Pausanias, Description of Greece, Ἠλιακῶν Α, chapter 12

(파우사니아스, Description of Greece, Ἠλιακῶν Α, chapter 12)

ὅσοι δὲ ἀνθρώπων τὰ διὰ τοῦ στόματοσ ἐσ τὸ ἐκτὸσ ἐλέφασιν ἐξίσχοντα ὀδόντασ τῶν θηρίων εἶναι καὶ οὐ κέρατα ἥγηνται, τούτοισ ἔστιν ἀπιδεῖν μὲν ἐσ τὰσ ἄλκασ, τὸ ἐν Κελτικῇ θηρίον, ἀπιδεῖν δὲ ἐσ τοὺσ Αἰθιοπικοὺσ ταύρουσ· ἄλκαι μὲν γὰρ κέρατα ἐπὶ ταῖσ ὀφρύσιν ἔχουσιν οἱ ἄρρενεσ, τὸ δὲ θῆλυ οὐ φύει τὸ παράπαν· οἱ δὲ Αἰθιοπικοὶ ταῦροι τὰ κέρατα φύουσιν ἐπὶ τῇ ῥινί. τίσ ἂν οὖν ποιήσαιτο ἔτι ἐν μεγάλῳ θαύματι διὰ στόματοσ ζῴῳ κέρατα ἐκφῦναι; πάρεστι δὲ ἀναδιδάσκεσθαι καὶ τοῖσδε ἔτι·

κέρατα γὰρ κατὰ ἐτῶν περίοδον ἀπογίνεται καὶ αὖθισ ἐκβλαστάνει ζῴοισ, καὶ τοῦτο ἔλαφοί τε καὶ δορκάδεσ, ὡσαύτωσ δὲ καὶ οἱ ἐλέφαντεσ πεπόνθασιν. ὀδοὺσ δὲ οὐκ ἔστιν ὅτῳ δεύτερα παρέσται ζῴῳ τῶν γε ἤδη τελείων· εἰ δὲ ὀδόντεσ τὰ διὰ στόματοσ ἐξίσχοντα καὶ μὴ κέρατα ἦσαν, πῶσ ἂν καὶ ἀνεφύοντο αὖθισ;

οὐ μὴν οὐδὲ εἴκειν πυρὶ ἔχουσιν ὀδόντεσ φύσιν· κέρατα δὲ καὶ βοῶν καὶ ἐλεφάντων ἐσ ὁμαλέσ τε ἐκ περιφεροῦσ καὶ ἐσ ἄλλα ὑπὸ πυρὸσ ἄγεται σχήματα. ποταμίοισ γε μὴν ἵπποισ καὶ ὑσὶν ἡ κάτωθεν γένυσ τοὺσ χαυλιόδοντασ φέρει, κέρατα δὲ ἀναφυόμενα <οὐχ> ὁρῶμεν ἐκ γενύων· ἐλέφαντι οὖν τὰ κέρατα ἴστω τισ διὰ κροτάφων κατερχόμενα ἄνωθεν καὶ οὕτωσ ἐσ τὸ ἐκτὸσ ἐπιστρέφοντα.

τοῦτο οὐκ ἀκοὴν γράφω, θεασάμενοσ δὲ ἐλέφαντοσ ἐν γῇ τῇ Καμπανῶν κρανίον ἐν Ἀρτέμιδοσ ἱερῷ· σταδίουσ δὲ ὡσ τριάκοντα ἀπέχει μάλιστα Καπύησ τὸ ἱερόν, αὕτη δὲ ἡ μητρόπολίσ ἐστιν ἡ Καπύη τῶν Καμπανῶν. ὁ μὲν δὴ ἐλέφασ παρὰ τὰ λοιπὰ ζῷα διάφορον καὶ τὴν ἔκφυσιν παρέχεται τῶν κεράτων, ὥσπερ γε καὶ τὸ μέγεθόσ ἐστιν αὐτῷ καὶ εἶδοσ οὐδὲν ἐοικότα ἑτέρῳ θηρίῳ· φιλότιμοι δὲ ἐσ τὰ μάλιστά μοι καὶ ἐσ θεῶν τιμὴν οὐ φειδωλοὶ χρημάτων γενέσθαι δοκοῦσιν οἱ Ἕλληνεσ, οἷσ γε παρὰ Ἰνδῶν ἤγετο καὶ ἐξ Αἰθιοπίασ ἐλέφασ ἐσ ποίησιν ἀγαλμάτων. ἐν δὲ Ὀλυμπίᾳ παραπέτασμα ἐρεοῦν κεκοσμημένον ὑφάσμασιν Ἀσσυρίοισ καὶ βαφῇ πορφύρασ τῆσ Φοινίκων ἀνέθηκεν Ἀντίοχοσ, οὗ δὴ καὶ ὑπὲρ τοῦ θεάτρου τοῦ Ἀθήνῃσιν ἡ αἰγὶσ ἡ χρυσῆ καὶ ἐπ’ αὐτῆσ ἡ Γοργώ ἐστιν ἀναθήματα.

