Plutarch, De fraterno amore, section 17 2:

ὅθεν οὐχ ἥκιστα δεῖ περὶ τὰ μικρὰ καὶ πρῶτα παραδυομένῃ τῇ πρὸσ τοὺσ ἀδελφοὺσ φιλονεικίᾳ καὶ ζηλοτυπίᾳ διαμάχεσθαι, μελετῶντασ ἀνθυπείκειν καὶ ἡττᾶσθαι καὶ χαίρειν τῷ χαρίζεσθαι μᾶλλον αὐτοῖσ ἢ τῷ νικᾶν. οὐ γὰρ ἑτέραν οἱ παλαιοὶ Καδμείαν νίκην ἀλλὰ τὴν περὶ Θήβασ τῶν ἀδελφῶν ὡσ αἰσχίστην καὶ κακίστην προσηγόρευσαν. τί οὖν; οὐχὶ πολλὰσ τὰ πράγματα καὶ τοῖσ ἐπιεικῶσ ἔχειν δοκοῦσι καὶ πράωσ φέρει προφάσεισ ἀντιλογιῶν καὶ διαφορῶν;