Pausanias, Description of Greece, Ἠλιακῶν Α, chapter 11

(파우사니아스, Description of Greece, Ἠλιακῶν Α, chapter 11)

καθέζεται μὲν δὴ ὁ θεὸσ ἐν θρόνῳ χρυσοῦ πεποιημένοσ καὶ ἐλέφαντοσ· στέφανοσ δὲ ἐπίκειταί οἱ τῇ κεφαλῇ μεμιμημένοσ ἐλαίασ κλῶνασ. ἐν μὲν δὴ τῇ δεξιᾷ φέρει Νίκην ἐξ ἐλέφαντοσ καὶ ταύτην καὶ χρυσοῦ, ταινίαν τε ἔχουσαν καὶ ἐπὶ τῇ κεφαλῇ στέφανον· τῇ δὲ ἀριστερᾷ τοῦ θεοῦ χειρὶ ἔνεστι σκῆπτρον μετάλλοισ τοῖσ πᾶσιν ἠνθισμένον, ὁ δὲ ὄρνισ ὁ ἐπὶ τῷ σκήπτρῳ καθήμενόσ ἐστιν ὁ ἀετόσ. χρυσοῦ δὲ καὶ τὰ ὑποδήματα τῷ θεῷ καὶ ἱμάτιον ὡσαύτωσ ἐστί· τῷ δὲ ἱματίῳ ζῴδιά τε καὶ τῶν ἀνθῶν τὰ κρίνα ἐστὶν ἐμπεποιημένα. ὁ δὲ θρόνοσ ποικίλοσ μὲν χρυσῷ καὶ λίθοισ, ποικίλοσ δὲ καὶ ἐβένῳ τε καὶ ἐλέφαντί ἐστι·

καὶ ζῷά τε ἐπ’ αὐτοῦ γραφῇ μεμιμημένα καὶ ἀγάλματά ἐστιν εἰργασμένα. σχῆμα κατὰ ἕκαστον τοῦ θρόνου τὸν πόδα, δύο δέ εἰσιν ἄλλαι πρὸσ ἑκάστου πέζῃ ποδόσ.

τῶν ποδῶν δὲ ἑκατέρῳ τῶν ἔμπροσθεν παῖδέσ τε ἐπίκεινται Θηβαίων ὑπὸ σφιγγῶν ἡρπασμένοι καὶ ὑπὸ τὰσ σφίγγασ Νιόβησ τοὺσ παῖδασ Ἀπόλλων κατατοξεύουσι καὶ Ἄρτεμισ. τῶν δὲ ἐκ τοῦ θρόνου μεταξὺ ποδῶν τέσσαρεσ κανόνεσ εἰσίν, <ἐκ> ποδὸσ ἐσ πόδα ἕτερον διήκων ἕκαστοσ.

τῷ μὲν δὴ κατ’ εὐθὺ τῆσ ἐσόδου κανόνι, ἑπτά ἐστιν ἀγάλματα ἐπ’ αὐτῷ, τὸ γὰρ ὄγδοον ἐξ αὐτῶν οὐκ ἴσασι τρόπον ὅντινα ἐγένετο ἀφανέσ· εἰή δ’ ἂν ἀγωνισμάτων ἀρχαίων ταῦτα μιμήματα, οὐ γάρ πω τὰ ἐσ τοὺσ παῖδασ ἐπὶ ἡλικίασ ἤδη καθειστήκει τῆσ Φειδίου. τὸν δὲ αὑτὸν ταινίᾳ τὴν κεφαλὴν ἀναδούμενον ἐοικέναι τὸ εἶδοσ Παντάρκει λέγουσι, μειράκιον δὲ Ἠλεῖον τὸν Παντάρκη παιδικὰ εἶναι τοῦ Φειδίου· ἀνείλετο δὲ καὶ ἐν παισὶν ὁ Παντάρκησ πάλησ νίκην Ὀλυμπιάδι ἕκτῃ πρὸσ ταῖσ ὀγδοήκοντα. ἐπὶ δὲ τῶν κανόνων τοῖσ λοιποῖσ ὁ λόχοσ ἐστὶν ὁ σὺν Ἡρακλεῖ μαχόμενοσ πρὸσ Ἀμαζόνασ·

