Pausanias, Description of Greece, Ἠλιακῶν Α, chapter 21

(파우사니아스, Description of Greece, Ἠλιακῶν Α, chapter 21)

τὸ δὲ ἀπὸ τούτου μοι πρόεισιν ὁ λόγοσ ἔσ τε τῶν ἀνδριάντων καὶ ἐσ τῶν ἀναθημάτων ἐξήγησιν. ἀναμῖξαι δὲ οὐκ ἀρεστὰ ἦν μοι τὸν ἐπ’ αὐτοῖσ λόγον. ἐν ἀκροπόλει μὲν γὰρ τῇ Ἀθήνῃσιν οἵ τε ἀνδριάντεσ καὶ ὁπόσα ἄλλα, τὰ πάντα ἐστὶν ὁμοίωσ ἀναθήματα· ἐν δὲ τῇ Ἄλτει τὰ μὲν τιμῇ τῇ ἐσ τὸ θεῖον ἀνάκεινται, οἱ δὲ ἀνδριάντεσ τῶν νικώντων ἐν ἄθλου λόγῳ σφίσι καὶ οὗτοι δίδονται. τῶν μὲν δὴ ἀνδριάντων ποιησόμεθα καὶ ὕστερον μνήμην· ἐσ δὲ τὰ ἀναθήματα ἡμῖν τραπήσεται πρότερα ὁ λόγοσ, τὰ ἀξιολογώτατα αὐτῶν ἐπερχομένοισ. ἰόντι γὰρ ἐπὶ τὸ στάδιον τὴν ὁδὸν τὴν ἀπὸ τοῦ Μητρῴου, ἔστιν ἐν ἀριστερᾷ κατὰ τὸ πέρασ τοῦ ὄρουσ τοῦ Κρονίου λίθου τε πρὸσ αὐτῷ τῷ ὄρει κρηπὶσ καὶ ἀναβασμοὶ δι’ αὐτῆσ·

πρὸσ δὲ τῇ κρηπῖδι ἀγάλματα Διὸσ ἀνάκειται χαλκᾶ. ταῦτα ἐποιήθη μὲν ἀπὸ χρημάτων ἐπιβληθείσησ ἀθληταῖσ ζημίασ ὑβρίσασιν ἐσ τὸν ἀγῶνα, καλοῦνται δὲ ὑπὸ τῶν ἐπιχωρίων Ζᾶνεσ. πρῶτοι δὲ ἀριθμὸν ἓξ ἐπὶ τῆσ ὀγδόησ ἔστησαν καὶ ἐνενηκοστῆσ Ὀλυμπιάδοσ·

Εὔπωλοσ γὰρ Θεσσαλὸσ χρήμασι διέφθειρε τοὺσ ἐλθόντασ τῶν πυκτῶν, Ἀγήτορα Ἀρκάδα καὶ Πρύτανιν Κυζικηνόν, σὺν δὲ αὐτοῖσ καὶ Φορμίωνα Ἁλικαρνασσέα μὲν γένοσ, Ὀλυμπιάδι δὲ τῇ πρὸ ταύτησ κρατήσαντα. τοῦτο ἐξ ἀθλητῶν ἀδίκημα ἐσ τὸν ἀγῶνα πρῶτον γενέσθαι λέγουσι, καὶ πρῶτοι χρήμασιν ἐζημιώθησαν ὑπὸ Ἠλείων Εὔπωλοσ καὶ οἱ δεξάμενοι δῶρα παρὰ Εὐπώλου. δύο μὲν δὴ ἐξ αὐτῶν ἔργα Κλέωνοσ Σικυωνίου· τὰ δὲ ἐφεξῆσ τέσσαρα ὅστισ ἐποίησεν, οὐκ ἴσμεν. τῶν δὲ ἀγαλμάτων τούτων παρέντι τρίτον τε ἐξ αὐτῶν καὶ τέταρτον, γεγραμμένα ἐλεγεῖά ἐστιν ἐπὶ τοῖσ ἄλλοισ.

