헬라어 문장 검색 - Παυσαν́Δεσξριπ́5́26́

(파우사니아스, Description of Greece, Ἠλιακῶν Α, chapter 26)

Μεσσηνίων δὲ τῶν Δωριέων οἱ Ναύπακτόν ποτε παρὰ Ἀθηναίων λαβόντεσ ἄγαλμα ἐν Ὀλυμπίᾳ Νίκησ ἐπὶ τῷ κίονι ἀνέθεσαν· τοῦτό ἐστιν ἔργον μὲν Μενδαίου Παιωνίου, πεποίηται δὲ ἀπὸ ἀνδρῶν πολεμίων, ὅτε Ἀκαρνᾶσι καὶ Οἰνιάδαισ ἐμοὶ δοκεῖν ἐπολέμησαν. Μεσσήνιοι δὲ αὐτοὶ λέγουσι τὸ ἀνάθημά σφισιν ἀπὸ τοῦ ἔργου τοῦ ἐν τῇ Σφακτηρίᾳ νήσῳ μετὰ Ἀθηναίων <πραχθέντοσ εἶναι>, καὶ οὐκ ἐπιγράψαι τὸ ὄνομα τῶν πολεμίων σφᾶσ τῷ ἀπὸ Λακεδαιμονίων δείματι, ἐπεὶ Οἰνιαδῶν γε καὶ Ἀκαρνάνων οὐδένα ἔχειν φόβον. τὰ δὲ ἀναθήματα Μικύθου πολλά τε ἀριθμὸν καὶ οὐκ ἐφεξῆσ ὄντα εὑρ́ισκον, ἀλλὰ Ἰφίτου μὲν τοῦ Ἠλείου καὶ Ἐκεχειρίασ στεφανούσησ τὸν Ἴφιτον, τούτων μὲν τῶν εἰκόνων ἔχεται τοσάδε ἀναθήματα τῶν Μικύθου, Ἀμφιτρίτη καὶ Ποσειδῶν τε καὶ Ἑστία·

Γλαῦκοσ δὲ ὁ ποιήσασ ἐστὶν Ἀργεῖοσ. τὴν Δήμητροσ καὶ Ἀφροδίτην Γανυμήδην τε καὶ Ἄρτεμιν, ποιητῶν δὲ Ὅμηρον καὶ Ἡσίοδον, καὶ θεοὺσ αὖθισ Ἀσκληπιὸν καὶ Ὑγείαν.

Ἀγών τε ἐν τοῖσ ἀναθήμασίν ἐστι τοῖσ Μικύθου φέρων ἁλτῆρασ, οἱ δὲ ἁλτῆρεσ οὗτοι παρέχονται σχῆμα τοιόνδε·

κύκλου παραμηκεστέρου καὶ οὐκ ἐσ τὸ ἀκριβέστατον περιφεροῦσ εἰσιν ἥμισυ, πεποίηται δὲ ὡσ καὶ τοὺσ δακτύλουσ τῶν χειρῶν διιέναι καθάπερ δι’ ὀχάνων ἀσπίδοσ. τούτων μὲν δὴ σχῆμά ἐστι τὸ εἰρημένον· παρὰ δὲ τοῦ Ἀγῶνοσ τὴν εἰκόνα Διόνυσοσ καὶ ὁ Θρᾷξ ἐστιν Ὀρφεὺσ καὶ ἄγαλμα Διόσ, οὗ δὴ καὶ ὀλίγῳ πρότερον ἐπεμνήσθην. ταῦτα ἔργα ἐστὶν Ἀργείου Διονυσίου· τεθῆναι δὲ ὑπὸ τοῦ Μικύθου καὶ ἄλλα ὁμοῦ τούτοισ λέγουσι, Νέρωνα δὲ ἀφελέσθαι φασὶ καὶ ταῦτα. τοῖσ δὲ ἐργασαμένοισ αὐτά, γένοσ οὖσιν Ἀργείοισ, Διονυσίῳ τε καὶ Γλαύκῳ, διδάσκαλόν σφισιν οὐδένα ἐπιλέγουσιν·