ἀριθμὸσ μὲν δὴ συναμφοτέρων ἐσ ἐννέα ἐστὶ καὶ εἴκοσι, τέτακται δὲ καὶ Θησεὺσ ἐν τοῖσ συμμάχοισ τῷ Ἡρακλεῖ. ἀνέχουσι δὲ οὐχ οἱ πόδεσ μόνοι τὸν θρόνον, ἀλλὰ καὶ κίονεσ ἴσοι τοῖσ ποσὶ μεταξὺ ἑστηκότεσ τῶν ποδῶν. ὑπελθεῖν δὲ οὐχ οἱο͂́ν τέ ἐστιν ὑπὸ τὸν θρόνον, ὥσπερ γε καὶ ἐν Ἀμύκλαισ ἐσ τὰ ἐντὸσ τοῦ θρόνου παρερχόμεθα· ἐν Ὀλυμπίᾳ δὲ ἐρύματα τρόπον τοίχων πεποιημένα τὰ δὲ ἀπείργοντά ἐστι. ἐρυμάτων ὅσον μὲν ἀπαντικρὺ τῶν θυρῶν ἐστιν, ἀλήλιπται κυανῷ μόνον, τὰ δὲ λοιπὰ αὐτῶν παρέχεται Παναίνου γραφάσ.

ἐν δὲ αὐταῖσ ἔστι μὲν οὐρανὸν καὶ γῆν Ἄτλασ ἀνέχων, παρέστηκε δὲ καὶ Ἡρακλῆσ ἐκδέξασθαι τὸ ἄχθοσ ἐθέλων τοῦ Ἄτλαντοσ, ἔτι δὲ Θησεύσ τε καὶ Πειρίθουσ καὶ Ἑλλάσ τε καὶ Σαλαμὶσ ἔχουσα ἐν τῇ χειρὶ τὸν ἐπὶ ταῖσ ναυσὶν ἄκραισ ποιούμενον κόσμον, Ἡρακλέουσ τε τῶν ἀγωνισμάτων τὸ ἐσ τὸν λέοντα τὸν ἐν Νεμέᾳ καὶ τὸ ἐσ Κασσάνδραν παρανόμημα Αἰάντοσ, Ἱπποδάμειά τε ἡ Οἰνομάου σὺν τῇ μητρὶ καὶ Προμηθεὺσ ἔτι ἐχόμενοσ μὲν ὑπὸ τῶν δεσμῶν, Ἡρακλῆσ δὲ ἐσ αὐτὸν ἦρται· λέγεται γὰρ δὴ καὶ τόδε ἐσ τὸν Ἡρακλέα, ὡσ ἀποκτείναι μὲν τὸν ἀετὸν ὃσ ἐν τῷ Καυκάσῳ τὸν Προμηθέα ἐλύπει, ἐξέλοιτο δὲ καὶ αὐτὸν Προμηθέα ἐκ τῶν δεσμῶν.

τελευταῖα δὲ ἐν τῇ γραφῇ Πενθεσίλειά τε ἀφιεῖσα τὴν ψυχὴν καὶ Ἀχιλλεὺσ ἀνέχων ἐστὶν αὐτήν· καὶ Ἑσπερίδεσ δύο φέρουσι τὰ μῆλα ὧν ἐπιτετράφθαι λέγονται τὴν φρουράν. Πάναινοσ μὲν δὴ οὗτοσ ἀδελφόσ τε ἦν Φειδίου καὶ αὐτοῦ καὶ Ἀθήνῃσιν ἐν Ποικίλῃ τὸ Μαραθῶνι ἔργον ἐστὶ γεγραμμένον. ἐπὶ δὲ τοῖσ ἀνωτάτω τοῦ θρόνου πεποίηκεν ὁ Φειδίασ ὑπὲρ τὴν κεφαλὴν τοῦ ἀγάλματοσ τοῦτο μὲν Χάριτασ, τοῦτο δὲ Ὥρασ, τρεῖσ ἑκατέρασ.

εἶναι γὰρ θυγατέρασ Διὸσ καὶ ταύτασ ἐν ἔπεσίν ἐστιν εἰρημένα· Ὅμηροσ δὲ ἐν Ἰλιάδι ἐποίησε τὰσ Ὥρασ καὶ ἐπιτετράφθαι τὸν οὐρανὸν καθάπερ τινὰσ φύλακασ βασιλέωσ αὐλῆσ. λέοντάσ τε χρυσοῦσ καὶ Θησέωσ ἐπειργασμένην ἔχει μάχην τὴν πρὸσ Ἀμαζόνασ, τὸ Ἀθηναίων πρῶτον ἀνδραγάθημα ἐσ οὐχ ὁμοφύλουσ.

