Pausanias, Description of Greece, Ἠλιακῶν Α, chapter 3

(파우사니아스, Description of Greece, Ἠλιακῶν Α, chapter 3)

Ἡρακλῆσ δὲ εἷλεν ὕστερον καὶ ἐπόρθησεν Ἦλιν, στρατιὰν παρά τε Ἀργείων καὶ ἐκ Θηβῶν ἀθροίσασ καὶ Ἀρκάδασ· ἤμυναν δὲ καὶ Ἠλείοισ οἱ ἐκ Πύλου τοῦ ἐν τῇ Ἠλείᾳ καὶ οἱ Πισαῖοι. καὶ τοὺσ μὲν ἐτιμωρήσατο αὐτῶν ὁ Ἡρακλῆσ, τῆσ δὲ ἐπὶ τοὺσ Πισαίουσ στρατείασ αὐτὸν χρησμὸσ ἐπέσχεν ἐκ Δελφῶν ἔχων οὕτω· πατρὶ μέλει Πίσησ, Πυθοῦσ δέ μοι ἐν γυάλοισι. τοῦτο μὲν δὴ σωτηρία Πισαίοισ τὸ μάντευμα ἐγένετο· Φυλεῖ δὲ Ἡρακλῆσ τήν τε χώραν ἀνέδωκε τὴν Ἠλείαν καὶ τἄλλα, αἰδοῖ τοῦ Φυλέωσ μᾶλλον ἢ αὐτὸσ ἑκουσίωσ· τά τε γὰρ αἰχμάλωτα ἐφίησιν ἔχειν αὐτῷ καὶ Αὐγέαν μὴ ὑποσχεῖν δίκην. τῶν δὲ Ἠλείων αἱ γυναῖκεσ, ἅτε τῶν ἐν ἡλικίᾳ σφίσιν ἠρημωμένησ τῆσ χώρασ, εὔξασθαι τῇ Ἀθηνᾷ λέγονται κυῆσαι παραυτίκα, ἐπειδὰν μιχθῶσι τοῖσ ἀνδράσι·

καὶ ἥ τε εὐχή σφισιν ἐτελέσθη καὶ Ἀθηνᾶσ ἱερὸν ἐπίκλησιν Μητρὸσ ἱδρύσαντο. ποταμὸν τὸν ῥέοντα ἐνταῦθα ὕδωρ Βαδὺ ἐπιχωρίῳ φωνῇ.

Φυλέωσ δέ, ὡσ τὰ ἐν τῇ Ἤλιδι κατεστήσατο, αὖθισ ἐσ Δουλίχιον ἀποχωρήσαντοσ, Αὐγέαν μὲν τὸ χρεὼν ἐπέλαβε προήκοντα ἐσ γῆρασ, βασιλείαν δὲ τὴν Ἠλείων Ἀγασθένησ ἔσχεν ὁ Αὐγέου καὶ Ἀμφίμαχόσ τε καὶ Θάλπιοσ·

Ἄκτοροσ γὰρ τοῖσ παισὶν ἀδελφὰσ ἐσαγαγομένοισ διδύμασ ἐσ τὸν οἶκον, Δεξαμενοῦ θυγατέρασ ἐν Ὠλένῳ βασιλεύοντοσ, τῷ μὲν ἐκ Θηρονίκησ Ἀμφίμαχοσ, Εὐρύτῳ δὲ ἐκ Θηραιφόνησ ἐγεγόνει Θάλπιοσ. οὐ μὴν οὐδὲ Ἀμαρυγκεὺσ οὔτε αὐτὸσ διέμεινεν ἰδιωτεύων οὔτε Διώρησ ὁ Ἀμαρυγκέωσ.

