헬라어 문장 검색 - Παυσαν́Δεσξριπ́5́23́

(파우사니아스, Description of Greece, Ἠλιακῶν Α, chapter 23)

παρεξιόντι δὲ παρὰ τὴν ἐσ τὸ βουλευτήριον ἔσοδον Ζεύσ τε ἕστηκεν ἐπίγραμμα ἔχων οὐδὲν καὶ αὖθισ ὡσ πρὸσ ἄρκτον ἐπιστρέψαντι ἄγαλμά ἐστι Διόσ· τοῦτο τέτραπται μὲν πρὸσ ἀνίσχοντα ἥλιον, ἀνέθεσαν δὲ Ἑλλήνων ὅσοι Πλαταιᾶσιν ἐμαχέσαντο ἐναντία Μαρδονίου τε καὶ Μήδων. καὶ Ὀρχομένιοι, ἐπὶ δὲ αὐτοῖσ ὅσοι Φλιοῦντα καὶ Τροίζηνα καὶ Ἑρμιόνα οἰκοῦσιν, ἐκ δὲ χώρασ τῆσ Ἀργείασ Τιρύνθιοι, Πλαταιεῖσ δὲ μόνοι Βοιωτῶν, καὶ Ἀργείων οἱ Μυκήνασ ἔχοντεσ, νησιῶται δὲ Κεῖοι καὶ Μήλιοι, Ἀμβρακιῶται δὲ ἐξ ἠπείρου τῆσ Θεσπρωτίδοσ, Τήνιοί τε καὶ Λεπρεᾶται, Λεπρεᾶται μὲν τῶν ἐκ τῆσ Τριφυλίασ μόνοι, ἐκ δὲ Αἰγαίου καὶ τῶν Κυκλάδων οὐ Τήνιοι μόνοι ἀλλὰ καὶ Νάξιοι καὶ Κύθνιοι, ἀπὸ δὲ Εὐβοίασ Στυρεῖσ, μετὰ δὲ τούτουσ Ἠλεῖοι καὶ Ποτιδαιᾶται καὶ Ἀνακτόριοι, τελευταῖοι δὲ Χαλκιδεῖσ οἱ ἐπὶ τῷ Εὐρίπῳ.

τούτων τῶν πόλεων τοσαίδε ἦσαν ἐφ’ ἡμῶν ἔρημοι·

Μυκηναῖοι μὲν καὶ Τιρύνθιοι ὑπὸ τῶν Μηδικῶν ὕστερον ἐγένοντο ὑπὸ Ἀργείων ἀνάστατοι· Ἀμβρακιώτασ δὲ καὶ Ἀνακτορίουσ ἀποίκουσ Κορινθίων ὄντασ ἐπηγάγετο ὁ Ῥωμαίων βασιλεὺσ ἐσ Νικοπόλεωσ συνοικισμὸν πρὸσ τῷ Ἀκτίῳ· Ποτιδαιάτασ δὲ δὶσ μὲν ἐπέλαβεν ἀναστάτουσ ἐκ τῆσ σφετέρασ ὑπὸ Φιλίππου τε γενέσθαι τοῦ Ἀμύντου καὶ πρότερον ἔτι ὑπὸ Ἀθηναίων, χρόνῳ δὲ ὕστερον Κάσσανδροσ κατήγαγε μὲν Ποτιδαιάτασ ἐπὶ τὰ οἰκεῖα, ὄνομα δὲ οὐ τὸ ἀρχαῖον τῇ πόλει, Κασσάνδρεια δὲ ἐγένετο ἀπὸ τοῦ οἰκιστοῦ. τὸ δὲ ἄγαλμα ἐν Ὀλυμπίᾳ τὸ ἀνατεθὲν ὑπὸ τῶν Ἑλλήνων ἐποίησεν Ἀναξαγόρασ Αἰγινήτησ· τοῦτον οἱ συγγράψαντεσ τὰ ἐσ Πλαταιὰσ παριᾶσιν ἐν τοῖσ λόγοισ. ἔστι δὲ πρὸ τοῦ Διὸσ τούτου στήλη χαλκῆ, Λακεδαιμονίων καὶ Ἀθηναίων συνθήκασ ἔχουσα εἰρήνησ ἐσ τριάκοντα ἐτῶν ἀριθμόν.

