헬라어 문장 검색 - Πλυταρ́Δεφρατέ11́

(플루타르코스, De fraterno amore, section 11)

ἀποθανόντοσ γε μὴν πατρὸσ ἐμφύεσθαι μᾶλλον ἢ πρότερον ὀρθῶσ ἔχει τῇ εὐνοίᾳ τὸν ἀδελφόν, εὐθὺσ μὲν ἐν τῷ συνδακρύειν καὶ συνάχθεσθαι κοινούμενον τὸ φιλόστοργον, ὑπονοίασ δὲ θεραπόντων καὶ διαβολὰσ ἑταίρων ἑτέρωσ’ αὑτοὺσ προσνεμόντων ἀπωθούμενον, καὶ πιστεύοντα τοῖσ τ’ ἄλλοισ ἃ μυθολογοῦσι περὶ τῶν Διοσκόρων τῆσ φιλαδελφίασ, καὶ ὅτι ὁ Πολυδεύκησ τὸν καταψιθυρίζοντα τἀδελφοῦ πρὸσ αὐτὸν κονδύλῳ παίσασ ἀπέκτεινεν. ᾗ φησιν ὁ Πλάτων, τὰ φίλα καὶ προσήκοντα λαμβάνοντασ καὶ διδόντασ οἰέσθαι τὴν ἐπιμέλειαν νέμεσθαι καὶ τὴν οἰκονομίαν, χρῆσιν δὲ καὶ κτῆσιν ἐν μέσῳ κεῖσθαι κοινὴν καὶ ἀνέμητον ἁπάντων. οἱ δὲ καὶ τίτθασ ἀποσπῶντεσ ἀλλήλων καὶ συντρόφουσ καὶ συνήθεισ παῖδασ ὑπερβαλόμενοι τοῖσ διαλογισμοῖσ, ἀπίασιν ἀνδραπόδου τιμῇ πλέον ἔχοντεσ, τὸ δὲ μέγιστον καὶ τιμιώτατον τῶν πατρῴων, φιλίαν ἀδελφοῦ καὶ πίστιν, ἀπολωλεκότεσ.

ἐνίουσ δὲ καὶ ἀκερδῶσ φιλονεικίασ ἕνεκα χρησαμένουσ τοῖσ πατρῴοισ οὐθὲν ἐπιεικέστερον ἢ λαφύροισ ἴσμεν ὧν καὶ Χαρικλῆσ καὶ Ἀντίοχοσ ἦσαν οἱ Ὀπούντιοι· καὶ γὰρ ἔκπωμα διακόψαντεσ ἀργυροῦν καὶ ἱμάτιον διατεμόντεσ ἀπῄεσαν, ὥσπερ ἐκ τραγικῆσ τινοσ κατάρασ θηκτῷ σιδήρῳ δῶμα διαλαχόντεσ. οἱ δὲ καὶ διηγοῦνται πρὸσ ἑτέρουσ γαυριῶντεσ ὅτι τῶν ἀδελφῶν πανουργίᾳ καὶ δριμύτητι καὶ παραλογισμῷ πλέον ἔσχον ἐν τῷ νέμεσθαι, δέον ἀγάλλεσθαι καὶ μέγα φρονεῖν ἐπιεικείᾳ καὶ χάριτι καὶ ὑπείξει περιγενομένουσ.

ὅθεν ἄξιόν ἐστιν Ἀθηνοδώρου μεμνῆσθαι, καὶ μέμνηνταί γε πάντεσ παρ’ ἡμῖν.

ἦν γὰρ ἀδελφὸσ αὐτῷ πρεσβύτεροσ ὄνομα Ξένων, καὶ πολλὰ τῆσ οὐσίασ ἐπιτροπεύων διεφόρησε· τέλοσ δ’ ἁρπάσασ γυναῖκα καὶ καταδικασθεὶσ ἀπώλεσε τὴν οὐσίαν, εἰσ τὸ Καίσαροσ ταμιεῖον ἀναληφθεῖσαν. οὐδὲ μετενόησεν, ἀλλὰ πράωσ καὶ ἱλαρῶσ ἤνεγκε τἀδελφοῦ τὴν ἄνοιαν, περιβόητον ἐν τῇ Ἑλλάδι γενομένην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De fraterno amore, section 11

(플루타르코스, De fraterno amore, section 11)

상위

목록

SEARCH

MENU NAVIGATION