ἐθέλει δὲ τὸ μὲν πρῶτον τῶν ἐλεγείων δηλοῦν ὡσ οὐ χρήμασιν ἀλλὰ ὠκύτητι τῶν ποδῶν καὶ ὑπὸ ἰσχύοσ σώματοσ Ὀλυμπικὴν ἔστιν εὑρέσθαι νίκην, τὸ δὲ ἐπὶ τῷ δευτέρῳ φησὶν ὡσ τὸ ἄγαλμα ἕστηκε τιμῇ τε τῇ ἐσ τὸ θεῖον καὶ ὑπὸ εὐσεβείασ τῆσ Ἠλείων καὶ ἀθληταῖσ παρανομοῦσιν εἶναι δέοσ·

πέμπτῳ δὲ καὶ ἕκτῳ, τῷ μέν ἐστιν ἡ τοῦ ἐπιγράμματοσ γνώμη τά τε ἄλλα ἐσ ἔπαινον Ἠλείων καὶ οὐχ ἥκιστα ἐπὶ τῇ ζημίᾳ τῶν πυκτῶν, ἐπὶ δὲ τῷ ὑπολοίπῳ διδασκαλίαν πᾶσιν Ἕλλησιν εἶναι τὰ ἀγάλματα μηδένα ἐπὶ Ὀλυμπικῇ νίκῃ διδόναι χρήματα. Εὐπώλου δὲ ὕστερόν φασιν Ἀθηναῖον Κάλλιππον ἀθλήσαντα πένταθλον ἐξωνήσασθαι τοὺσ ἀνταγωνιουμένουσ χρήμασι, δευτέραν δὲ ἐπὶ ταῖσ δέκα τε καὶ ἑκατὸν Ὀλυμπιάδα εἶναι ταύτην.

ἐπιβληθείσησ δὲ τῷ Καλλίππῳ καὶ τοῖσ ἀνταγωνισαμένοισ ζημίασ ὑπὸ Ἠλείων, ἀποστέλλουσιν Ὑπερείδην Ἀθηναῖοι πείσοντα Ἠλείουσ ἀφεῖναί σφισι τὴν ζημίαν· ἀπειπόντων δὲ Ἠλείων τὴν χάριν, ἐχρῶντο ὑπεροψίᾳ τοιᾷδε ἐσ αὐτοὺσ οἱ Ἀθηναῖοι, οὔτε ἀποδιδόντεσ τὰ χρήματα καὶ Ὀλυμπίων εἰργόμενοι, πρὶν ἤ σφισιν ὁ θεὸσ <ὁ> ἐν Δελφοῖσ οὐ πρότερον ἔφησεν ὑπὲρ οὐδενὸσ χρήσειν πρὶν ἢ τὴν ζημίαν ἀποδοῖεν Ἠλείοισ. οὕτω δὴ ἀποδόντων ἐποιήθη τῷ Διὶ ἀγάλματα, ἓξ μὲν καὶ ταῦτα, γέγραπται δὲ ἐπ’ αὐτοῖσ ἐλεγεῖα οὐδέν τι δεξιώτερα ἐσ ποίησιν ἢ τὰ ἔχοντα τὴν ζημίαν τὴν Εὐπώλου.

ἐπιγραμμάτων, πρῶτον μὲν ἀνατεθῆναι <τὰ> ἀγάλματα μαντείᾳ τοῦ θεοῦ τιμήσαντοσ τὰ ἐσ τοὺσ πεντάθλουσ δόξαντα Ἠλείοισ, τὸ δὲ ἐπὶ τῷ δευτέρῳ καὶ ὡσαύτωσ ἐπὶ τῷ τρίτῳ Ἠλείουσ ἐπαινοῦντά ἐστιν ἐπὶ τῶν πεντάθλων τῇ ζημίᾳ·

τὸ τέταρτον δὲ ἐθέλει λέγειν τὸν Ὀλυμπίασιν ἀγῶνα ἀρετῆσ εἶναι καὶ οὐ χρημάτων, τὰ δὲ ἐπιγράμματα <τὰ> ἐπὶ τῷ πέμπτῳ τε καὶ ἕκτῳ, τὸ μὲν αὐτῶν δηλοῖ καθ’ ἥντινα αἰτίαν ἀνετέθη τὰ ἀγάλματα, τὸ δὲ ἀναμιμνήσκει τοῦ χρησμοῦ τοῦ Ἀθηναίοισ ἐλθόντοσ ἐκ Δελφῶν.

