον, ὡσ οὐχ εἷσ οὐδὲ μόνοσ αὐτοῦ πλουσιώτεροσ ἢ λογιώτεροσ ἢ λαμπρότεροσ εἰσ δόξαν ὁ ἀδελφόσ ἐστιν, ἀλλὰ πολλάκισ πολλῶν ἀπολείπεται καὶ μυριάκισ μυρίων, εὐρυεδοῦσ ὅσοι καρπὸν αἰνύμεθα χθονόσ· εἴτε δὴ πᾶσι περινοστεῖ φθονῶν εἴτε μόνοσ αὐτὸν ἐν τοσούτοισ εὐτυχοῦσιν ὁ φίλτατοσ ἀνιᾷ καὶ συγγενέστατοσ, ὑπερβολὴν ἑτέρῳ κακοδαιμονίασ οὐ λέλοιπεν. ὥσπερ οὖν ὁ Μέτελλοσ ᾤετο δεῖν Ῥωμαίουσ τοῖσ θεοῖσ χάριν ἔχειν ὅτι Σκιπίων ἐν ἑτέρᾳ πόλει τοιοῦτοσ ὢν οὐκ ἐγεννήθη, οὕτωσ ἕκαστοσ εὐχέσθω μάλιστα μὲν αὐτὸσ εὐπραξίᾳ διαφέρειν, εἰ δὲ μή, τὸν ἀδελφὸν αὐτοῦ τὴν ζηλουμένην ἔχειν ὑπεροχὴν καὶ δύναμιν. οἱ δ’ οὕτω πεφύκασιν ἀτυχεῖσ πρὸσ τὸ καλόν, ὥστε φίλοισ μὲν ἐνδόξοισ ἀγάλλεσθαι καὶ μέγα φρονεῖν ἂν ξένουσ ἡγεμονικοὺσ καὶ πλουσίουσ ἔχωσι, τὰσ δὲ τῶν ἀδελφῶν λαμπρότητασ αὑτῶν ἀμαυρώσεισ νομίζειν καὶ πατέρων μὲν εὐτυχίαισ ἐπαίρεσθαι καὶ στρατηγίαισ προπάππων λεγομέναισ, ὧν οὐδὲν ἀπέλαυσαν οὐδὲ μετέσχον, ἀδελφῶν δὲ κληρονομίαισ καὶ ἀρχαῖσ καὶ γάμοισ ἐνδόξοισ ἀθυμεῖν καὶ ταπεινοῦσθαι. καίτοι μάλιστα μὲν ἔδει μηδ’ ἄλλῳ φθονεῖν, εἰ δὲ μή, τρέπειν ἔξω καὶ πρὸσ ἑτέρουσ ἀποχετεύειν τὸ βάσκανον, ὥσπερ οἱ τὰσ στάσεισ θύραζε τοῖσ πολέμοισ περισπῶντεσ·

πολλοὶ μὲν γὰρ ἐμοὶ Τρῶεσ κλειτοὶ τ’ ἐπίκουροι, πολλοὶ δ’ αὖ σοὶ Ἀχαιοὶ φθονεῖν πεφύκασι καὶ ζηλοτυπεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De fraterno amore, section 14

(플루타르코스, De fraterno amore, section 14)

상위

목록

SEARCH

MENU NAVIGATION