호흡부호 보기
강세부호 보기
장단부호 보기
작은 Iota 보기
모든 부호 보기
οὕτω δ’ ἀπολογησάμενον ἤδη πρὸσ ἐκεῖνον δεῖ τρέπεσθαι καὶ καθάπτεσθαι σφοδρότερον, τὸ ἁμάρτημα καὶ τὸ ἔλλειμμα μετὰ παρρησίασ ἐνδεικνύμενον. οὔτε γὰρ ἐφιέναι δεῖ τοῖσ ἀδελφοῖσ οὔτ’ αὖ πάλιν ἐπεμβαίνειν ἁμαρτάνουσιν αὐτοῖσ τὸ μὲν γὰρ ἐπιχαίροντόσ ἐστιν, ἐκεῖνο δὲ συνεξαμαρτάνοντοσ, ἀλλ’ ὡσ κηδομένῳ καὶ συναχθομένῳ χρῆσθαι τῇ νουθετήσει· ἢ γίνεται δὴ κατήγοροσ ἀδελφοῦ σφοδρότατοσ πρὸσ αὐτὸν ὁ προθυμότατοσ ὑπὲρ αὐτοῦ συνήγοροσ πρὸσ τοὺσ γονεῖσ γενόμενοσ. ἂν δὲ μηδὲν ἁμαρτάνων ἀδελφὸσ ἐν αἰτίᾳ γένηται, τἄλλα μὲν ὑπουργεῖν γονεῦσι καὶ φέρειν ὀργήν τε πᾶσαν αὐτῶν καὶ δυσχέρειαν ἐπιεικέσ· αἱ δ’ ὑπὲρ ἀδελφοῦ παρ’ ἀξίαν κακῶσ ἀκούοντοσ ἢ πάσχοντοσ ἀντιδικίαι καὶ δικαιολογίαι πρὸσ αὐτοὺσ ἄμεμπτοι καὶ καλαί· καὶ οὐ φοβητέον ἀκοῦσαι τὸ Σοφόκλειον, ὦ παῖ κάκιστε, διὰ δίκησ ἰὼν πατρί, παρρησιαζόμενον ὑπὲρ ἀδελφοῦ δοκοῦντοσ ἀγνωμονεῖσθαι· καὶ γὰρ αὐτοῖσ ἡ τοιαύτη δίκη τοῖσ ἐλεγχομένοισ ποιεῖ τὴν ἧτταν ἡδίω τῆσ νίκησ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기