호흡부호 보기
강세부호 보기
장단부호 보기
작은 Iota 보기
모든 부호 보기
πρὸσ δὲ τῷ ἁρ́ματι τῷ Γέλωνοσ Ζεὺσ ἕστηκεν ἀρχαῖοσ ἔχων σκῆπτρον, Ὑβλαίων δέ φασιν εἶναι ἀνάθημα· αἱ δὲ ἦσαν ἐν Σικελίᾳ πόλεισ αἱ Ὕβλαι, <ἡ μὲν> Γερεᾶτισ ἐπίκλησιν, τὴν δὲ ‐ ὥσπερ γε καὶ <ἦν> ‐ ἐκάλουν Μείζονα. ἔχουσι δὲ καὶ κατ’ ἐμὲ ἔτι τὰ ὀνόματα, ἐν τῇ Καταναίᾳ δὲ ἡ μὲν ἔρημοσ ἐσ ἅπαν, ἡ δὲ κώμη τε Καταναίων ἡ Γερεᾶτισ καὶ ἱερόν σφισιν Ὑβλαίασ ἐστὶ θεοῦ, παρὰ Σικελιωτῶν ἔχον τιμάσ. παρὰ τούτων δὲ κομισθῆναι τὸ ἄγαλμα ἐσ Ὀλυμπίαν ἡγοῦμαι· τεράτων γὰρ σφᾶσ καὶ ἐνυπνίων Φίλιστοσ ὁ Ἀρχομενίδου φησὶν ἐξηγητὰσ εἶναι καὶ μάλιστα εὐσεβείᾳ τῶν ἐν Σικελίᾳ βαρβάρων προσκεῖσθαι.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기