ἡλικίαν δὲ αὐτῶν ὁ τὰ ἔργα ἐσ Ὀλυμπίαν ἀναθεὶσ ἐπιδείκνυσιν ὁ Μίκυθοσ. τὸν γὰρ δὴ Μίκυθον τοῦτον Ἡρόδοτοσ ἔφη ἐν τοῖσ λόγοισ, ὡσ Ἀναξίλα τοῦ ἐν Ῥηγίῳ τυραννήσαντοσ γενόμενοσ δοῦλοσ καὶ ταμίασ τῶν Ἀναξίλα χρημάτων ὕστερον τούτων ἀπιὼν οἴχοιτο ἐσ Τεγέαν τελευτήσαντοσ Ἀναξίλα. τὰ δὲ ἐπὶ τοῖσ ἀναθήμασιν ἐπιγράμματα καὶ πατέρα Μικύθῳ Χοῖρον καὶ Ἑλληνίδασ αὐτῷ πόλεισ Ῥήγιόν τε πατρίδα καὶ τὴν ἐπὶ τῷ πορθμῷ Μεσσήνην δίδωσιν·

οἰκεῖν δὲ τὰ μὲν ἐπιγράμματα ἐν Τεγέᾳ φησιν αὐτόν, τὰ δὲ ἀναθήματα ἀνέθηκεν ἐσ Ὀλυμπίαν εὐχήν τινα ἐκτελῶν ἐπὶ σωτηρίᾳ παιδὸσ νοσήσαντοσ νόσον φθινάδα. πλησίον δὲ τῶν μειζόνων ἀναθημάτων Μικύθου, τέχνησ δὲ τοῦ Ἀργείου Γλαύκου, Ἀθηνᾶσ ἄγαλμα ἕστηκε κράνοσ ἐπικειμένη καὶ αἰγίδα ἐνδεδυκυῖα·

Νικόδαμοσ μὲν εἰργάσατο ὁ Μαινάλιοσ, Ἠλείων δέ ἐστιν ἀνάθημα. παρὰ δὲ τὴν Ἀθηνᾶν πεποίηται Νίκη· ταύτην Μαντινεῖσ ἀνέθεσαν, τὸν πόλεμον δὲ οὐ δηλοῦσιν ἐν τῷ ἐπιγράμματι· Κάλαμισ δὲ οὐκ ἔχουσαν πτερὰ ποιῆσαι λέγεται ἀπομιμούμενοσ τὸ Ἀθήνῃσι τῆσ Ἀπτέρου καλουμένησ ξόανον. πρὸσ δὲ τοῖσ ἐλάσσοσιν ἀναθήμασι τοῦ Μικύθου, ποιηθεῖσι δὲ ὑπὸ Διονυσίου, πρὸσ τούτοισ Ἡρακλέουσ ἐστὶ τῶν ἔργων τὸ ἐσ τὸν λέοντα τὸν ἐν Νεμέᾳ καὶ ὕδραν τε καὶ ἐσ τὸν κύνα τοῦ Αἵδου καὶ τὸν ἐπὶ Ἐρυμάνθῳ ποταμῷ κάπρον·

ἐκόμισαν δὲ αὐτὰ ἐσ Ὀλυμπίαν Ἡρακλεῶται Μαριανδυνῶν ὁμόρων βαρβάρων καταδραμόντεσ τὴν χώραν. ἡ δὲ Ἡράκλεια πεπόλισται μὲν ἐπὶ Εὐξείνῳ πόντῳ, ἀπῳκίσθη δὲ ἐκ Μεγάρων· μετέσχον δὲ καὶ Βοιωτῶν Ταναγραῖοι τοῦ οἰκισμοῦ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Α, chapter 26

(파우사니아스, Description of Greece, Ἠλιακῶν Α, chapter 26)

상위

목록

SEARCH

MENU NAVIGATION