τῶν δὲ κατειλεγμένων τὰ ἐφεξῆσ ἀγάλματα δύο μέν ἐστιν ἀριθμόν, ἀνετέθη δὲ ἐπιτεθείσησ παλαισταῖσ ἀνδράσι ζημίασ·

οἵτινεσ δὲ ἐκαλοῦντο, ἐμέ γε ἢ τοὺσ Ἠλείων λέληθεν ἐξηγητάσ. ἐπιγράμματα μὲν γὰρ καὶ ἐπὶ τούτοισ τοῖσ ἀγάλμασιν ἔπεστι, λέγει δὲ τὸ μὲν πρῶτον αὐτῶν ὡσ τῷ Ὀλυμπίῳ Διὶ Ῥόδιοι χρήματα ὑπὲρ ἀνδρὸσ ἀδικίασ ἐκτίσαιεν παλαιστοῦ, τὸ δὲ ἕτερον ὡσ ἀνδρῶν ἐπὶ δώροισ παλαισάντων ἀπὸ τῶν ἐπιβληθέντων χρημάτων αὐτοῖσ γένοιτο τὸ ἄγαλμα. τὰ δὲ ἐπίλοιπα ἐσ τοὺσ ἀθλητὰσ τούτουσ οἱ ἐξηγηταὶ λέγουσιν οἱ Ἠλείων, ὀγδόην μὲν ἐπὶ ταῖσ ἑβδομήκοντα καὶ ἑκατὸν Ὀλυμπιάδα εἶναι, λαβεῖν δὲ Εὔδηλον παρὰ Φιλοστράτου χρήματα, τοῦτον δὲ εἶναι τὸν Φιλόστρατον Ῥόδιον.

τούτῳ τῷ λόγῳ διάφορα ὄντα εὑρ́ισκον τὰ Ἠλείων ἐσ τοὺσ Ὀλυμπιονίκασ γράμματα· ἔστι γὰρ δὴ ἐν τοῖσ γράμμασι τούτοισ Στράτωνα Ἀλεξανδρέα Ὀλυμπιάδι ὀγδόῃ μετὰ τὰσ ἑβδομήκοντα καὶ ἑκατὸν ἐπὶ ἡμέρασ ἀνελέσθαι τῆσ αὐτῆσ παγκρατίου καὶ πάλησ νίκην. Ἀλεξανδρείασ δὲ τῆσ ἐπὶ τῷ Κανωβικῷ τοῦ Νείλου στόματι Ἀλέξανδροσ μὲν οἰκιστὴσ ἐγένετο ὁ Φιλίππου, λέγεται δὲ καὶ πρότερον ἔτι πόλισμα Αἰγυπτίων ἐνταῦθα οὐ μέγα εἶναι Ῥακῶτιν·

Στράτωνοσ δὲ τούτου τρεῖσ μὲν ἡλικίᾳ πρότερον, τοσοῦτοι δὲ ἄλλοι μετ’ αὐτόν εἰσι δῆλοι τὸν κότινον παγκρατίου τε ἆθλα εἰληφότεσ καὶ πάλησ, Κάπροσ μὲν ἐξ αὐτῆσ Ἤλιδοσ, Ἑλλήνων δὲ τῶν πέραν Αἰγαίου Ῥόδιόσ τε Ἀριστομένησ καὶ Μαγνήτων τῶν ἐπὶ Ληθαίῳ Πρωτοφάνησ.

οἱ δὲ ὕστερον τοῦ Στράτωνοσ Μαρίων τε πόλεωσ ἐκείνῳ τῆσ αὐτῆσ καὶ Στρατονικεὺσ Ἀριστέασ ‐ τὰ δὲ παλαιότερα ἥ τε χώρα καὶ ἡ πόλισ ἐκαλεῖτο Χρυσαορίσ ‐ , ἕβδομοσ δὲ Νικόστρατοσ ἐκ τῶν ἐπὶ θαλάσσῃ Κιλίκων, οὐδὲν τοῖσ Κίλιξιν αὐτοῦ μετὸν εἰ μὴ ὅσα τῷ λόγῳ. τοῦτον τὸν Νικόστρατον νήπιον παῖδα ἔτι ἐκ Πρυμνησσοῦ λῃσταὶ τῆσ Φρυγῶν ἡρ́πασαν, οἰκίασ ὄντα οὐκ ἀφανοῦσ·