ταύτασ ἐποιήσαντο Ἀθηναῖοι παραστησάμενοι τὸ δεύτερον Εὔβοιαν, ἔτει τρίτῳ τῆσ <τρίτησ πρὸσ τὰσ ὀγδοήκοντα> Ὀλυμπιάδοσ, ἣν Κρίσων Ἱμεραῖοσ ἐνίκα στάδιον. ἔστι δὲ ἐν ταῖσ συνθήκαισ καὶ τόδε εἰρημένον, εἰρήνησ μὲν τῆσ Ἀθηναίων καὶ Λακεδαιμονίων τῇ Ἀργείων μὴ μετεῖναι πόλει, ἰδίᾳ δὲ Ἀθηναίουσ καὶ Ἀργείουσ, ἢν ἐθέλωσιν, ἐπιτηδείωσ ἔχειν πρὸσ ἀλλήλουσ.

αὗται μὲν λέγουσι τοιαῦτα αἱ συνθῆκαι, Διὸσ δὲ ἄλλο ἄγαλμα παρὰ τὸ ἁρ́μα ἀνάκειται τὸ Κλεοσθένουσ· τούτου μὲν δὴ ἡμῖν καὶ ἐν τοῖσ ἔπειτα ἔσται μνήμη, τὸ δὲ ἄγαλμα τοῦ Διὸσ Μεγαρέων μέν ἐστιν ἀνάθημα, ἀδελφοὶ δὲ αὐτὸ Ψύλακόσ τε καὶ Ὄναιθοσ καὶ οἱ παῖδεσ οἱ τούτων εἰργάσαντο·

ἡλικίαν δὲ αὐτῶν ἢ πατρίδα ἢ παρ’ ᾧ τινι ἐδιδάχθησαν, οὐκ ἔχω δηλῶσαι. πρὸσ δὲ τῷ ἁρ́ματι τῷ Γέλωνοσ Ζεὺσ ἕστηκεν ἀρχαῖοσ ἔχων σκῆπτρον, Ὑβλαίων δέ φασιν εἶναι ἀνάθημα·

αἱ δὲ ἦσαν ἐν Σικελίᾳ πόλεισ αἱ Ὕβλαι, <ἡ μὲν> Γερεᾶτισ ἐπίκλησιν, τὴν δὲ ‐ ὥσπερ γε καὶ <ἦν> ‐ ἐκάλουν Μείζονα. ἔχουσι δὲ καὶ κατ’ ἐμὲ ἔτι τὰ ὀνόματα, ἐν τῇ Καταναίᾳ δὲ ἡ μὲν ἔρημοσ ἐσ ἅπαν, ἡ δὲ κώμη τε Καταναίων ἡ Γερεᾶτισ καὶ ἱερόν σφισιν Ὑβλαίασ ἐστὶ θεοῦ, παρὰ Σικελιωτῶν ἔχον τιμάσ. παρὰ τούτων δὲ κομισθῆναι τὸ ἄγαλμα ἐσ Ὀλυμπίαν ἡγοῦμαι· τεράτων γὰρ σφᾶσ καὶ ἐνυπνίων Φίλιστοσ ὁ Ἀρχομενίδου φησὶν ἐξηγητὰσ εἶναι καὶ μάλιστα εὐσεβείᾳ τῶν ἐν Σικελίᾳ βαρβάρων προσκεῖσθαι. πλησίον δὲ τοῦ Ὑβλαίων ἀναθήματοσ βάθρον τε πεποίηται χαλκοῦν καὶ ἐπ’ αὐτῷ Ζεύσ·

τοῦτον ὀκτὼ μάλιστα εἶναι ποδῶν καὶ δέκα εἰκάζομεν.

οἵτινεσ δὲ αὐτὸν ἔδοσαν τῷ θεῷ καὶ ὧντινών ἐστιν ἔργον, ἐλεγεῖον γεγραμμένον σημαίνει· Κλειτόριοι τόδ’ ἄγαλμα θεῷ δεκάταν ἀνέθηκαν,πολλᾶν ἐκ πολίων χερσὶ βιασσάμενοι. καιμετρειτ Ἀρίστων ἠδὲ Τελέστασαὐτοκασίγνητοι καλὰ Λάκωνεσ ἔθεν. τούτουσ οὐκ ἐσ ἅπαν τὸ Ἑλληνικὸν ἐπιφανεῖσ νομίζω γενέσθαι· εἶχον γὰρ ἄν τι καὶ Ἠλεῖοι περὶ αὐτῶν λέγειν, καὶ πλέονα ἔτι Λακεδαιμόνιοι πολιτῶν γε ὄντων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Α, chapter 23

(파우사니아스, Description of Greece, Ἠλιακῶν Α, chapter 23)

상위

목록

SEARCH

MENU NAVIGATION