헬라어 문장 검색 - Πλυταρ́Δεφρατέ08́

(플루타르코스, De fraterno amore, section 8)

τί δῆτα χρὴ ποιεῖν, φαίη τισ ἄν, ὅτῳ φαῦλοσ ἀδελφὸσ γένοιτο ; πρῶτον ἐκεῖνο μνημονεύειν, ὅτι παντὸσ ἅπτεται γένουσ φιλίασ ἡ φαυλότησ καὶ κατὰ τὸν Σοφοκλέα τὰ πλεῖστα φωρῶν αἰσχρὰ φωράσεισ βροτῶν. οὔτε γάρ τὸ συγγενικὸν οὔτε τὸ ἑταιρικὸν οὔτε τὸ ἐρωτικὸν εἱλικρινὲσ καὶ ἀπαθὲσ καὶ καθαρὸν ἔστιν εὑρεῖν κακίασ. ὁ μὲν οὖν Λάκων μικρὰν γυναῖκα γήμασ ἔφη τὰ ἐλάχιστα δεῖν αἱρεῖσθαι τῶν κακῶν, ἀδελφοῖσ δὲ σωφρόνωσ παραινέσειεν ἄν τισ τὰ οἰκειότατα τῶν κακῶν ὑπομένειν μᾶλλον ἢ πειρᾶσθαι τῶν ἀλλοτρίων τοῦτο γὰρ ἀνέγκλητον ὡσ ἀναγκαῖον, ἐκεῖνο δὲ ψεκτὸν ὡσ αὐθαίρετον. "τοὔνεκὰ σ’ οὐ δύναμαι προλιπεῖν δύστηνον ἐόντα καὶ φαῦλον καὶ ἀνόητον, μὴ καὶ λάθω τι πατρῷον ἢ μητρῷον ἐνεσταγμένον ἀπὸ σπέρματοσ νόσημα χαλεπῶσ καὶ πικρῶσ τῷ μισεῖν ἐν σοὶ κολάζων.

τοὺσ μὲν γὰρ ἀλλοτρίουσ, ὡσ ἔλεγε Θεόφραστοσ, οὐ φιλοῦντα δεῖ κρίνειν ἀλλὰ κρίναντα φιλεῖν·

ὅπου δ’ ἡ φύσισ ἡγεμονίαν τῇ κρίσει πρὸσ εὔνοιαν οὐ δίδωσιν οὐδ’ ἀναμένει τὸν θρυλούμενον τῶν ἁλῶν μέδιμνον ἀλλὰ συγγεγέννηκε τὴν ἀρχὴν τῆσ φιλίασ, ἐνταῦθα δεῖ μὴ πικροὺσ εἶναι μηδ’ ἀκριβεῖσ τῶν ἁμαρτημάτων ἐξεταστάσ. νυνὶ δὲ τί ἂν λέγοισ, εἰ ξένων ἀνθρώπων καὶ ἀλλοτρίων ἐκ πότου τινὸσ ἢ παιδιᾶσ ἢ παλαίστρασ προσφθαρέντων ἁμαρτήματα ῥᾳδίωσ ἔνιοι φέροντεσ καὶ ἡδόμενοι, δύσκολοι καὶ ἀπαραίτητοι πρὸσ τοὺσ ἀδελφοὺσ εἰσιν; ὅπου καὶ κύνασ χαλεποὺσ καὶ ἵππουσ, πολλοὶ δὲ λύγκασ, αἰλούρουσ, πιθήκουσ, λέοντασ τρέφοντεσ καὶ ἀγαπῶντεσ, ἀδελφῶν οὐχ ὑπομένουσιν ὀργὰσ ἢ ἀγνοίασ ἢ φιλοτιμίασ, ἕτεροι δὲ παλλακίσι καὶ πόρναισ οἰκίασ καὶ ἀγροὺσ καταγράφοντεσ ὑπὲρ οἰκοπέδου καὶ γωνίασ πρὸσ ἀδελφοὺσ διαμονομαχοῦσιν, εἶτα τῷ μισαδέλφῳ μισοπονηρίαν ὄνομα θέμενοι περινοστοῦσιν ἐν τοῖσ ἀδελφοῖσ τὴν κακίαν προβαλλόμενοι καὶ λοιδοροῦντεσ, ἐν δὲ τοῖσ ἄλλοισ μὴ δυσχεραίνοντεσ ἀλλὰ χρώμενοι πολλῇ καὶ συνόντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De fraterno amore, section 8

(플루타르코스, De fraterno amore, section 8)

상위

목록

SEARCH

MENU NAVIGATION