κομισθέντα δὲ αὐτὸν ἐσ Αἰγέασ ὠνήσατο ὅστισ δή. χρόνῳ δὲ ὕστερον τῷ ἀνδρὶ τούτῳ ὄνειρον γίνεται· λέοντοσ δὲ ἔδοξεν ὑπὸ τῷ σκίμποδι κατακεῖσθαι σκύμνον, ἐφ’ ᾧ ἐκάθευδεν ὁ Νικόστρατοσ. Νικοστράτῳ μὲν δή, ὡσ ηὐξήθη, καὶ ἄλλαι νῖκαι <καὶ> Ὀλυμπίασιν ἐγένοντο παγκρατίου καὶ πάλησ. χρήμασι δὲ ὑπὸ Ἠλείων ἕτεροί τε ὕστερον καὶ Ἀλεξανδρεὺσ ἐζημιώθη πύκτησ Ὀλυμπιάδι ἐπὶ ταῖσ διακοσίαισ ὀγδόῃ τε καὶ δεκάτῃ.

ὄνομα μὲν τῷ ζημιωθέντι Ἀπολλώνιοσ, ἐπίκλησισ δὲ ἦν Ῥάντησ· καί πωσ καὶ ἐπιχώριον τὸ ἐσ τὰσ ἐπικλήσεισ τοῖσ Ἀλεξανδρεῦσίν ἐστιν. οὗτοσ ὁ ἀνὴρ ἀδικεῖν ὑπὸ Ἠλείων κατεγνώσθη πρῶτοσ Αἰγυπτίων·

κατεγνώσθη δὲ οὐ δοῦναι χρήματα ἢ λαβεῖν αὐτόσ, ἀλλὰ τοιόνδε ἄλλο ἐσ τὸν ἀγῶνα ἐξυβρίσαι.

ἀφίκετο οὐκ ἐσ τὸν εἰρημένον καιρόν, καὶ αὐτὸν ὑπὸ Ἠλείων πειθομένων τῷ νόμῳ ἐλείπετο τοῦ ἀγῶνοσ εἴργεσθαι· τὴν γάρ οἱ πρόφασιν, ὡσ ἐν ταῖσ Κυκλάσι νήσοισ ὑπὸ ἀνέμων κατείχετο ἐναντίων, Ἡρακλείδησ γένοσ καὶ αὐτὸσ Ἀλεξανδρεὺσ ἤλεγχεν ἀπάτην οὖσαν· ὑστερῆσαι γὰρ χρήματα ἐκ τῶν ἀγώνων αὐτὸν ἐκλέγοντα τῶν ἐν Ιὠνίᾳ. οὕτω δὴ τόν τε Ἀπολλώνιον καὶ εἰ δή τισ ἄλλοσ ἧκεν οὐ κατὰ προθεσμίαν τῶν πυκτῶν, τούτουσ μὲν οἱ Ἠλεῖοι τοῦ ἀγῶνοσ ἀπελαύνουσι, τῷ Ἡρακλείδῃ δὲ τὸν στέφανον παριᾶσιν ἀκονιτί·

ἐνταῦθα ὁ Ἀπολλώνιοσ κατεσκευάσατό τε τοῖσ ἱμᾶσιν ὡσ ἐσ μάχην καὶ ἐσδραμὼν ἐπὶ τὸν Ἡρακλείδην ἥπτετο ἐπικειμένου τε ἤδη τὸν κότινον καὶ καταπεφευγότοσ ἐσ τοὺσ Ἑλλανοδίκασ. τούτῳ μὲν δὴ ἔμελλε τὸ κοῦφον τοῦ νοῦ βλάβοσ μέγα ἔσεσθαι, ἔστι δὲ καὶ ἄλλα δύο τέχνησ τῆσ ἐφ’ ἡμῶν τὰ ἀγάλματα· ἕκτῃ γὰρ ἐπὶ ταῖσ εἴκοσι καὶ διακοσίαισ Ὀλυμπιάδι πύκτασ ἄνδρασ, ὑπὲρ αὐτῆσ μαχομένουσ τῆσ νίκησ, ἐφώρασαν συνθεμένουσ ὑπὲρ λήμματοσ.