ἃ δὴ καὶ Ὅμηροσ παρεδήλωσεν ἐν καταλόγῳ τῶν Ἠλείων, τὸν μὲν σύμπαντα αὐτῶν στόλον ποιήσασ τεσσαράκοντα εἶναι νεῶν, τούτων δὲ τὰσ ἡμισείασ ὑπὸ Ἀμφιμάχῳ τετάχθαι καὶ Θαλπίῳ, τῶν λοιπῶν δὲ εἴκοσι δέκα μὲν ναυσὶ Διώρην τὸν Ἀμαρυγκέωσ ἡγεῖσθαι, τοσαύταισ δὲ ἑτέραισ Πολύξενον τὸν Ἀγασθένουσ. Πολυξένῳ δὲ ἀνασωθέντι ἐκ Τροίασ ἐγένετο υἱὸσ Ἀμφίμαχοσ ‐ τὸ δὲ ὄνομα τῷ παιδὶ ἔθετο ὁ Πολύξενοσ κατὰ φιλίαν ἐμοὶ δοκεῖν πρὸσ Ἀμφίμαχον τὸν Κτεάτου τελευτήσαντα ἐν Ἰλίῳ ‐ , Ἀμφιμάχου δὲ Ἠλεῖοσ· καὶ ἐπὶ Ἠλείου βασιλεύοντοσ ἐν Ἤλιδι, τηνικαῦτα ὁ Δωριέων στόλοσ σὺν τοῖσ Ἀριστομάχου παισὶν ἠθροίζετο ἐπὶ καθόδῳ τῇ ἐσ Πελοπόννησον.

γίνεται δὲ τοῖσ βασιλεῦσιν αὐτῶν λόγιον τόδε, ἡγεμόνα τῆσ καθόδου ποιεῖσθαι τὸν τριόφθαλμον. ἀποροῦσι δέ σφισιν ὅ τι ὁ χρησμὸσ ἐθέλοι συνέτυχεν ἐλαύνων ἀνὴρ ἡμίονον, ὁ δὲ ἕτεροσ διέφθαρτο τῷ ἡμιόνῳ τῶν ὀφθαλμῶν· Κρεσφόντου δὲ συμφρονήσαντοσ ὡσ ἐσ τοῦτον τὸν ἄνδρα ἔχοι τὸ μάντευμα, οὕτωσ ᾠκειώσαντο αὐτὸν οἱ Δωριεῖσ.

ὁ δὲ σφᾶσ ναυσὶν ἐκέλευεν ἐσ Πελοπόννησον κατιέναι μηδὲ στρατῷ πεζῷ διὰ τοῦ ἰσθμοῦ πειρᾶσθαι. ταῦτά τε δὴ παρῄνεσε καὶ ἅμα τὸν ἐσ Μολύκριον ἐκ Ναυπάκτου πλοῦν καθηγήσατο αὐτοῖσ·

οἱ δὲ ἀντὶ τούτου δεηθέντι τὴν Ἠλείαν γῆν συνέθεντο αὐτῷ δώσειν. ὁ δὲ ἀνὴρ ἦν Ὄξυλοσ Αἵμονοσ τοῦ Θόαντοσ· Θόασ δὲ ἦν οὗτοσ ὃσ καὶ τοῖσ Ἀτρέωσ παισὶν ἀρχὴν συγκαθεῖλε τὴν Πριάμου, γενεαὶ δὲ ἀπὸ Θόαντοσ ἀνήκουσιν ἓξ ἐσ Αἰτωλὸν τὸν Ἐνδυμίωνοσ. ἦσαν δὲ οἱ Ἡρακλεῖδαι συγγενεῖσ καὶ ἄλλωσ τοῖσ ἐν Αἰτωλίᾳ βασιλεῦσι, καὶ ἀδελφαὶ Θόαντι τῷ Ἀνδραίμονοσ καὶ Ὕλλου τοῦ Ἡρακλέουσ ἦσαν αἱ μητέρεσ.

συνεπεπτώκει δὲ τῷ Ὀξύλῳ φυγάδι ἐξ Αἰτωλίασ εἶναι· δισκεύοντα γάρ φασιν ἁμαρτεῖν αὐτὸν καὶ ἐξεργάσασθαι φόνον ἀκούσιον, τὸν δὲ ἀποθανόντα ὑπὸ τοῦ δίσκου τὸν ἀδελφὸν εἶναι τοῦ Ὀξύλου Θέρμιον, οἱ δὲ Ἀλκιδόκον τὸν Σκοπίου.

일치하는 문장이 없습니다.

SEARCH

MENU NAVIGATION