καθιᾶσιν ἐσ τὸ ἔδαφοσ.

ἀναθήματα δὲ ὁπόσα ἔνδον ἢ ἐν τῷ προνάῳ κεῖται, θρόνοσ ἐστὶν Ἀριμνήστου βασιλεύσαντοσ ἐν Τυρσηνοῖσ, ὃσ πρῶτοσ βαρβάρων ἀναθήματι τὸν ἐν Ὀλυμπίᾳ Δία ἐδωρήσατο, καὶ ἵπποι Κυνίσκασ χαλκοῖ, σημεῖα Ὀλυμπικῆσ νίκησ·

οὗτοι μέγεθοσ μὲν ἀποδέουσιν ἵππων, ἑστήκασι δὲ ἐν τῷ προνάῳ τοῖσ ἐσιοῦσιν ἐν δεξιᾷ. κεῖται δὲ καὶ τρίπουσ ἐπίχαλκοσ, ἐφ’ οὗ πρὶν ἢ τὴν τράπεζαν ποιηθῆναι προετίθεντο τοῖσ νικῶσιν οἱ στέφανοι. βασιλέων δὲ ἀνδριάντασ, Ἀδριανοῦ μὲν αἱ ἐσ τὸ Ἀχαϊκὸν τελοῦσαι πόλεισ ἀνέθεσαν Παρίου λίθου, Τραϊανοῦ δὲ οἱ πάντεσ Ἕλληνεσ.

οὗτοσ προσεκτήσατο ὁ βασιλεὺσ Γέτασ τοὺσ ὑπὲρ Θρᾴκησ Ὀσρόῃ τε τῷ ἀπογόνῳ τῷ Ἀρσάκου καὶ Πάρθοισ ἐπολέμησεν· ὁπόσα δὲ ἐσ ἔργων ἔχει οἱ κατασκευήν, ἀξιολογώτατά ἐστι λουτρὰ ἐπώνυμα αὐτοῦ καὶ θέατρον μέγα κυκλοτερὲσ πανταχόθεν καὶ οἰκοδόμημα ἐσ ἵππων δρόμουσ προῆκον καὶ ἐσ δύο σταδίων μῆκοσ, καὶ ἡ Ῥωμαίων ἀγορὰ κόσμου τε ἕνεκα τοῦ λοιποῦ θέασ ἀξία καὶ μάλιστα ἐσ τὸν ὄροφον χαλκοῦ πεποιημένον. αἱ δὲ εἰκόνεσ αἱ τοῖσ κατασκευάσμασι τοῖσ περιφερέσιν ἐγκείμεναι, ἡ μὲν τοῦ ἠλέκτρου βασιλέωσ Ῥωμαίων ἐστὶν Αὐγούστου, ἡ δὲ τοῦ ἐλέφαντοσ βασιλέωσ Νικομήδουσ ἐλέγετο εἶναι Βιθυνῶν.

ἀπὸ τούτου δὲ καὶ τῇ μεγίστῃ τῶν ἐν Βιθυνίᾳ πόλεων μετεβλήθη τὸ ὄνομα, Ἀστακῷ τὰ πρὸ τούτου καλουμένῃ· τὰ δὲ ἐξ ἀρχῆσ αὐτῇ Ζυποίτησ ἐγένετο οἰκιστήσ, Θρᾷξ γένοσ εἰκάζοντί γε ἀπὸ τοῦ ὀνόματοσ. τὸ δὲ ἤλεκτρον τοῦτο οὗ τῷ Αὐγούστῳ πεποίηνται τὴν εἰκόνα, ὅσον μὲν αὐτόματον ἐν τοῦ Ἠριδανοῦ ταῖσ ψάμμοισ εὑρίσκεται, σπανίζεται τὰ μάλιστα καὶ ἀνθρώπῳ τίμιον πολλῶν ἐστιν ἕνεκα· τὸ δὲ ἄλλο ἤλεκτρον ἀναμεμιγμένοσ ἐστὶν ἀργύρῳ χρυσόσ.

ἐν δὲ τῷ ἐν Ὀλυμπίᾳ ναῷ Νέρωνοσ ἀναθήματα τρεῖσ μὲν ἐσ κοτίνου φύλλα στέφανοι, τέταρτοσ δὲ ἐσ δρυόσ ἐστι μεμιμημένοσ·

κεῖνται δὲ αὐτόθι καὶ ἀσπίδεσ χαλκαῖ πέντε καὶ εἴκοσι, τοῖσ ὁπλιτεύουσιν εἶναι φορήματα ἐσ τὸν δρόμον. στῆλαι δὲ ἄλλαι τε ἑστήκασι καὶ ἡ πρὸσ Ἀθηναίουσ καὶ Ἀργείουσ τε καὶ Μαντινέασ ἔχουσα ὁρ́κον παρὰ Ἠλείων ἐσ συμμαχίαν ἐτῶν ἑκατόν.

일치하는 문장이 없습니다.

SEARCH

MENU NAVIGATION