ἀντὶ τούτων μὲν ἐγένετο ζημία· ποιηθέντων δὲ ἀγαλμάτων Διὸσ τὸ μὲν ἐν ἀριστερᾷ τῆσ ἐσ τὸ στάδιον ἐσόδου, τὸ δὲ ἕτερον αὐτῶν ἕστηκεν ἐν δεξιᾷ. τοῖσ δὲ πύκταισ τούτοισ Δίδασ τε ὄνομα ἦν καὶ τῷ τὰ χρήματα δόντι αὐτῶν Σαραπάμμων· καλουμένου δὲ Ἀρσινοί̈του.

θαῦμα μὲν δὴ καὶ ἄλλωσ ἐν οὐδενὸσ λόγῳ τὸν θεὸν θέσθαι τὸν ἐν Ὀλυμπίᾳ καὶ δέξασθαί τινα ἢ δοῦναι δῶρα ἐπὶ τῷ ἀγῶνι·

μείζονοσ δὲ ἔτι θαύματοσ, εἴ γε καὶ αὐτῶν ἐτόλμησεν ἤδη τισ Ἠλείων. λέγεται δὲ ὡσ Δαμόνικοσ τολμήσειεν Ἠλεῖοσ δευτέρᾳ πρὸσ ταῖσ ἑκατὸν καὶ ἐνενήκοντα Ὀλυμπιάδι· συνεστηκέναι μὲν γὰρ παλαίοντασ ἐπὶ τῷ στεφάνῳ τόν τε τοῦ Δαμονίκου παῖδα Πολύκτορα καὶ Σώσανδρον γένοσ Σμυρναῖον, ὁμώνυμον τῷ πατρί· Δαμόνικον δέ, ἅτε περισσῶσ ἐπιθυμοῦντα γενέσθαι τῷ παιδὶ τὴν νίκην, δοῦναι τοῦ Σωσάνδρου τῷ πατρὶ χρήματα. ὡσ δὲ ἐγεγόνει τὰ πραχθέντα ἔκπυστα, ἐπιβάλλουσιν οἱ Ἑλλανοδίκαι ζημίαν, ἐπιβάλλουσι δὲ οὐ τοῖσ παισίν, ἀλλὰ ἐσ τοὺσ πατέρασ ἔτρεψαν τὴν ὀργήν·

οὗτοι γὰρ δὴ καὶ ἠδίκουν. ἀπὸ ταύτησ τῆσ ζημίασ ἀγάλματα ἐποιήθη· καὶ τὸ μὲν ἐν τῷ Ἠλείων ἀνάκειται γυμνασίῳ, τὸ δὲ τῆσ Ἄλτεωσ πρὸ τῆσ Ποικίλησ στοᾶσ καλουμένησ, ὅτι ἦσαν ἐπὶ τῶν τοίχων γραφαὶ τὸ ἀρχαῖον. εἰσὶ δ’ οἳ τὴν στοὰν ταύτην καὶ Ἠχοῦσ ὀνομάζουσι· βοήσαντι δὲ ἀνδρὶ ἑπτάκισ ὑπὸ τῆσ ἠχοῦσ ἡ φωνή, τὰ δὲ καὶ ἐπὶ πλέον ἔτι ἀποδίδοται. παγκρατιαστὴν δέ φασιν Ἀλεξανδρέα, ὄνομα δὲ εἶναί οἱ Σαραπίωνα, τοῦτον ἐν Ὀλυμπιάδι τῇ πρώτῃ μετὰ τὰσ διακοσίασ ἐσ τοσοῦτο δεῖσαι τοὺσ ἀνταγωνιστὰσ ὥστε ἡμέρᾳ μιᾷ πρότερον ἢ ἐσκληθήσεσθαι τὸ παγκράτιον ἔμελλεν ἀποδράντα οἴχεσθαι.

τοῦτον ζημιωθέντα ἐπὶ δειλίᾳ μόνον τῶν τε ἄλλων ἀνθρώπων καὶ αὐτῶν μνημονεύουσιν Αἰγυπτίων. ταῦτα μὲν τὰ κατειλεγμένα ἐπὶ αἰτίαισ τοιαῖσδε ποιηθέντα εὑρ́ισκον·

일치하는 문장이 없습니다.

SEARCH

MENU NAVIGATION