ἐπὶ δὲ τοῦ βάθρου <τοῦ> τὸν θρόνον τε ἀνέχοντοσ καὶ ὅσοσ ἄλλοσ κόσμοσ περὶ τὸν Δία, ἐπὶ τούτου τοῦ βάθρου χρυσᾶ ποιήματα, ἀναβεβηκὼσ ἐπὶ ἁρ́μα Ἤλιοσ καὶ Ζεύσ τέ ἐστι καὶ Ἥρα, <ἔτι δὲ Ἥφαιστοσ,> παρὰ δὲ αὐτὸν Χάρισ·

ταύτησ δὲ Ἑρμῆσ ἔχεται, τοῦ Ἑρμοῦ δὲ Ἑστία· μετὰ δὲ τὴν Ἑστίαν Ἔρωσ ἐστὶν ἐκ θαλάσσησ Ἀφροδίτην ἀνιοῦσαν ὑποδεχόμενοσ, τὴν δὲ Ἀφροδίτην στεφανοῖ Πειθώ· ἐπείργασται δὲ καὶ Ἀπόλλων σὺν Ἀρτέμιδι Ἀθηνᾶ τε καὶ Ἡρακλῆσ, καὶ ἤδη τοῦ βάθρου πρὸσ τῷ πέρατι Ἀμφιτρίτη καὶ Ποσειδῶν Σελήνη τε ἵππον ἐμοὶ δοκεῖν ἐλαύνουσα. τοῖσ δέ ἐστιν εἰρημένα ἐφ’ ἡμιόνου τὴν θεὸν ὀχεῖσθαι καὶ οὐχ ἵππου, καὶ λόγον γέ τινα ἐπὶ τῷ ἡμιόνῳ λέγουσιν εὐήθη. μέτρα δὲ τοῦ ἐν Ὀλυμπίᾳ Διὸσ ἐσ ὕψοσ τε καὶ εὖροσ ἐπιστάμενοσ γεγραμμένα οὐκ ἐν ἐπαίνῳ θήσομαι τοὺσ μετρήσαντασ, ἐπεὶ καὶ τὰ εἰρημένα αὐτοῖσ μέτρα πολύ τι ἀποδέοντά ἐστιν ἢ τοῖσ ἰδοῦσι παρέστηκεν ἐσ τὸ ἄγαλμα δόξα, ὅπου γε καὶ αὐτὸν τὸν θεὸν μάρτυρα ἐσ τοῦ Φειδίου τὴν τέχνην γενέσθαι λέγουσιν.

ὡσ γὰρ δὴ ἐκτετελεσμένον ἤδη τὸ ἄγαλμα ἦν, ηὔξατο ὁ Φειδίασ ἐπισημῆναι τὸν θεὸν εἰ τὸ ἔργον ἐστὶν αὐτῷ κατὰ γνώμην· αὐτίκα δ’ ἐσ τοῦτο τοῦ ἐδάφουσ κατασκῆψαι κεραυνόν φασιν, ἔνθα ὑδρία καὶ ἐσ ἐμὲ ἐπίθημα ἦν ἡ χαλκῆ. ὅσον δὲ τοῦ ἐδάφουσ ἐστὶν ἔμπροσθεν τοῦ ἀγάλματοσ, τοῦτο οὐ λευκῷ, μέλανι δὲ κατεσκεύασται τῷ λίθῳ·

περιθεῖ δὲ ἐν κύκλῳ τὸν μέλανα λίθου Παρίου κρηπίσ, ἔρυμα εἶναι τῷ ἐλαίῳ τῷ ἐκχεομένῳ.

ἔλαιον γὰρ τῷ ἀγάλματί ἐστιν ἐν Ὀλυμπίᾳ συμφέρον, καὶ ἔλαιόν ἐστι τὸ ἀπεῖργον μὴ γίνεσθαι τῷ ἐλέφαντι βλάβοσ διὰ τὸ ἑλῶδεσ τῆσ Ἄλτεωσ. ἐν ἀκροπόλει δὲ τῇ Ἀθηναίων τὴν καλουμένην Παρθένον οὐκ ἔλαιον, ὕδωρ δὲ τὸ ἐσ τὸν ἐλέφαντα ὠφελοῦν ἐστιν· ἅτε γὰρ αὐχμηρᾶσ τῆσ ἀκροπόλεωσ οὔσησ διὰ τὸ ἄγαν ὑψηλόν, τὸ ἄγαλμα ἐλέφαντοσ πεποιημένον ὕδωρ καὶ δρόσον τὴν ἀπὸ τοῦ ὕδατοσ ποθεῖ. ἐν Ἐπιδαύρῳ δὲ ἐρομένου μου καθ’ ἥντινα αἰτίαν οὔτε ὕδωρ τῷ Ἀσκληπιῷ σφισιν οὔτε ἔλαιόν ἐστιν ἐγχεόμενον, ἐδίδασκόν με οἱ περὶ τὸ ἱερὸν ὡσ καὶ τὸ ἄγαλμα τοῦ θεοῦ καὶ ὁ θρόνοσ ἐπὶ φρέατι εἰή πεποιημένα.

일치하는 문장이 없습니다.

SEARCH

MENU NAVIGATION