헬라어 문장 검색 - Πλυταρ́Δεφρατέ02́

(플루타르코스, De fraterno amore, section 2)

καίτοι τὸ παράδειγμα τῆσ χρήσεωσ τῶν ἀδελφῶν ἡ φύσισ οὐ μακρὰν ἔθηκεν, ἀλλ’ ἐν αὐτῷ τῷ σώματι τὰ πλεῖστα τῶν ἀναγκαίων διττὰ καὶ ἀδελφὰ καὶ δίδυμα μηχανησαμένη, χεῖρασ πόδασ ὄμματ’ ὦτα ῥῖνασ, ἐδίδαξεν ὅτι ταῦτα σωτηρίασ ἕνεκα καὶ συμπράξεωσ κοινῆσ οὐ διαφορᾶσ καὶ μάχησ οὕτωσ διέστησεν· αὐτάσ τε τὰσ χεῖρασ εἰσ πολλοὺσ καὶ ἀνίσουσ δακτύλουσ σχίσασα πάντων ὀργάνων ἐμμελέστατα καὶ τεχνικώτατα παρέσχεν, ὥστ’ Ἀναξαγόραν τὸν παλαιὸν ἐν ταῖσ χερσὶ τὴν αἰτίαν τίθεσθαι τῆσ ἀνθρωπίνησ σοφίασ καὶ συνέσεωσ. ἀλλὰ τούτου μὲν ἐοίκεν ἀληθὲσ εἶναι τοὐναντίον· οὐ γὰρ ὅτι χεῖρασ ἔσχεν ἄνθρωποσ σοφώτατον, ἀλλ’ ὅτι φύσει λογικὸν ἦν καὶ τεχνικόν, ὀργάνων φύσει τοιούτων ἔτυχεν. ἐκεῖνο δὲ παντὶ δῆλον, ὡσ ἀπὸ σπέρματοσ ἑνὸσ καὶ μιᾶσ ἀρχῆσ ἡ φύσισ ἀδελφοὺσ δύο καὶ τρεῖσ καὶ πλείονασ ἐποίησεν οὐ πρὸσ διαφορὰν καὶ ἀντίταξιν, ἀλλ’ ὅπωσ χωρὶσ ὄντεσ ἀλλήλοισ μᾶλλον συνεργῶσιν. οἱ γάρ δὴ τρισώματοι καὶ ἑκατόγχειρεσ, εἴπερ ἐγένοντο, συμφυεῖσ ὄντεσ πᾶσι τοῖσ μέρεσιν, οὐδὲν ἐκτὸσ αὐτῶν οὐδὲ χωρὶσ ἐδύναντο ποιεῖν ὃ τοῖσ ἀδελφοῖσ ὑπάρχει καὶ μένειν καὶ ἀποδημεῖν ἅμα καὶ πολιτεύεσθαι καὶ γεωργεῖν δυναμένοισ δι’ ἀλλήλων, ἄνπερ ἣν ἡ φύσισ ἔδωκεν εὐνοίασ καὶ συμφωνίασ ἀρχὴν φυλάττωσιν εἰ δὲ μή, ποδῶν οὐθέν, οἶμαι, διοίσουσιν ἀλλήλουσ ὑποσκελιζόντων καὶ δακτύλων ἐμπλεκομένων καὶ διαστρεφομένων παρὰ φύσιν ὑπ’ ἀλλήλων. μᾶλλον δ’ ὥσπερ ἐν ταὐτῷ σώματι μιᾶσ κοινωνοῦντα φύσεωσ καὶ τροφῆσ τὰ ὑγρὰ καὶ ξηρὰ καὶ ψυχρὰ καὶ θερμὰ τῇ ὁμονοίᾳ καὶ συμφωνίᾳ τὴν ἀρίστην καὶ ἡδίστην κρᾶσιν ἐμποιεῖ καὶ ἁρμονίαν, ἧσ χωρὶσ οὔτε πλούτου φασὶν οὔτε τᾶσ ἰσοδαίμονοσ ἀνθρώ‐ ποισ βασιληίδοσ ἀρχᾶσ εἶναί τινα χάριν καὶ ὄνησιν·

ἂν δὲ πλεονεξία καὶ στάσισ αὐτοῖσ ἐγγένηται, διέφθειρεν αἴσχιστα καὶ συνέχεε τὸ ζῷον, οὕτωσ ἀδελφῶν ὁμοφροσύνῃ καὶ γένοσ καὶ οἶκοσ ὑγιαίνει καὶ τέθηλε, καὶ φίλοι καὶ συνήθεισ ὥσπερ ἐμμελὴσ χορὸσ οὐθὲν οὔτε πράσσουσιν ἐναντίον οὔτε λέγουσιν ἢ φρονοῦσιν·

ἐν δὲ διχοστασίῃ καὶ ὁ πάγκακοσ ἔμμορε τιμῆσ, οἰκέτησ διάβολοσ ἢ κόλαξ παρενδὺσ θυραῖοσ ἢ πολίτησ βάσκανοσ. ὡσ γὰρ αἱ νόσοι τοῖσ σώμασι μὴ προσιεμένοισ τὸ οἰκεῖον πολλῶν ἐμποιοῦσιν ἀτόπων καὶ βλαβερῶν ὀρέξεισ, οὕτωσ ἡ πρὸσ τὸ συγγενὲσ διαβολὴ καὶ ὑφόρασισ ὁμιλίασ ἐπάγεται φαύλασ καὶ πονηρὰσ εἰσ τὸ ἐκλιπὲσ ἔξωθεν ἐπιρρεούσασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De fraterno amore, section 2

(플루타르코스, De fraterno amore, section 2)

상위

목록

SEARCH

MENU NAVIGATION